Hugsi yfir Mogganum

í dag varð ég þegar ég var búinn að lesa leiðarann og Agnesi og greinarnar tvær ofan til hægri eftir Birgi Ármannsson og Vilhjálm Bjarnason. Allt saman gullvægur sannleiki og gott litteræriskt ívaf hjá Villa.

Kemur svo ekki grein eftir Katrínu Jakobs fyrir neðan. Ég auðvitað las hana og hugsaði mér að tæta hana í mig lið fyrir lið. Hver einasta málsgrein loforð um aukin ríkisútgjöld og skattheimtu.  Svo las ég áfram síðu eftir síðu.

Og þá er Mogginn proppfullur af ámóta vitleysisritgerðum eftir vinstri flokkaflóruna allt niður í Benedikt Jóhannesson sem boðar Íslendingum efnahagslegt sjálfsmorð með myntráði, sem er auðvitað ekkert annað en upptaka Evru og innganga í Evrópusambandið. Ætlar hann að vera kominn með myntráðinn í febrúar þegar kjaradeilurnar við BSRB og svo framvegis byrja? 

Ég sá að það tekur því ekki að ráðast á Katrínu sérstaklega málsgrein fyrir málsgrein eins og ég hafði hugsað mér. Ég bið lesendur samt að lesa þessa grein og spyrja sig hvað hver þeirra kosti og hvaðan peningarnir eigi að koma annarsstaðar frá en úr þeirra eigin vösum?

Því vasar útgerðarinnar, auðmanna og eldri borgara verða fljótir að tæmast.Og þá er aðeins eftir að skipta skortinum réttlátlega milli annarra þegna en Katrínar sjálfrar og Steingríms J.sem hækka verðtryggðan lífeyri sinn með hverjum degi sem líður.

Ég verð hugsi og þunglyndur þegar ég hugsa til þess að svona stór hluti þjóðarinnar virðist svo veruleikafirrtur að halda að fimmflokka stjórn til vinstri verði skárri en sú sem við höfum? Er ekki nýbúin að vera hér vinstri kattasmölunarstjórn sem varð að reiða sig á tilfallandi hlaupastráka á Alþingi til að halda lífi? Ekki koma neinu til leiðar?

Kannski er þetta herbragð Mogga til að fletta ofan af vitleysunni? Þeirra eigin orð? Já, líklega ekki ólíklegt?

Já þessi Moggi fékk mig virkilega til að hugsa hrollvekjuna upp aftur.

Athugasemdir

[Halldór Jónsson, 28.10.2016 kl. 13:11]

Horfið bara á forsætisráðherraefni Birgittu. Stærðfræðinginn Smára McCarthy.

Hugsið ykkur í alvöru að hann eða Birgitta verði forsætisráðherra Íslands?

ttps://m.youtube.com/watch?v=uEIwmPSzlxI

 

[Bjarni Jónsson, 28.10.2016 kl. 13:40]

Nýjustu fregnir herma reyndar, að "sýndarstærðfræðingurinn" sækist eftir embætti utanríkisráðherra.  Hvílík martröð, og Birgitta eða Teflon-Kata í forsætinu.

Annars minntist Teflon-Kata í téðri grein ekki á styttingu vinnuvikunnar í 35 klst, sem er vitlausasta inngrip stjórnmálamanna í vinnumarkaðinn, sem hugsazt getur.  Þetta hafa þær stöllur Birgitta, Teflon-Kata og Oddný sameinazt um. 

Franskir jafnaðarmenn stórsköðuðu samkeppnishæfni fransks atvinnulífs með þessu, og eru nú með öllum tiltækum ráðum að reyna að afturkalla þetta við mikil ramakvein rauðliða á götum úti. 

Er ekki heil brú í þessu fólki, Halldór ?

[Halldór Jónsson, 28.10.2016 kl. 17:42]

Ólafur Jóhannesson stytti vinuvikuna um 10 % 1971 og hækkaði allt kaup um 10 %.

Íslendingar voru tuttugu ár að komast út úr óðaverðbólgunni sem þetta leiddi af sér. Nú vilja þessar vísu konur endurtaka leikinn. Jésús.

[Elle_, 28.10.2016 kl. 21:59]

Ég verð hugsi og þunglyndur þegar ég hugsa til þess að svona stór hluti þjóðarinnar virðist svo veruleikafirrtur að halda að fimmflokka stjórn til vinstri verði skárri en sú sem við höfum? Er ekki nýbúin að vera hér vinstri kattasmölunarstjórn- - 

Mikið óstjórnlega var ég sammála þessum orðum, Halldór. Í alvöru, við erum með nokkuð góðan stöðugleika núna. Og ég kýs aldrei aftur vinstriflokk eftir fallið mikla með VG 2009. 

[Halldór Jónsson, 29.10.2016 kl. 07:20]

Eftir svo löng kynni af þér Elle, þá veit ég að þú stendur við þína sannfæringu

[Elle_, 29.10.2016 kl. 23:40]

30% Halldór. Ótrúlegt stökk.