Ofbýður engum?

þegar Óli Björn skrifar um þá gengdarlausu skemmdarverk með spillingu sem íslenska lífeyrissjóðakerfið er að fremja á íslensku efnahagslífi með því að leggja undir sig og stjórna stærstu fyrirtækjum landsmanna?

 Eignarhald skráðra hlutafélaga-Beinn eignarhlutur lífeyrissjóðanna er í töflu sem Óli birtir með greininni í Mogga í dag. Þeir eiga purkunarlaust í fyrirtækjum sem eiga að vera í samkeppnisrekstri til hagsbóta fyrir neytendur. Forstjóri Samkeppniseftirlitsins mjálmar í gær í sama blaði um það hvernig hans tillögur eru að engu hafðar og allt gengur fram gegn hagsmunum almennings án þess að hann né stjórnvöld í pallborðsumræðum fái rönd við reist.

Lífeyrisjóðakerfið er að gleypa sjöttapart allra útgreiddara launa í landinu. Þetta er sett undir stjórn hjarða af mönnum með enga sannanlega fjármálaþekkingu né rannasakaðs glæpaferilsbakgrunns eins og gert er með öðrum þjóðum.

Þessa stjórnendur kaus enginn þeirra sem þetta fjármagn eiga heldur er þetta handvalið lið af reglugerðarhætti með þröngum og ógagnsæjum pólitískum bakstuðningi.

Launþegar hafa enga tryggingu fyrir því að þetta lið fari með féð með þeim hætti sem líklegastur sé til að tryggt sé að það birtist í fyllingu tímans sem lífeyrir.

Takist það ekki eins og skeði í hruninu þegar hátt í þúsund milljarðar töpuðust vegna vanhæfni þessara stjórnenda, þá er enginn ábyrgur fyrir neinu og það eru aðeins viðskipti eins og venjulega þegar lífeyririnn er lækkaður í framhaldi en ókosnir stjórnendurnir halda áfram eins og ekkert hafi í skorist.

Í staðinn fá þessir stjórnendur að velta sér í lúxus og eyða á milli 10-20 milljörðum ár hvert í sjálfa sig sem endurgjald fyrir að gegna svo ábyrgðarfullu hlutverki að stjórna þessum sjóðum. Í Arizona er það einn maður Edmundson sem stjórnar stærri lífeyrissjóðum en öllum okkar sjóðum í stað okkar þrjúhundruð manna stjórnarteymum.

Edmundson hefur milljón á mánuði fyrir að vina frá 9-5 og étur heimasmurðar samlokur frá konunni sinni í hádeginu og tapar ekki neinu  því hann fjárfestir aðeins í rammgerðum risasjóðum en ekki fallvöltum fyrirtækjum eins og okkar íslensku snillingar. Hann situr auðvitað ekki í neinum stjórnum og keyrir ekki á luxusjeppa heldur á eldgömlum Avensis.

Venjubundin íslensk hegðun er samkvæmt greiningu Nóbelsskáldsins okkar:

".... að Íslendingar beygi sig lítt fyrir skynsamlegum rökum, fjármunarökum varla

hengilshátt og deila um tittlingaskít sem ekki kemur málinu við."

Þannig er nú það og það er tilgangslaust að stinga upp á breytingum því margir hafa svo mikla hagsmuni af því að tína upp í sig úr því aðalbláberjalyngi sem þessir lögþvinguðu lífeyrissjóðir landsmanna eru.

Berjabláir valdafíklar útundir bæði eyru eru ekki til viðtals um neinar breytingar.Og íslenskir orðhenglar finna sér fljótlega annað til að rífast um og láta sér ofbjóða.

heldur og þó enn síður fyrir rökum trúarinnar, en leysi vandræði sín með því að stunda orð

 

 

 

 

 

 

 

 

 

Athugasemdir

[Gunnar Rögnvaldsson, 12.7.2017 kl. 18:30]

Þakka þér fyrir þetta Halldór.

En, þarf ekki að borða smá salt með þessu Halldór?

Það er hlutverk lífeyrissjóðanna að fjárfesta í íslensku atvinnulífi. Hvar annars staðar ættu þeir frekar að fjárfesta helst, kannksi í erlendu atvinnulífi erlends vinnuafls?

