Fróðleg afglapasaga

er samantekt yfir viðskipti gamla Glitnis í Morgunblaðinu í dag eftir að hann kemst í vald Jóns Ásgeirs og félaga hans.

Þetta er saga hlutfélags sem var bankinn minn fram að þessu og ég hafði keypt í hlutabréf með súrum sveita.

Þetta samsafn viðskiptajöfra, sem þeir töldu sig vera, náðu hlutafélagsbankanum undir sig. Þannig gátu þeir margfaldað svik sín við hvert fótmál.

Afleiðingin sýnir til hvers áhrif svona kjölfestufjárfesta í almenningshlutafélögum geta leitt. Ef um hefði verið að ræða menn með meðalgripsvit í viðskiptum, þá hefði þetta kannski geta gengið og verið jafnvel enn í gangi. En þessir jólasveinar, áttu það helst sameiginlegt að tapa á svo til öllum fléttum sem þeim datt í hug og voru svo sífellt að selja töpin sín á milli í sýndarviðskiptum. 

Auðvitað er þetta bara sagnfræði og maður fær aldrei bankann sinn né neitt til baka. Þessir kónar ganga hinsvegar að mestu frjálsir um og lifa flott á þeim peningum sem þeim tókst að stela undan í hruninu.

 

Það er fróðleg afglapasagan um fléttur Glitnis í Morgunblaðinu sem fólk ætti að lesa. 

 

Athugasemdir

[Jóhann Elíasson, 19.11.2016 kl. 09:56]

Finnst mönnum virkilega ekkert undarlegt við það að ekki sé "hægt" að koma lögum yfir þessa menn?

[Elle_, 19.11.2016 kl. 10:41]

Er þetta ekki þjófnaðarsaga miklu frekar en afglapasaga?  Ætlar einhver nema kannski lögmenn þeirra að halda fram að þeir hafi ekki gert þetta viljandi?  Það er allsstaðar horfin peningaslóð eftir einn þeirra: Opið bréf til Jóns Ásgeirs Jóhannessonar

[Halldór Jónsson, 19.11.2016 kl. 17:12]

Eru þetta ekk friðhelgir menn fyrir afrek í þágu þjóðarinnar?

[Jónas Gunnlaugsson, 19.11.2016 kl. 19:35]

Þjóð sem lætur læsa sannleikann inni í kompu í Alþingishúsinu, hvað getur hún sagt?

Egilsstaðir, 19.11.2016  Jónas Gunnlaugsson

Nú færum við sannleikann út úr fangelsinu í Alþingishúsinu.     11.10.2016 | 15:39

Látum við spila með okkur?    16.6.2015 | 04:24

[Steindór Sigurðsson (IP-tala skráð) 19.11.2016 kl. 19:41]

Já en, Halldór og Jóhann, kusuð þið ekki flokkinn sem afhenti þessum mönnum þessa banka á silfurfati og eru harðákveðnir í að endurtaka leikinn um leið og færi gefst.

[Jóhannes (IP-tala skráð) 20.11.2016 kl. 00:49]

Var ekki Jón með einhver tengsl við Samfylkinguna á sínum tíma?

[Halldór Egill Guðnason, 20.11.2016 kl. 02:28]

Að lesa um þessi flækjuviðskipti, hvernig getur nokkrum heilvita manni, eða dómara innan réttarkerfisins, komið það til hugar að ekki hafi verið um einbeittan brotavilja að ræða? Brotavilja sem réðist af einskærri græðgi og djöfulskap, gegn samborgurum sínum. Svei þessu hyski. Megi það kafna í díet kók.

 Góðar stundir, með kveðju að sunnan.

[Halldór Jónsson, 20.11.2016 kl. 13:05]

Já Jónas, merkileg þjóð

Steindór, það voru mistök gerð. Þau verða vonandi til þess að menn læri af þeim þó ýmislegt bendi til þess að bankarnir séu á sjálfstýringu í sjálftöku bankstera eins og hvernig þeir fara að í þessum Landsbanka, alveg purrkunarlaust atferli. Og geta svo sloppið með svona skíteríis mál eins og Borgun sem við hefðum verið reknir fyrir á stundinni. Þeir verðlauna sjálfa sig fyrir frammistöðuna.

Jú Jón Ásgeir fjármagnaði búsáhaldabyltingun á bak við tjöldin að þvi að ég held.

Já Nafni minn að sunnan, þeir eiga víst nóg fyrir dietkók í geymslum hér og þar. Þeir hafa það víst flott Hannes og Pálmi í útlöndum, þurfa líklega ekki að vera á togurum til að skrimta.