Hjálpræðisherinn

er víst ekki til sem trúfélag í augum meirihlutans í Borgarstjórn. En Wahabistar í SaudiArabíu eru það og þeim skulu gjafir gefnar úr hjarta Reykjavíkur.

Hverjir þessarra skyldu til þessa hafa lagt meira til fátækra í okkar samfélagi? Var allt starf Hjálpæðishersins í hundrað ár í Reykjavík þess eðlis að Herkastalinn skuli mölvaður niður og starfsemin flutt brott undir minjavernd Hjálmars?

Þurfa Reykvíkingar að þola þessa stjórn í nærri tvö ár í viðbót? Undirskriftasöfnun virðist vera sem blærinn í laufi fyrir þessu fólki sbr. Flugvallarsöfnunin. Er svarið bara meira þolgæði og þreyjan eftir þrjúþúsund leiguíbúðum við Dagmál?

Athugasemdir

[Elín Sigurðardóttir (IP-tala skráð) 10.11.2016 kl. 09:36]

Merkilegt hvað þeim er illa við hjálpræðisherinn en vel við herinn þessum vinstri druslum öllum.

http://www.mbl.is/frettir/innlent/2016/11/09/harmi_slegin_en_ekki_hissa/

[Halldór (IP-tala skráð) 10.11.2016 kl. 12:27]

Hjálpræðisherinn seldi húsið sitt undir hótel og ætlar að byggja sér nýtt hús,sem hentar starfseminni betur, fyrir peninginn sem fékkst fyrir söluna.

[Halldór (IP-tala skráð) 10.11.2016 kl. 12:31]

 Ég veit ekki til þess að það eigi að mölva Herkastalann niður. Þetta virðast ósköp eðlileg viðskipti sem ég skil ekki af hverju verið er að gera að einhverju máli og blanda Múslimum í það.

[Elín Sigurðardóttir (IP-tala skráð) 10.11.2016 kl. 12:46]

Ég skil ekki heldur af hverju Guðni forseti sendi ekki frá sér orðsendingu þegar Bandaríkin samþykktu hernaðaraðstoð til Ísrael:  "Við styðjum einhuga frelsi til hugsana og tjáningar, jafnrétti kynjanna og höfum í hávegum jafnan rétt allra þegna óháð litarhafti eða trú."  Af hverju áritaði hann ekki bara sprengjurnar?  "Frá Guðna."

[Jón Valur Jensson, 10.11.2016 kl. 12:53]

Borgarstjórnmarmeirihlutinn hefur ítrekað fjandskapazt við kristindóm, vill beinlínis gera Nýja testamentið að bannvöru til grunnskóla borgarinnar, agnúast út í litlu-jólin og heimsóknir skólabarna í kirkjur fyrir jól og páska og hefur hafnað hér umsókn Hjálpræðishersins, skráðs kristins trúfélags, um afléttingu gatnagerðargjalda, og er þetta þó ein helzta hjálparstofnun landsins í þágu heimilislausra, einmana og raunamæddra, hefur haldið uppi ókeypis þjónustu við þetta fólk í meira en heila öld með máltíðum og gistirými. 

Svo sendir söfnuður Félags múslima á Íslandi beiðni til sama borgarráðs og fær þá þvert gegn lögum ókeypis lóð á bezta stað í bænum, á gömlu landi úr eigu Viðeyjarklausturs, og þarf engin gatnagerðargjöld að borga! Forstöðumaður safnaðarins hefur þrívegis lýst því yfir, að hann standi ekki á móti því boði Kóransins að höggva hendur af þjófum!

Þarna sést hugur þessa ofurskammsýna meirihluta í borgarstjórn sem með athæfi sínu gefur kjósendum enn fleiri ástæður til að hafna Samfylkingu Dags og Semu Erlu, eða er það ekki ljóst, að meirihluti þeirra og annarra vinstri viðhengja í borgarstjórn tekur öfgamúslima fram yfir kristna velgerðarmenn samfélagsins og Kóraninn fram yfir Nýja testamentið, bókina sem kenna má við Jesúm Krist?

[Halldór Jónsson, 10.11.2016 kl. 16:05]

Vel mælt Jón Valur, ég kem ekki auga á nokkuð jákvætt sem komið hefur frá þessum meirihluta.

Bullið í Degi Bé um áætlanir um fjármál og rekstrarafgang eða byggingu 3000 leiguíbúða framkalla bara vorkunnarbros hjá þeim sem á hlýða. Það gengur ekkert upp hjá greyinu það er sama hvað hann segir, allt klúðrast nema það að þrengja göturnar,eyðileggja flugvöllinn og blása út starfsmannalistann í ráðhúsinu. Þar stendur hann sig.

[Tómas Ibsen Halldórsson, 10.11.2016 kl. 16:48]

Jesaja spámaður kemst vel að orði um 700 árum fyrir Krist.

Hann segir í 5.kafla Jejajabókar:

²⁰Vei þeim, sem kalla hið illa gott og hið góða illt, sem gjöra myrkur að ljósi og ljós að myrkri, sem gjöra beiskt að sætu og sætt að beisku.

²¹Vei þeim, sem vitrir eru í augum sjálfra sín og hyggnir að eigin áliti.

²²Vei þeim, sem kappar eru í víndrykkju og öflugar hetjur í því að byrla áfengan drykk, ²³þeim sem sýkna hinn seka fyrir mútur og svipta hina réttlátu rétti þeirra.

²⁴Fyrir því, eins og eldsloginn eyðir stráinu og heyið hnígur í bálið, svo skal rót þeirra fúna og blóm þeirra feykjast sem ryk, af því að þeir hafa hafnað lögmáli Drottins allsherjar og fyrirlitið orð Hins heilaga í Ísrael.