Væri betra ef þessir peningar sem sjóðirnir eiga, væru ekki til? Væri það betra? Þeir eiga mikla peninga vegna þess að hér hefur atvinnuástand ávallt verið gott nema þau ár sem ríkisstjórn Samfylkingar og Vinstri grænna reyndu að hafa af okkur fullveldið.

Það er mjög erfitt að ávaxta peninga sjóðsfélaga í dag á flestum mörkuðum Vesturlanda í kjölfar hruns og allar götur frá því að Vesturlönd lögðu sig að velli með multilateralisma, ESBisma og alþjóðastofnunum sérfræðinga sem voru ekki sérfræðingar.

Vilja menn frekar að þessir peninga sjóðanna séu í höndum ríkisins þar sem þeim verður brennt til ösku?

Eða vilja menn frekar að þeir séu til í engu samhengi við það hagkerfi sem bjó þá til? Þetta minnir mig á kakkalakkahugmyndir um fjármála- og bankakerfi sem er í engu sambandi við það hagkerfi sem það býr í. Alien kerfi sem er dauðfædd hugmynd.

Ameríkusagan er ekki marktæk því Bandaríkjamenn nota oft undirverktaka sem eru brokers. En í þessu eina tilfelli eru það index-sjóðir sem fjárfest er í. Þannig sjóði þarf helst að banna því þeir eru verri en Sovétríkin. Þeir festa fé í sósíalisma andskotans, þar sem ekki er spurt að neinu. Vilja menn það? Af hverju ææti að verðlauna hvað sem er með peningum frá sjóðsféögum í stað þess sem vitað er að kemur hagkerfinu vel. Af hverju á að verðalauna illa rekin fyrirtæki í vísitölunni með fé frá sjóðsfélögum. Af hverju ættu lífeyrissjóðir að festa fé meðlima sinna í vonlausum vísitölueiningum. Halda menn að vísitala þeirra haldist þannig áfram uppi-standandi ef allir gerðu þetta sama. Grunnur vístölu sjóðanna myndi auðvitað hrynja og eignir svona sjóða þá að engu verða.

Þeir sem annast eignir lífeyrissjóðanna greiða líka í lífeyrissjóði og eru hluti af íslensku atvinnulífi. Ekki má gleyma því.

Mér finnst þessi umræða um lífeyrissjóðina öfgakennd og ekki til mikils gagns. Og veltan í íslensku omx-kauphöllinni er lítil vegna þeirra áfalla sem yfir dundu.

Hlutfall sjóðanna er því ennþá stórt, en samt ekki hærra en í mögrum félögum í kauphöllum erlendis, þar sem stofnanafjárfestar fara oft með 80-90 prósent hlut, en sem dreifist þó á fleiri stofnanir en hér heima. Öðruvísi getur það ekki verið á meðan lífeyrissjóðirnir eru ekki enn fleiri en þeir eru hér heima.

En hafa menn ekki verið að röfla yfir því árum saman að launþegar ættu líka að sitja í stjórn fyrirtækjanna. Er stjórnaseta sjóðanna nokkuð annað en það sem margir hafa beðið um?

Þetta voru mínir fimm aurar, en ég lýsi því hér með yfir að enginn sérfræðingur er ég í málum sjóðanna. 

Mér finnst bara að menn eigi að fara varlega hér. Ganga hægt um þessar dyr og gæta þess að henda ekki barninu út með baðvatninu, bara til þess að gera eitthvað.

Kveðjur

[Erla Magna Alexandersdóttir, 12.7.2017 kl. 19:16]

en er hlutverk þeirra ekki að sjá um hagsmuni eigendanna- ellilifeyrisþega- þetta eru þeirra eftirlaun- sem þessir menn eru að gamla með- án þess að borga eigendum arð- eins og aðrar peninga ELITUR 

[Gunnar Rögnvaldsson, 12.7.2017 kl. 19:38]

Flestir sem annt er um sjálfa sig hafa tilhneigingu til að fjárfesta í sjálfum sér. Ef ekkert borgar sig hér á landi þá myndu sjóðirnir flýja með fjármagn launþega úr landi og fjárfesta því í atvinnulífi annarra þjóða. Þetta er kallaður fjármagnsflótti úr ónýtum hagkerfum.

Það er því ánægjulegt að eitthvað skuli borga sig betur hér heima en erlendis. 

