Sigurður Ingi

fékk þá umsögn hjá flestum formönnum flokkanna í sjónvarpsþætti í kvöld, að vinnubrögð á Alþingi það hálfa ár sem hann hefur verið forsætisráðherra, hafi stórbatnað.

Hvernig stendur á því að allskyns fólk gengur um með yfirlýsingar um að Framsókn sé ekki stjórntækur flokkur vegna innri klofnings milli Sigurðar manna og manna fyrri formanns? Er þetta virkilega eitthvað óbrúanlegt í ljósi þjóðarhagsmuna?

Veitir af að á Alþingi sé svona rólegheita maður eins og Sigurður Ingi sem getur haft þessi áhrif á óstýrilátan þingheim? 

Voru ekki þessi ummæli forystumanna stjórnarandstöðuflokkanna um áhrif Sigurðar Inga forsætisráðherra talsvert athyglisverð?

 

Athugasemdir

[Ómar Ragnarsson, 31.10.2016 kl. 00:59]

Framsóknarflokkurinn myndaði þrjár ríkisstjórnir á árunum 1932-1946, en aðrir flokkar tóku ekki í mál að vera í þeim stjórnum ef Jónas Jónsson yrði ráðherra. Í umræðum í dag var einmitt minnst á það, að ef Framsókn færi í stjórn, væri Sigmundur Davíð búinn að skapa sér það sterka stöðu innan flokksins, að hann myndi seilast til ráðherrastóls ef flokkurinn ætti völ á stjórnaraðild. 

Það sama er að gerast hjá flokknum og á tímum Jónasar og sjálfur Sagði Sigurður Ingi í dag, að því verki væri ólokið að leysa innanflokksvandamál Framsóknar. 

[Halldór Jónsson, 31.10.2016 kl. 05:20]

Mér finnst það líklegt að svo sé Ómar. Þessi svokölluðu stórmenni setja eigin hag yfirleitt ofar öllu öðru.Þá verður yfirleitt svo að vera.

[Halldór Jónsson, 31.10.2016 kl. 07:47]

Var það ekki Jón Magnússon ráðherra sem spurði hver hefði eitthvað að gera með skörunga?