Þarf ekki að hækka þröskuldinn?

til að koma mönnum á þing?

Nú erum við sjö flokka á Alþingi. Er einhver sem heldur það að þetta auki á skilvirkni í störfum?

Ef þröskuldurinn væri 7.5-8 % þá væru flokkarnir núna fimm en ekki sjö. Hvað myndi ekki sparast í kosningabaráttunni? Hversu flokkarnir myndi ekki þurfa meira að vanda sig í starfi á Alþingi? 

Þarf ekki að hækka þröskuldinn inn á þing?

 

Athugasemdir

[Ómar Ragnarsson, 30.10.2016 kl. 11:39]

Jú, endilega, til þess að samtals um 20% þjóðarinnar séu rændir þingmönnunum, sem hefðu annars komist inn. 

Það samsvarar því að heilt kjördæmi fengi engan þingmann. 

Það voru sjö flokkar á þingi 1987-1991 og fimm flokka stjórn Steingríms Hermannssonar, sem hann myndaði 1988 sat út kjörtímabilið. 

[Höfundur ókunnur, 30.10.2016 kl. 12:00]

Nei, nei. Tessa tillögu ma tho skoda ef landid er eitt kjördaemi, en eftir slika breytingu vaeri edlilegast ad mida vid lagmarksthröskuld 1/63 (nanar: 1/thingmannafjöldi).

[Halldór Jónsson, 30.10.2016 kl. 12:19]

Það er sko í fínu lagi Ómar, þá myndu kjósendur hugsa sig um áður en þeir hentu atkvæði í vonlausa flokka sem væru til dæmis ekki að mælast í skoðanakönnunum.

Fimmflokka ríkisstjórn Steingríms var einhver versta stjórn sem hér hefur setið. Flokkakerfið er það skásta sem völ er á  fulltrúalýðræðið.Tíðar Þjóðaratkvæðagreiðslur ganga sér til húðar.

Nigel farage fékk 20 % og 1 þingmann í Bretlandi og þar við sat.