Það eru hagsmunir sjóðsfélaga að aðrir sjóðsfélagar geti einnig greitt í sjóðinn þeirra af því að þeir hafa atvinnu. Því þetta eru samtryggingasjóðir. Þú Erla nýtur góðs af þeim sjóðsfélögum sem koma á eftir þér og sem eru þér samferða í íslenska hagkerfinu.

Lífeyrissjóðir eru ekki hlutabréf. Þeir borga ekki meðlimum arð, heldur þiggja þeir arðgreiðslur af eignum sjóðsins og þær renna í sjóð meðlimanna.

Ef menn vilja fá lífeyrissjóð sem kostar ekkert í rekstri þá er hann ekki til. Og hann má ekki að vera til því þá er hann svik og prettir h/f.

Ef menn vilja ávaxta peninga sína sjálfir þá verða þeir að vita hvað þeir eru að gera. Ekki sýnist mér fólk vita það svona almennt, því fjármál svo margra eru stanslaust í einni samfelldri steik.

Ef þú vilt ekki að sjóðirnir taki áhættu eins og allir verða að gera, nema þeir sem lifa á áhættutöku annarra með því að ráða sig til starfa hjá ríkinu, þá er öllu hagkefinu sjálfhætt hér heima. Og þeir sem vinna hjá ríkinu myndu hætta að fá laun sín, því allar tekjur ríkisins koma frá áhættutöku fyrirtækja landsins sem veita fólki atvinnu. Einu tekjurnar sem ríkið hefur koma frá íslenskri atvinnustarfsemi. Og atvinnustarfsemi krefst vissar áhættutöku. Sjóðsfélagar geta því ekki verið undanþegnir þeim örlögum sem hagkerfið allt lýtur. Þeir eru ekki geimverur. 

Kveðjur

[JR (IP-tala skráð) 12.7.2017 kl. 20:20]

,,.. með spillingu sem íslenska lífeyrissjóðakerfið er að fremja á íslensku efnahagslífi með því að leggja undir sig og stjórna stærstu fyrirtækjum landsmanna ?  "

Þú ættir að þekkja alla flokksfélaga þína sem settir hafa verið inn í öll fyrirtækin , sem laun íslenskra launamanna hafa verið sett í, sem eru lífeyrissjóðir í dag.   

Nokkrir hafa síðan verið andlit atvinnurekenda eins og forstjóri Icelandair.

Ekki veit ég hvað þú ert að reyna að skrifa um og ætlar að segja ?

Við sem eigum laun okkar í lífeyrissjóðum höfum aldrei haft neitt um það að segja hvað flokksfélagar þínir hafa verið að sýsla með launin okkar  !

Farðu yfir nafnalistann í fyrirtækjunum og farðu svo yfir félagalistann í flokknum þínum ?  

[Þórir Kjartansson, 12.7.2017 kl. 20:52]

Það má öllum vera ljóst sem setja sig inn í þessi mál að lífeyrissjóðakerfið er orðið að ofvöxnu bákni í íslensku þjóð og efnahagslífi. Meini sem þenst út með ógnvænlegum hraða og stjórnendur þess vita ekki sitt rjúkandi ráð hvernig þeir eiga að ráðstafa öllum milljörðunum sem þarna streyma inn. Sniðugir strákar sem kunna að gera viðskiptaáætlun með glansandi arðsemi á pappírunum, labba þarna inn og koma út aftur með loforð fyrir hundruðum milljóna eða milljörðum. Hvort að viðskiptahugmyndin gengur svo upp er engan veginn víst eins og dæmin sanna. Skatturinn hundeltir gamlingja sem reyna að vinna sér inn smáaura með svartri atvinnu vegna þess að lífeyririnn þeirra nægir engan veginn fyrir daglegum útgjöldum. (Alþingismenn eru búnir að koma því þannig fyrir að eldri borgurum sem vilja vinna er gert það ómögulegt)  Á sama tíma lánar ríkið þessum ofvöxnu sjóðum skattana þangað til útgreiðsla fer fram. Það væri fróðlegt að vita hvað ríkið hefur tapað miklu vegna þess frá hruni. Þetta kerfi verður að fara að hugsa algerlega upp á nýtt og á þann veg að stöðva þessa brjálæðislegu peningasöfnun. Er samt alveg að verða úrkula vonar um að Alþingismenn hafi kjark til að hrófla við þessu. Vona samt að einhverjir hlusti á eiganda þessarar bloggsíðu, hinn nýja formann VR og fleiri sem hafa talað fyrir þessu undanfarin ár. Held að sá hópur sé að stækka sem sér að þetta getur ekki gengið svona áfram.

