Ég kýs ekki

stjórnmálaflokka sem styðja þetta Borgarlínumál og aukna skattheimtu né einstaka pólitíkusa í prófkjörum.

"Sveitarfélögin á höfuðborgarsvæðinu horfa til skattheimtu sem fjármögnunarleiðar fyrir borgarlínuna.

Þorsteinn R. Hermannsson, samgöngustjóri Reykjavíkur, kynnti í vikunni undirbúningsvinnu sveitarfélaganna vegna þessa verkefnis. Þar ræddi hann meðal annars um hækkun eldsneytisskatta, vegtolla og gjaldtöku af bílastæðum sem leiðir til að fjármagna verkefnið. Þá nefndi hann sértæka skatta á uppbyggingu fasteigna nærri nýjum samgöngukerfum. Sú leið tengist svonefndum innviðagjöldum.

Benedikt Jóhannesson fjármálaráðherra sat kynningu Þorsteins. Benedikt segir málið verða skoðað af alvöru. Þá minnir hann á að getið sé um samstarf ríkis við sveitarfélög um borgarlínuna. Rætt sé um að verkefnið kosti 50-150 milljarða. Fram kom í umræddri kynningu Þorsteins að skipulagsyfirvöld í Reykjavík hefðu gert drög að blandaðri byggð á svæði Reykjavíkurflugvallar. Þá byggð á að tengja borgarlínu. Samkvæmt kynningu Þorsteins skýrast næstu skref í uppbyggingu borgarlínu í sumar. »

Megi þeir Borgarlínumenn aldrei þrífast og ég kýs þá ekki.

 

Athugasemdir

[Halldór (IP-tala skráð) 19.5.2017 kl. 20:23]

Þú ert ekki einn um það, hver einasti flokkur sem inniheldur mannveru sem styður þessa fásinnu fær sko ekki mitt atkvæði, sem bíleigandi hef ég engan áhuga á að borga fyrir þessa fásinnu í formi hærri bílagjalda og svo sannarlega ekki sem greiðandi skatta á þessu landi þar sem þetta er eitthvað sem ég kem ekki til með að nota.

Hvernig væri að rukka þá sem þetta nota, t.d. ferðamannaiðnaðinn með því að setja á þá venjulega vsk og hækka hann síðan aðeins til að borga þetta niður, síðan er hægt að rukka alla ferðamenn sem koma til landsins í formi komugjalda aukalega ofan á komugjöld til að byggja upp túristagildrur landsins.

[Guðbjörg Snót Jónsdóttir (IP-tala skráð) 19.5.2017 kl. 21:44]

 Ég segi það sama. Sjálfstæðismenn þurfa að setjast niður og gera gangskör að því að koma fram með sterkan lista í kosningunum næsta vor, lista, sem er nógu sterkur til að taka völdin hér í Reykjavík af þessum krakkabjálfum, sem eru að þykjast stjórna hérna. Ég er alveg sannfærð um það, að Samfylkingin þurrkast hálfgert út hér í borginni, og Dagurinn má þakka fyrir, ef hann nær einn inn. Fólk er búið að fá svo upp í kok af Hjálmari og þeim hinum, að ég tel þau ekki eiga sjens. Þau geta heldur engum öðrum um kennt en sjálfum sér. Það sást á síðustu kosningum í haust, hvað fólkið hugsar, enda hafa alltaf verið mikil tengsl milli kosninga hér á landi, og fólk hefnir þess í næstu mögulegu kosningum, sem það er óánægt með, hvort heldur er í borg eða ríki. Skiptir ekki máli. Fólkið sagði sitt álit á Samfylkingunni í síðustu kosningum, og allar skoðanakannanir hafa sýnt það og sannað líka. Mér finnst því, að sjálfstæðismenn þurfi að vera vakandi fyrir því að setja saman sterkan og góðan lista hér í borginni til að ná henni. Halldór Halldórsson hefur því miður ekki verið nógu góður oddviti hérna. Kjartan væri betri, enda skarpari. Vonandi losnum við við þetta lið, sem er við völd hérna, í næstu kosningum, og þeir komist í stjórnarstólana, sem hafa vitið meira og geta undið ofan af allri vitleysunni úr krökkunum. Hins vegar furða ég mig stórum á því, að Bensi skuli styðja þessa borgarlínu, því að mér sýnist á öllu, að hugmyndin sú sé algerlega fáránleg, og ég mun aldrei styðja hana og vil hana út af borðinu. Hún er tómt rugl. Svo einfalt er það.

[Halldór Jónsson, 21.5.2017 kl. 17:22]

Bravó fyrir ykkur báðum!