Hvað sagði Sveinbjörg?

Það er eins og að Farísealiðið hafi ekki lesið það sem Sveinbjörg sagði í viðtalinu við Arnþrúði:

Í staðinn tönnlast þetta lið á hugstakinu sokkinn kostnaður eins og það sé inntak mannvonsku og rasisma frú Sveinbjargar. Af hverju ekki að að leita að kjarna skynseminnar sem birtist í þessum orðum:

" Væri ekki börnunum fyrir bestu að tekið sé tímabundið á móti þeim í sérskóla þar sem þau fengju fulla athygli og kennslu?

 ---

" ...Kennarar og félagsráðgjafar sem ég hef rætt við að þeir hafa talað um hversu vandmeðfarið og hversu mikill kostnaður fylgir því að taka á móti börnum sem eru í leit að alþjóðlegri vernd og styðja þá auðvitað til að læra íslensku og komast af stað í námi. Þetta er mismunandi eftir því hvort þetta séu stelpur eða strákar, vegna þess að svo eru þau kannski farin eftir 6 mánuði, 12 mánuði, 1 ár 2 ár þegar búið er að vísa fjölskyldunum úr landi, þá er þetta að einhverju leyti sokkinn kostnaður hjá Reykjavíkurborg.

-

...En þegar þau eru sett inn í bekki vegna þess að við erum með stefnu skóla án aðgreiningar, að þá verður mjög mikill fókus af þessum hópi inni í bekknum sem þarf stuðning, mjög margir sem eru á einhverfurófi, eru með athyglisbrest eða þurfa sérstaka aðstoð í námi sem að fá hana kannski ekki vegna þess að fókusinn er á öðru. Þess vegna hefur þeirri hugmynd skotið upp hvort það sé eðlilegt að það sé bara sérskóli stofnaður sem taki við þessum börnum sem eru að koma með foreldrum í leit að alþjóðlegri vernd. Síðan þegar fjölskyldan er komin með dvalarleyfi á Íslandi, þá fari þau inn í skólana. ..."

Þetta dugði frú Guðfinnu til að reka hnífinn í bak pólitísks velgjörðamanns síns og reyna að fella hana úr oddvitasætinu. Kratanum Loga auðvitað til að vekja athygli á sinni aumu pólitísku tilveru í skugga konu sinnar sem aðstoðarmanns forsætisráðherra, einskonar frú Macron og Henry prins tilveru.Og svo legíó af litlum poppurum til viðbótar.

Hvernig er hægt annað en að skilja þetta sem orð hugsandi manneskju sem er að leita leiða til að bæta slæmt ástand með hagmuni allra fyrir augum? Er þetta nóg til að þurrka út allt sem frúin er búin að gera á kjörtímabilinu?

Er ekki rétt að athuga hvað Sveinbjörg sagði og hvað hún sagði ekki?

Athugasemdir

[Sigurður Kristján Hjaltested, 9.8.2017 kl. 09:19]

Nei, thad hentar ekki góda fólkinu.

Thad er búid ad segja thetta og thar

med er thad rétt. Sama hvad hver segir.

Veit ekki hvad Gudfinnu gengur til, en

hún er heldur betur búin ad

gera á sig.

Sigmundur og Sveinbjorg verda ad koma sér út

úr thessum bakstungu flokk sem hann er og ekkert

annad. Viss um ad thau naedu meira fylgi en

thessi deyjandi framsóknar-samfylkingar flokkur.

[Haukur Kristinsson (IP-tala skráð) 9.8.2017 kl. 11:21]

Þegar við komum frá USA til Sviss með tvo syni sem voru á grunnskóla aldri töluðu þeir ekki orð í þýsku. Hinsvegar byrjaðir að ná tökum á ensku og grísku. Þeir fóru ekki í sér skóla, enda Svisslendingar ekki með slíkar stofnanir fyrir útlendinga. Þeir voru fljótir að læra þýskuna og talar hver þeirra 5 tungumál í dag. Hlustum ekki á óþverrann sem vellur upp úr Segregation Sveinbjörgu.