[Óskar Helgi Helgason (IP-tala skráð) 12.7.2017 kl. 21:07]

Sæll Halldór jafnan - sem og þið önnur, gesta Verkfræðings !

Halldór !

O: jæja, látum okkur nú sjá / lungann af bréfaskriftum mínum, í Febrúar - fram eftir Maí máuði síðast liðnum, fékk Óli Björn Kárason afrit minna erinda, til Ríkissaksóknara og Umboðsmanns alþingis m.a., líkt öðrum samþingmönnum sínum (sem og til þín, sem fjölda annarrs fólks), en ........ dauðyflisháttur og / eða hræsni Óla Björns gaf honum aldrei kost á, að ljá minni málfylgju nokkurrs stuðnings: til þessa dags, í baráttu minni við þjófa býli Söfnunarsjóðs lífeyrisréttinda, m.a.

Tökum varlega Halldór minn - orðagjálfri Óla Björns Kárasonar og annarra, honum líkum, fornvinur góður.

Sumarfrí stofnana battería ýmissa: setja strik í reikninga minnar málafylgju um hríð, en ég er hvergi hættur eftirfylgni minna mála, síðan á útmánuðunum síðast liðnum.

Mikið víðs fjarri því - gott fólk.

Með beztu kveðjum: sem endranær, af utanverðu Suðurlandi / 

    

[Gunnar Rögnvaldsson, 12.7.2017 kl. 23:24]

Ef eitthvað er galið í sambandið við hvar á að staðsetja fjármuni lífeyrissjóða til ávöxtunar, þá er það að staðsetja þá í vísitölusjóðum (index funds) því ef allir gerðu það þá myndi hið kapítalistíska hagkerfi hrynja til grunna og fé sjóðanna glatast með öllu. 

Að hármaka staðsetningu fés (maximize capital allocation) er dyggð. Þeir sem vinna heimavinnuna sína í þessu sambandi eru þeir sem halda vísitölunni uppi, því þeir vita hvað þeir eru að gera eins vel og hægt er að vita það. Þessi sjóður þarna í Nevada sem rekur sig með einum manni, er að níðast á vinnu og erfiði annarra sem halda vísitölunni uppi. Þeir sem halda henni uppi eru þeir sem vita hvað þeir eru að gera og líða ekki að fé þeirra sé rangstætt (capital misallocation). 

Ef allir gerðu þetta þá væri engin vísitala heldur bara eitt stórt núll og allt fé allra væri brunnið til ösku. Þessa sjóði þarf að banna því þeir eyðileggja kapítalismann. 

Annars fer að verða ansi þreytandi að hlusta á lýðskrumið um lífeyrissjóðina og ofsóknarbrjálæðið sem grípur um sig gagnvart þeim sem geyma fyrir einhvern einn túkall. Hann er strax gerður að ræningja.

Auðvitað er spilling allsstaðar og líka hjá félögum sjóðanna og sennilega mest þar. Hún er alls staðar þar sem fólk er því hún er hluti af mannlegu eðli. En hún er samt minnst hér á landi miðað við heiminn allan. Það er ekki nóg að segja að það sé spilling allsstaðar ef enginn getur bent á hana nema með óhróðri um allt. 

Kveðjur

[Gunnar Rögnvaldsson, 12.7.2017 kl. 23:45]

Smá klippt sax um vísitölusjóði eins og þennan þarna í Nevada, sem trúað er fyrir fjármunum lífeyrissjóða.

Again: I know this is silly. But as a wild extrapolation of the far future of financial capitalism, I submit to you that it is less silly than the  "Silent Road to Serfdom" thesis. That thesis is that, in the long run, financial markets will tend toward mindlessness, a sort of central planning -- by an index fund -- that is worse than 1950s communism because it's not even trying to make the right decisions. |

Smá agnar anga af umræðunni um vísitölusjóði má finna hér á Bloomberg: Are Index Funds Communist?

