Sigurræða Trumps

er þess virði að hlusta á. Allt annar maður en birtist okkur í hita leiksins. Auðmjúkur, einbeittur í að standa sig. Hún er á youtube.com.

Kosningabaráttan var ekki venjuleg kosningabarátta segir hann í ræðunni. Hún var fjöldahreyfing. Ég mun standa fyrir sanngirni gagnvart öllum mönnum og þjóðum. Ég mun ekki valda ykkur vonbrigðum.

Ég myndi ráðleggja fréttamönnum RÚV að hlusta á þessa ræðu hvort sem þeir eru færir um að skilja hana eða ekki. Trump Bandaríkjaforseti er þó staðreynd sem þeir sem aðrir verða að lifa með.  Ég held að Trump eigi eftir að koma á óvart eins og Reagan gerði.

Sigurræðan sýnir okkur manninn á bak við allar æsingarnar. Trump er einlægur Bandaríkjamaður sem elskar land sitt og þjóð svo mikið er víst. Hann mun virða hvorutveggja og fara vel með.

Þannig skil ég sigurræðu Trumps.

Athugasemdir

[Elín Sigurðardóttir (IP-tala skráð) 10.11.2016 kl. 09:04]

Það verður a.m.k. vel fylgst með honum.  Morgunblaðið er mjög að velta vöngum yfir því hvaða merkingu öll stóryrði hans hafi. Stór hernaðarsamningur virðist þó ekki hafa raskað ró manna þar á bæ.  

http://www.mbl.is/frettir/innlent/2016/11/09/ovist_hvad_storyrdi_trumps_thyda_i_raun/

http://www.visir.is/bandarikin-samthykkja-4,3-billjona-samning-um-hernadaradstod-til-israels/article/2016160919520

[Jón Valur Jensson, 10.11.2016 kl. 12:59]

Fín grein hjá þér, Halldór, og mikilvæg.

Er ekki Rúvið bara á síðasta snúningi?

Samt fær það að kippa 3,7 milljörðum árlega upp úr vösum okkar skattgreiðenda!