Hefur Trump trompað?

fréttaheiminn svo að hann nær sér ekki?

Já, það er líklegt að Donald Trump hafi hreinlega breytt fréttaheiminum með afgerandi hætti. Komið honum í svo opna skjöldu að hann hafi alls ekki náð að átta sig á breytingunni sem þessi maður er búinn að vinna.

Ómar Ragnarsson sá reynslubolti í fjölmiðlun hefur þetta að segja:

"...

Á öllum fjölmiðlum er í gildi fréttamat sem felst í orðinu "helst".

Orðið "helst" er meira að segja orðið að nafnorði í hvorugkyni.

Það er talað um "helstið", hvernig helstu fréttum er raðað upp. Hugtakið snýst um forgangsröðun frétta. 

Helstið er afar ráðandi atriði, svo mikilvægt, að lýsa má því í setningunni "fyrsta frétt er alltaf fyrsta frétt."

Sem getur verið hættulegt, því að hættan er sú að hin svonefnda fyrsta frétt fari út á ljósvakann án nægilegrar rannsóknar, - bara til þess að hún sé fyrsta frétt en ekki önnur frétt, þriðja eða fjórða.

Þetta nýtti Trump til hins ítrasta, og lét sér í léttu rúmi liggja þótt oft væri farið yfir strikið.

Rannsókn á kosningabaráttunni vestra sýndi, að Trump nældi sér í meira en 60 prósent af allri umfjölluninni um baráttu hans og Hillary Clinton, og hann hafði yfirburði í því að komast inn í helstið og fyrstu fréttina.

Þetta varð að hans kosningabaráttu, ekki hennar. 

Aðferðin var einföld: Nógu mikil iðni við kolanna, en ekki síður að leggja höfuðáhersluna á að segja eitthvað eins rosalegt og svakalegt og hægt færi.

Afbrigði af gamla orðtakinu að slæm auglýsing sé betri en engin.

Einnig afbrigði af því að sá sem ræður vettvangnum og hefur stjórn á atburðarásinni sé kominn í vinningsstöðu. 

Trump tókst að "spila sinn leik" og láta kosningabaráttuna litast af því.

Fjölmiðlun verður ekki söm eftir þetta, og það mun taka blaðamannastéttina mörg ár að bregðast við því breytta umhverfi, sem nútíma samfélagsmiðlun hefur innleitt."

Ég held að Ómar fari nálægt staðreyndunum um það að "helstið" hefur fengið aðra vigt eftir að Trump kom til sögunnar. Hann beitir einfaldri tækni á Twitter gegn fjölmiðlarisum eins og CNN og New York Times. Gengur fram af fólki í meinlegheitum og absúrdisma eins og fjölbragðglímuaatriðið nýjasta þar sem hann lúskrar á CNN-glímukappa. Elítufólkinu  finnst þetta gesamlega óviðeigandi af Forseta Bandaríkjanna að gera svona virðingarlaust sprell. Má vera að eitthvað sé til í því,- sumt getur í hæsta lagi gengið fyrir Organista hefði sr. Bjarni kannski sagt. En Trump virðist hafa hæfileika til að koma á óvart, búinn að leika annann leik áður en andstæðingurinn er búinn að meðtaka þann síðasta og orða hneykslun sína nægilega sterkt.

Trump virðist vera gjarn á að trompa út án þess að vara elítuna við, - og sleppa með það!

Athugasemdir

[Helga Kristjánsdóttir, 3.7.2017 kl. 15:32]

AHA! Þegar hryðjuverk eru orðin algeng og þjóðríki ganga að þeim sem næsta eðlilegum gjörning,verður þeim um og ó þegar þjóðhöfðingi er opinskárri en allir með sýna makka. Sett íhraði kv.

[Bjarne Örn Hansen (IP-tala skráð) 3.7.2017 kl. 19:45]

Er ekki að vera opinskár,lýðræði? Af hverju má ég ekki segja "pussa", en þú mátt segja "pungur"? Er þetta ekki misrétti?

Þennan þátt vita allir viti bornir menn, og Bandaríkjamenn eru almennt ekki heimskir eins og almenningur hér heldur.  Þeir kusu Trump, af því hann var hreinskilinn.

Það er skömm að því, þegar nasistar og fasistar ráða ríkjum eins og verið hefir, í nafi "liberalism" ... segi ég.  Socialismi er Socialismi, hvaða "atviksorð" eða "lýsingarorð" sé tengt við hann ... "liberal socialism" er socialism, alveg eins og "national socialism" og "socialistic republic".

Nog komið.

[Helga Kristjánsdóttir, 3.7.2017 kl. 20:54]

Halldór minn við þig átti ég erindi og ég sé nú að Ypsiloni er ofaukið;

þegar Þjóðhöfðingi er opinskárri en allir þessir ofvitar með sína makka.

[Jóhann Kristinsson, 3.7.2017 kl. 22:46]

Hafði ekkert álit á Trump í kosningarslagnum þar af leiðandi kaus ég ekki í síðustu kosningum. Ekki gat ég kosið gjör spilta Hildiríði Klinton.

En með hverjum deginum og tístinu frá Trump, líst mér betur á kauðan, kýs hann i næstu kosningum. Enda er karlinn að gera ýmsa góða hluti t.d. að draga USA út úr Parísar ruglinu og afnema óþarfa reglugerðir á kolanámur og koma þeim i fullan gang aftur.

Hæst ánægður með Trump, sérstaklega ef Evrópa er ekki ánægð með hann, þá hlýtur hann að vera að gera góða hluti fyrir USA.

Kveðja frá Houston

[Halldór Jónsson, 3.7.2017 kl. 23:03]

Helga ég skil ekki  þetta með a makkana.

Jóhann flugvirkjameistari

Mér finnst þetta sama með Trump. Þess verr sem kommatittirnir í demokrataflokknum  láta því betri verður kallinn. Girðingin milli Juarez og ElPaso þar sem 3700 mörð eru Mexico megin en 5 Bandaríkjamegin segir allt sem segja þarf. Stjórnlaus skríll Mexico megin en nokkur röð og regla hjá Trump.

Ég held að þetta S.Ameríku fíkinefnalið skilji ekki öðruvísi stjórn en  viðhöfð er á Filipseyjum og ætti að vera viðhöfð líka gagnvart ISIS liðum sem eru að fara heim til Svíþjóðar þessa dagana. En það er aldeilis sem þeim er fagnað þar eins og þjóðhetjum. Ja hérna. Lifi sænskur liberalismus. 

[Helga Kristjánsdóttir, 4.7.2017 kl. 00:12]

Heima á Þingeyri var það notað um þann þóttafulla sem reigir sig í sjálfsupphafningu.