Kveðjur

[Gunnar Rögnvaldsson, 12.7.2017 kl. 23:47]

Ef eitthvað hljómar of vel til að geta verið satt, þá er það næstum alltaf ekki satt. Ég helt að Ísland hefði fengið nóg af þannig þvælu.

[Jónatan Karlsson, 13.7.2017 kl. 02:52]

Það má vel flytja langlokur um ágæti fjárfestinga íslenskra lífeyrissjóða, en fjöldi þeirra, rekstrarkostnaður og auðvitað sá munur að lífeyrissjóður opinberra starfsmanna sé verðtryggður á kostnað eigenda almennra óverðtryggða sjóða er út í hött.

þessi 12-15% greiðsla í sjóðina er ólögleg og gerir Íslendinga að skattpíndustu þjóð jarðar og auðvitað á ekki síðar en tafarlaust að taka bundið skattfé okkar út og hefja byggingu Sundabrautar, Landspítala og uppbyggingar vegakerfisins, svo eitthvað sé nefnt.

[Jóhann Elíasson, 13.7.2017 kl. 08:30]

Málið er að lífeyrissjóðirnir eru STÆRSTI LÖGLEGI ÞJÓFNAÐURINN  HÉR Á LANDI.

• HVER OG EINN LÍFYRISSJÓÐUR ER MEÐ SÍN EIGIN LÖG OG ÞAÐ ER HÆGT AÐ FULLYRÐA AÐ Í HVERJUM EINUSTU ÞESSARA LAGA,INNAN ALLRA LÍFEYRISSJÓÐANNA, ERU ÁKVÆÐI SEM FARA GEGN STJÓRNARSKRÁ LANDSINS OG ERU ÞVÍ ÓMERK..

• ÞAÐ STENST EKKI AÐ ÞAÐ ER ENGINN SKILGREINDUR EIGANDI AÐ LÍFEYRISSJÓÐUNUM....

• ATVINNUREKENDUR ERU BÚNIR AÐ "PLANTA" SÉR Í STJÓRN ALLRA LÍFEYRISSJÓÐANNA, Á ÞEIRRI FORSENDU AÐ ÞEIR GERIÐI SVO MIKIÐ INN TIL ÞEIRRA ÞAR SEM MÓTFRAMLAGIÐ ER.  EN SANNLEIKURINN ER SÁ AÐ ÞEIR GREIÐA EKKI KRÓNU INN Í LÍFEYRISSJÓÐINA OG HAFA ALDREI GERT.  MÓTFRAMLAGIÐ ER HLUTI AF LAUNAKJÖRUM LAUNÞEGANS.  ÞANNIG ER MÁ MEÐ VEXTI AÐ Í EINNI SAMNINGALOTUNNI SÖGÐU ATVINNUREKENDURNIR, SEM OFTAR, AÐ EKKI VÆRI "SVIGRÚM" TIL AÐ HÆKKA LAUNIN, ÞETTA GAT VERKALÝÐSFORYSTAN EKKI SAMÞYKKT OG SEM MÁLAMIÐLUN VAR ÞESSU MÓTFRAMLAGI Í LÍFEYRISSJÓÐINA KOMIÐ Á.

• Í "LÖGUM" NÆSTUM ALLRA LÍFEYRISJÓÐANNA ER ÁKVÆÐI ÞESS EFNIS AÐ EF LÍFEYRISSJÓÐSFÉLAGI LÁTIST FÁI EFTIRLIFANDI MAKI 60% AF LÍFEYRISRÉTTINDUM LÍFEYRISSJÓÐSFÉLAGANS EN ÞEGAR MAKINN LÁTIST RENNUR ÞAÐ SEM EFTIR STENDUR TIL LÍFEYRISSJÓÐSINS.  ÞETTA ÞÝÐIR Á MANNAMÁLI AÐ VIÐKOMANDI LÍFEYRISSJÓÐUR ERFIR SJÓÐSFÉLAGANN EN ÉG HEF EKKI SÉÐ Í UPPGJÖRI NEINS LÍFEYRISSJÓÐSINS AÐ ÞEIR GREIÐI NEINN ERFÐAFJÁRSKATT...