[Halldór Jónsson, 9.8.2017 kl. 13:16]

Ertu búinn að fá poka fyrir hana?

Norðmenn eru búnir að segregera.

Þínir krakkar eru Indogermanair og Svissarar sjá það líka strax að þeir kunna mál og skilja ensku sem flestir Svissarar. 

[Benedikt V. Warén, 9.8.2017 kl. 16:00]

Framsóknarflokkurinn þarf enga utanflokks óvini, með innanflokksmenn eins og þeir vinna, með rítingana á lofti alla daga.  

- Núverandi formann eins og hann vinnur.  

- Gamla þingmanna- og ráðherradruslur sem eru á móti grastótinni í flokknum.  

- Unga framsóknarmenn sem kjósa að misskilja alla hluti, eða eru með athyglisbrest og skilja ekki um hvað málin snúast.

- Stóan hluta Svartstakka í flokknum, sem sveigja samþykktir og stefnu flokksins að sínum eigin prívat áherslum.

[Benedikt V. Warén, 9.8.2017 kl. 16:06]

Formaðurinn Framsóknarflokksins hafði ekki kjark til að hjóla í Sigmund á flokksfundi og láta hann vita að hann hefði ákveðið að bjóða sig fram til formanns.  Hringdi frá Akureyri til að tilkynna það símleiðis.

Þvílík hetjulund!

Hefði formaðurinn ekki átt að hlusta á umrætt viðtal á Sögu og hafa samband við Sveinbjörgu og fá hennar hlið, áður en hann kom með yfirlýsingu gegn henni?

[Benedikt V. Warén, 9.8.2017 kl. 16:09]

Nokkrir þingmenn og ráðherrar Framsóknarflokksins hafa aldrei jafnað sig á því, að grasrótin í flokknum náði undirtökum og kaus Sigmund Davíð sem formann en ekki kandidat flokkseigendaklíkunnar.

[Benedikt V. Warén, 9.8.2017 kl. 16:12]

Ungir Framsóknarmenn ættu að hlusta betur áður en þeir opna sig og verða sér til skammar.  Ættu ef til vill að setjast á skólabekk það sem þeir einir sætu og hefðu þá fulla athygli og sér kennslu.

[Benedikt V. Warén, 9.8.2017 kl. 16:16]

Svartstakkarnir í flokknum halda að þeir einir megi hafa þar skoðun og eigi að ráða.  Þá skiptir lýðræðið engu, stefna flokksins og marmið hans.

Stefna flokksins er með samvinnuhugsjónina í hávegum, jafnt og að hlúa að einkaframtakinu.  Í raun eru Svartstakkar á móti einkaframtaki og lýðræði.

[Gústi (IP-tala skráð) 9.8.2017 kl. 16:45]

Í anda tillögu Sveinbjargar mætti eins setja landsbyggðarkrakka sem flytja í bæinn í sérskóla. Þau gætu jafnvel fengið að klappa kindum í frímínútum. Fatlaða, stamandi og örvhenta einnig í aðskilda sérskóla svo þau séu ekki að trufla og draga að sér athygli. Aðventista á fermingaraldri, og aðra sem ekki fermast, mætti aðskilja frá krökkum sem eru upptekin við fermingarundirbúninginn. Og stuttir, rauðhærðir og börn með krullur mætti einnig sérskóla öllum til hagsbóta. Skiljum að stráka og stelpur og pössum að enginn skeri sig úr að neinu leiti í hverjum skóla. Allir sem ekki uppfylla hin þröngu viðmið fari í sérskóla. Auðvitað öllum til hagsbóta.

