Bísnessmenn

miklir hljóta þeir frændurnir Benedikt og Bjarni að vera þegar þeir selja Aríon-banka ef menn lesa fréttirnar rétt í Mogga.

Kaupendurnir, sem okkur flest nema  Kötu Jakk varðar ekkert um hverjir eru, láta þá fá 49 milljarða en borga sjálfum sér út 54.5 úr því keypta. Síðan láta þeir bankann sjálfan borga 35 milljarða eftirstöðvarnar til Benedikts og Bjarna. Eiga þá það sem eftir er af ruslinu  og 5 milljarða í afgang. Þeir geta þess vegna afskrifað snaslið af bankanum og farið heim með næstu vél til Cayman eyja. 

Þetta hefðu einhvern tímann verið talin stjörnuviðskipti. Jafnvel á pari við kaup Óla á Olís á sínum tíma sem keypti félagið upp úr þess eigin kassa.

Er þetta orðinn hlutur eða er hægt að endurskoða eitthvað? Spyr sá sem ekki veit. Og kannski skilur maður þetta bara ekki? Eða misskilur það vitlaust?

Miklir bísnessmenn eru annars vandfundir í þessu lífi.

 

Athugasemdir

[Ómar Ragnarsson, 22.3.2017 kl. 14:54]

2002 var látið sem um dreifða eignaraðild einkaaðila yrði að ræða. En með kennitöluflakki sérstaklegra stofnaðra ehf var hægt að safna öllu undir einn ráðandi hatt. 

Nú spretta kennitölur aftur upp á nýjan leik með heimili í skattaskjólum. 

[Jónas Gunnlaugsson, 22.3.2017 kl. 15:14]

Almenningshlutafélög

30.10.2015 | 17:55

Almenningshlutafélög

Sett á bloggið hjá: Páli Vilhjálmssyni

Við líka hugarfarið og bankarnir

000

Einhversstaðar var ég búinn að skrifa um þetta áður, að stóru hlutafélöginn í veröldinni væru sum í eign fjölda hlutabréfa eigenda.

Síðan væri ráðinn forstjóri og vegna þess að aldrei mæta á hluthafa fund, nema 5 – 7%, þá ráði fyrirtækið, forstjórinn, stjórnarformaðurinn, 100 lögfræðinga, og láti fyrirtækið kaupa 10% af hlutafénu.

Þá fer forstjórinn, stjórnarformaðurinn, með fulltingi þessara hlutabréfa, með meirihluta atkvæða á hluthafa fundum.

Eftir þessa aðgerð hefur þessi forstjóri, stjórnarformaður öll völd í félaginu um ókomin ár.

Ég held að þetta hafi verið kallað almenningshlutafélag.

Egilsstaðir, 30.10.2015 Jónas Gunnlaugsson

4

Lesa aftur, "Pabbi og mamma" vegna bankauppgjörs

http://jonasg-egi.blog.is/blog/jonasg-egi/

Þetta átti að fylgja með athugasemdinni.

Egilsstaðir, 30.10.2015 Jónas Gunnlaugsson

Jónas Gunnlaugsson, 30.10.2015 kl. 15:51