• SJÓÐSFÉLAGAR HAFA EKKI NEITT UM ÞAÐ AÐ SEGJA HVERNIG STJÓRN VIÐKOMANDI SJÓÐS ER SKIPUÐ.  ÞARNA ER UM ENN EITT STJÓRNARSKRÁRBROTIÐ AÐ RÆÐA AÐ MÍNU MATI...

• SAMKVÆMT STJÓRNARSKRÁNNI ER FÉLAGAFRELSI EN SAMT SEM ÁÐUR ERU ALLIR SKYLDAÐIR TIL AÐ VERA Í LÍFEYRISSJÓÐI.  ÞETTA ER "FÓÐRAÐ" MEÐ ÞVÍ AÐ ÞAÐ HAFI ALLIR VAL UM HVAÐA LÍFEYRISSJÓÐ ÞEIR "VELJA" AÐ GREIÐA Í...

Þarna hef ég bara talið upp örfá almenn atriði , sem eru alveg út í hött en þau eru mun fleiri og væri hægt að skrifa um þetta í allan dag næstu vikur og mánuði.  Það er ljóst að ALLT lífeyrissjóðakerfið er orðið eitt óviðráðanlegt "SKRÍMSLI" sem einhverjir "MAKA KRÓKINN Á" og þessum aðilum er mikið í mun að þetta ástand sé óbreitt.  Og þessir aðilar hafa mikil og sterk ítök og þessi tök herðast bara ef eitthvað er..........

[Óskar Helgi Helgason (IP-tala skráð) 13.7.2017 kl. 12:06]

Komið þið sæl - á ný !

Jóhann Stýrimaður !

Þá: er þakkarvert, þitt innlegg / sem og Þóris Víkverja Kjartanssonar, Jónatans og ýmissa annarra.

Getur farið svo - að við skyldum þurfa, liðsinni : Lögreglu- og Tollheimtu (Tollgæzlu) manna, til þess að ganga eftir inneignum okkar, hjá sjóða bælunum ?

Mjög líklega: þar sem þjófarnir hanga á fjármunum okkar / eins og Hundar á beinum.

Halldór - gagnmerkur og hrekklaus síðuhafinn, skyldi ekki reiða sig á stuðning Óla Björns Kárasonar og hans meðreiðar sveina allavegana enda, .................... hefir Óli Björn reynst einna stærstur í munninum, til þessa.

Lítil von á breytingu þar: gott fólk.

Með þeim sömu kveðjum - sem seinustu / 

[Gunnar Rögnvaldsson, 13.7.2017 kl. 16:24]

Það er hér fullt félagsfrelsi Jóhann.

Ef þér líka lög landsins illa þá getur þú sagt þig úr þjóðfélaginu, fáir þú inni á betri stað, og sloppið þannig við að greiða í lífeyrissjóð. Þegar þú verður gamall, þá muntu samt fá sendan lífeyri þinn úr sjóðunum þínum hvar sem þú á plánetunni ert. Ef þú ert að líkja þessu kerfi við almennt bókafélag þá ertu á villigötum. 

Þar sem þú svo færð inni í nýju þjóðfélagi muntu engan lífeyri fá nema þann íslenska, því forsendan fyrir því að fá lífeyri í öðrum löndum er sú að þú hafir alið þar allan þinn mann á vinnumarkaði viðkomandi lands í til dæmis 40-50 ár. Takir þú þátt í þeim markaði í til dæmis 10 ár þá færðu tíu fertugustu hluta af fullum lífeyri frá því landi. Og þér er gert skylt að greiða í lífeyrissjóð þar, því að hið skattafjármagnaða kerfi er lögnu orðið gjaldþrota. 

Það eina sem mér ofbýður er röflið í fólki um íslensku lífeyrislóðina. Þeir eru ekki fullkomnir, en eru samt eitt það besta sem til er í þessum efnum. 

Það er greinilegt að margt fólk vill salta heilakvörn sína í tunnur og spara sjálft upp fyrir ellinni, en helst vill það fá peningana "ókeypis" frá öðrum skattgreiðendum, enda er sú mjólkurkú að drepast úr áníðslu allra þeirra sem þar sem viðrast anda og lifa til að mjólka ríkissjóð með ölum tiltækum ráðum. Eitt svæsið þannig dæmi eru til dæmis örorkuþegar sem fyrir lögnu eru orðnir svo stór stétt að ískrandi brjálæði þess fyrirkomulags er að leggja hald á stóran hluta skattatekna ríkissjóðs. Þetta er orðin heil stétt og svindlið þar er algerlega gerræðislegt.

