Páll Vilhjálmsson

fyrrum kjósandi VG árið 2009 skrifar svo á blogg sitt:

"Andófsflokkarnir fimm sem þykjast ætla smíða ríkisstjórn eiga eitt sameiginlegt: að vera á móti.

Viðreisn var búin til af fáeinum sjálfstæðismönnum sem urðu undir á landsfundi. Píratar eru mótamælahreyfing eftirhrunsins. Björt framtíð er afgangurinn af brandaraandófi Besta flokksins. Slagorð Samfylkingar er ,,ónýta Ísland". Vinstri grænir urðu til vegna þess að Steingrímur J. og Ögmundur höfnuðu hjónasæng Samfylkingar um aldamótin.

Andófsfólk gengur fyrir mótmælum, samanber uppákomur á Austurvell síðustu tvö kjörtímabil. Ein þau fáfengilegustu voru jæja-mótmælin, sem voru til þess eins að hittast við styttu Jóns Sigurðssonar og sýna fram á ,,áhrifarík mótmæli". Enginn málstaður, aðeins mótmæli.

Mótmælendur kunna ekki að stjórna; innsta eðli þeirra er að vera á móti. Þeir neita málamiðlunum enda sjaldnast hægt að henda reiður á hverju þeir eru fylgjandi. Fúll á móti getur ekki stjórnað, ekki einu sinni sjálfum sér hvað þá öðrum.

Katrín Jakobsdóttir er varla með svo lága pólitíska greindarvísitölu að hún haldi að fimm flokka mótmælastjórn lifi lengur en fáeina mánuði. Líklegast er að fimm flokka sýningin sé leikrit fyrir jæja-fólkið. Mótmælin liggja í loftinu og vinstriflokkarnir verða að gera eitthvað. Bara eitthvað."

Merkilegt ef Katrín Jakobsdóttir áttar sig ekki á því, að fimm flokka stjórn sem springur er hennar pólitíska Requiem. Endir hennar pólitíska trúverðugleika.

Píratar hafa engu að tapa. Þjóðin horfði á Birgittu flissa og veifa Panamaspjaldinu og með flírugangi hennar um að hann væri nú skrítinn þessi þegar Sigurður Ingi fékk orðið. Þjóðin horfði líka á Sigmund Erni tönnlast á því í ræðustól Alþingis að á einu augabragði..osfrv.Sigmundur tók á sínu máli.En Birgitta? Hún er líka sögð vera eftirlýst af FBI í Bandaríkjunum og hún hefur ekki verið hreinsuð af njósnatölvunni á Alþingi þó Össur hafi svæft málið.

Er Birgitta Jónsdóttir sá ráðherra í ríkisstjórn Íslands með Smára McCarthy stærðfræðingi sem þjóðin þráir?

Er Þorgerður Katrín trúverðugur ráðherra viðskiptasiðferðis?

Er Benedikt Jóhannesson úr Nýherja trúverðugur sem vill ekki kannast við aðalstefnumál flokksins síns og það verði að ræða í framhaldi samingaviðræðna við ESB?

Verður þetta sú ríkisstjórn gagnsæis og heiðarleika sem þjóðin talar svo drjúgt um um?

Hverju hefur þetta fólk yfir að ráða sem þá Sigmund Davíð og Bjarna Benediktsson skortir sér til óhelgi?

Maður spyr sig spurninga eins og Páll Vilhjálmsson.

 

 

Athugasemdir

[Einar (IP-tala skráð) 20.11.2016 kl. 01:37]

Er Páll Vilhjálmsson fyrrum vinstrimaður?

[Halldór Jónsson, 20.11.2016 kl. 05:30]

Já, hann hefur skýrt frá því að hafa kosið VG árið 2009

[Hartvig Ingólfsson (IP-tala skráð) 20.11.2016 kl. 13:10]

Eins og sagt var í Vinstri stjórninni "allt upp á borðið"  ...en gæta þess að enginn komist að borðinu.

[Ómar Ragnarsson, 20.11.2016 kl. 14:37]

Umræðuefnin hjá þessum flokkum hafa m.s. verið þessi. 

Efling og viðreisn heilbrigðiskerfisins. 

Styrking innviða þjóðfélagsins eins og menntakerfis og samgöngukerfis. 

Efnd loforðs forystumanna þjóðarinnar frá 1945 um gerð nýrrar, íslenskrar stjórnarskrár. 

Fróðlegt er að sjá að  þetta flokkist undir það "að vera á móti"?

[Ómar Ragnarsson, 20.11.2016 kl. 14:45]

Bandarísk yfirvöld komu í veg fyrir að bækur Nóbelskáldsins okkar fengjust seldar í Bandaríkjunum. 

Sérkennilegt er að sjá þá sem segjast berjast mest fyrir sjálfstæði Íslands mæla með því að aðfarir á borð við þessar skuli ráða hér á landi. 

[Hrólfur Þ Hraundal, 20.11.2016 kl. 19:13]

Efling heilbrigðiskerfissins, var það ekki það sem unnið var að?  Styrking  mennta og samgöngumála, var það ekki það sem unnið var að?

Við eigum góða stjórnarskrá sem hentar mjög vel ærlegum þjóðhollum íslendingum og vantar ekki nýja, á sama hátt og að við eigum mjög heppilegan flugvöll í vatnsmýrinni og þurfum því ekki nýjan. 

Af hverju mátti stjórnin ekki klára kjörtímabilið, hver var á móti þá og til hvers?  Fyrirgefðu Halldór framhleypnina. 

[Sigurður Þorsteinsson, 20.11.2016 kl. 21:20]

Ómar. Vil minna á að ef flokkurinn þinn hefði fengið 46 atkvæðum minna í síðustu kosningum þá hefði hann þurrkast út. Þannig að hann er ekki stjórntækur. Nú  hvað varðar heilbriðiskerfið þá er nú forystumönnum sem loksins tekst að ráðast á formann sinn þegar hann hefur veikst af krabbameini, varla treystandi fyrir heilbriðismálum þjóðarinnar. Í Reykjavík hefur þessi sammi flokkur leitt forystuna með lækni sem borgarstjóra. Í þessu sveitarfélagi er svo hugsað um aldraða að þeir búa við alvarlega vannæringu og það þrátt fyrir að vera bennt á ástandið í langan tíma. Borgin þurfti að fá á sig dóm til þess að aldraður fatlaður einstaklingur fengi þjónustu. Kunnið þið ekki að skammast ykkar? 

Svo nefnir þú loforð forystumanna frá 1945 um stjórnarskrána. Ekki alls fyrir löngu var vitalsþáttur við Björgu Thoroddsen prófessor og Kristrúnu Heimisdóttur lögfræðing og fyrrum aðstoðarkonu Ingibjargar Sólrúnar. Hjá þeim kemur skýrt fram að vissulega má breyta stjórnarskránni en meirihluti þeirra sem fjalla um algjörlega nýja stjórnarsrá vita lítið hvað þeir eru að tala um. 

Flokkurinn þinn á tvo möguleika að sameinast einhverju alvöru stjórnmálaafli eða vera lagður niður. Hefur ekkert í ríkisstjórn að gera.