Ég veit alveg hvert þessi umræða er að reyna að leiða boltann: hún vill að almáttugt íslenska ríkið, þe. aðrir skattgreiðendur en þeir sjálfir, haldi þeim uppi í ellinni svo það sjálft geti sóað fé sínu hugsunarlaust alla sína ævi og komið tómhent að kassanum og heimtað þjónustu.

Hér skal öllu rústað, sama hvað það kostar. 

Hmpf!

[Halldór Jónsson, 13.7.2017 kl. 17:07]

Það er náttúrlega ekki rétt Gunnar að ekki sé hægt að nota vísitölusjóði til að ávaxata af því að allir gera þþað ekki. Það eru allskyns sjóðir til útum allt sem ávaxta peninga betur en lífeyrissjóðabubbarnir okkar. Ég veit um marga af þaim sem hafa langa sögu að baki án þess að tapa stórkostlega..Finnst þér virkilega að yfirbygging og stjórnun okkar kerfis sé bara í lagi? 

[Halldór Jónsson, 13.7.2017 kl. 17:09]

Gunnar, svona lógíkk getur þú ekki beitt. Þá geturðu alveig eins afnumið peningakerfi heimsins. 

því ef allir gerðu það þá myndi hið kapítalistíska hagkerfi hrynja til grunna og fé sjóðanna glatast með öllu. 

[Jóhann Elíasson, 13.7.2017 kl. 20:03]

Gunnar, hvað kemur til að þú finnur þig knúinn til að verja þetta lífeyrissjóðakerfi sem er ekkert annað en þjófnaðarapparat?  Hvar líki ég lífeyrissjóðakerfinu við almennt bókafélag? Ég kalla það ekki félagafrelsi þegar menn eru skikkaðir til að ganga í eitthvað af 80 félögum sem til eru.  Svo skaltu átta þig á því að lífeyrissjóðirnir eru á hverju einasta ári að SKERÐA lífeyrisréttindi félaga sinna þannig er mikill munur á þeim réttindum sem ég hafði 1980 í mínum sjóði eða það sem ég hef í dag og eru þau verulega lægri en þau voru þá þrátt fyrir að tíminn sem ég hef greitt í lífeyrissjóðinn sé orðinn nokkuð langur.  Ég sé ekki fram á að geta með nokkru móti lifað á þessari hungurlús sem lífeyrissjóðurinn segir að réttindi mín hafi skapað mér.  Ef ég hefði lagt inn á reikning lífeyrissjóðinn, sem ég hef greitt og ávöxtunin hefði verið 3,5% ætti ég við starfslok (70 ára aldur) 57.327.480. Ef við gerum ráð fyrir að ég lifði til níræðis aldurs (sem ég vona nú að verði ekki) þá hefði ég haft rúmlega 2,8 milljónir á ári, sem er skömminni skárra en rúm 70.000 á mánuði sem reiknuð réttindi mín, samkvæmt útreikningum lífeyrissjóðsins eru..

[Gunnar Rögnvaldsson, 13.7.2017 kl. 20:38]

Já Halldór minn kæri, þeir sem vilja byggja lífið sitt í ellinni á allskyns sjóðum, þeir fá náttúrlega allskyns líf í ellinni. En það sem heldur vísitölunni uppi er vönduð heimavinna þeirra sem annt er um hvar og hvers vegna peningum sem þeim er trúað fyrir, eru einmitt staðsettir þar sem þeir eru. Þeir sem hugsa halda vísitölunni uppi fyrir þá sem elta hana men tölvum. Ef þeir gerðu það ekki þá væri eignin vísitala til að elta nema þá vísitala núlls.

Jóhann kæri, auðvitað vil ég verja það sem gott er. Og auðvitað má í mörgum tilfellum gera betur. En peningar þínir í bankanum væru horfnir ef allir gerðu það sem þú notar sem valkost, því þeir hefðu farið í það að borga í gegnum skattana þína lífeyrir fyrir þá sem gerðu ekki neitt. Það veistu vel og 3,5 prósent á ári færðu ekki nema vegna skorts á innlánum og svo eru það fjármagnsskattar og innistæðutryggingar sem duga hér ekki til.

Enginn lífeyrissjóður hefur heimild til að fara svona með peninga annarra eins og þú leggur til, því bankar koma og fara. Það er engin öruggur með peninga sína í banka. Peningarnir eru ávallt öruggari sem fjárfestingar í fyrirtækjum sem lifa óðaverðbólgur og heimsstyrjaldir af - með glans!

Kveðjur

[Óskar Helgi Helgason (IP-tala skráð) 13.7.2017 kl. 22:51]

Komið þið sæl - sem oftar !

Gunnar Rögnvaldsson !

Oftlega: hefir þér betur tekist til, en þetta sinnið, gamli góði spjallvinur.

Hér á landi - væri einna helzt, hinum gamalgrónu Sparisjóðum sem enn eru lífs, treystandi fyrir þeim prósentum launa fólks, sem hrokagikkir Lífeyrissjóða og ''fyrirtækja'' ýmissa eru að spila frítt með, AÐ OKKUR EIGENDUM fjárins óspurðum / og í skjóli óboðlegs laga stagls frá alþingi: stofnunar, sem gæti í hæsta lagi ályktað og unnið með Lúpínurækt norður í Kolbeinsy, á þeim 2 - 3 fermetrum hennar, þegar fjöru gætir (varðandi sjávarföll), þar nyrðra.

Eða: myndir þú treysta alþingi, fyrir viðameiri verkefnum, eins og komið er fyrir því í dag, Gunnar minn ?

Í þessu skjóli: skákar Lífeyrissjóða Mafían, og sleikir út um bæði (munnvik), í ofur-græðgi sinni.

Það er hvers og eins launþega - að ráðstafa sínum eigin fjármunum, án aðkomu liðs:: eins og ofur- launaðra stjóra Lífeyrissjóðanna, með Gylfa Arnbjörnsson og SA klíkuna og fleirri, í bakhöndinni, Gunnar Rögnvaldsson.

Klingja ekki bjöllur STASI: þeirra Austur- Þýzku í eyrum þínum, þegar þú verð tilvist þessa óskapnaðar kerfis, Gunnar minn ?

Hinar sömu kveðjur - sem seinustu / 

[Jónatan Karlsson, 14.7.2017 kl. 03:25]

Það eru reyndar lífeyrissjóir, auk hinna verðtryggðu forréttinda sjóða sem virðast öllu gæfulegri en tíðkast og er ég þar að höfða til Almenna lífeyrissjóðsins og Frjálsa lífeyrissjóðsins.

Vandamálið er bara það að almennir launþegar virðast vera bundnir í átthagafjötra þegar að vali lífeyrissjóðs kemur og virðist atvinnuveitandinn einráður í því vali.

Árlega fã sjóðsfélagar náðarsamlegast yfirlit frá þeim sjóði sem þeir greiða í og fylgir þá líka listi yfir aðra sjóði sem launaþrællinn á tilkall í, en þau réttindi er auðvitað einfalt að sameina í einum stórum og gegnsæjum sjóði fyrir alla landsmenn, stóra sem smáa sem er líka bæði réttlátt og skynsamlegt.

Núverandi lífeyrissjóða sukki og svínaríi verður bara að linna.

[Jóhann Elíasson, 14.7.2017 kl. 10:53]

Það er litlu við þetta að bæta, Jónatan Karlsson þú virðist vera í þeim hópi sem gerir sér fulla grein fyrir hvað er þarna í gangi og villt gera eitthvað í því.  Ég gerði mér bara í hugarlund, miðað við fyrri skrif Gunnars Rögnvaldssonar, að hann væri betur að sér í lífeyrissjóðsmálum og mun skynsamari en fram kemur hér og verð ég að segja eins og er að vonbrigði mín eru mikil..

[einar (IP-tala skráð) 14.7.2017 kl. 15:30]

það er reyndar auðvelt að setja þetta fé á lokaðan reikning í banka og þá er öll misnotkun og sukk útilokuð. Það er miklu heilbrigðari lausn á lífeyrissparnaðarleið heldur en að búa til gígantískt kerfi sem er stjórnlaust að því er virðist og þjónar eingöngu hagsmunum einhverra sérhagsmuna. Alþýðan sem stritar fyrir þessu, kemur alltaf í síðasta sæti og má sætta sig við skertan lífeyri ef illa fer