Þegar tillagan er skoðuð nánar er nokkuð ljóst að þar eru ekki orð hugsandi manneskju sem er að leita leiða til að bæta slæmt ástand með hagmuni allra fyrir augum. Þegar tillagan er skoðuð nánar er nokkuð ljóst að þar eru orð persónu sem stjórnast af fordómum og fáfræði. Persónu sem ekki hefur hugmynd um út á hvað uppeldi, menntun og skólastarf gengur. Persónu sem ekki hefur hugmynd um út á hvað það að vera manneskja gengur.

[Halldór Jónsson, 9.8.2017 kl. 17:46]

Mér finnst að þú eigir að koma fram undir nafni Gústi svo þjóðin geti vitað hvílík mannvitsbrekka þú ert með ráð undir hverju rifi.

[Benedikt V. Warén, 9.8.2017 kl. 18:14]

Gústi.

Taktu til þín fyrstu málsgrein í færslu minni klukkan 16:12

[Gústi (IP-tala skráð) 9.8.2017 kl. 19:11]

Halldór, þjóðinni nægir að lesa það sem éwg skrifa, nafn mitt bætir þar engu við. En það er súrt fyrir treggáfaða að geta ekki farið í manninn þegar rökin þrýtur.

Og Benedikt mér er nokk sama hvað ungir Framsóknarmenn gera, það verður að vera þeirra mál. En það er gaman að sjá að þú tekur til þín það sem ég segi og þekkir sjálfan þig í lýsingunni.

[Jón Valur Jensson, 9.8.2017 kl. 19:39]

Gústi greyið talar eins og kjáni. Íslenzk börn úr sveit geta auðvitað vel skilið íslenzkan kennara, ólíkt makedónskum börnum eða albönskum fyrstu mánuðina. 

Sannur er pistill þinn, Halldór, rétt mat á orðum Sveinbjargar.

Logi Bergmann og Logi Einars eiga nú bara bágt og hafa í leiðinni svarið sig í hóp analfabetíska góða fólksins sem getur ekki heyrt eða lesið mælt mál, svo að það skilji, þ.e.a.s. ekki þegar innflytjendamál eru til umræðu.

Vitaskuld á svo að hafa 48 klukkustunda regluna hér í fullri virðingu, eins og í Noregi, enda það eina sem þessir landaflakkarar frá ekki-stríðsrhjáðum löndum taka fullt mark á. Málið þar með búið, í stað þess að moka milljörðum í upphald þeirra og meint réttindi til að nýta sér jafnvel dýra þjónustu á okkar kostnað. Þeir hafa sín eigin lönd til að ábyrgjast það, sem okkar 76. gr. í stjórnarskránni á að tryggja okkar ríkisborgurum, ekki hverjum sem er, sjá hér og hér í grein Birgis Loftssonar sagnfræðings.

[Bjarni Bjarnason (IP-tala skráð) 9.8.2017 kl. 19:42]

Benedict v. Égheld þú mælir fyrir munn margra þarna, alla vega minn.  

Eitt er að haga seglum eftir vindi það gera skynsamir menn og góðir skipstjórar, annað er að snúast eins og veðurviti undan minnsta andblæ meints almenningsálits og stinga flokksfélaga sinn í bakið. Aftur. 

[Benedikt V. Warén, 9.8.2017 kl. 19:45]

Gústi.

Þú ert skemmtilega fljótur að hrapa að ályktunum.  Enda sást það í fyrri færslu þinni að þar vantaði ekkert upp á hæfileikann að búa til samsæriskenningar vinstri, hægri.

Auðvita væri gaman að eiga málefnanlegar umræður við þig, en sé að það verður illmögulegt.

Veit ekki hvað truflar þig í þínum ályktunum. Halldór fer vel yfir þetta hér að ofan.

Ég læt fylgja hér með færslu frá þeim ágæta manni Ágústi H Bjarnasyni og treysti því að þú náir hugsanlega samhengi í þetta mál, með því að láta einhvern lesa þetta fyrir þig og álykta síðan um það, -öfgalaust.

"Mér finnst einhvern vegin að fáir sem tjá sig hafi hlustað á viðtalið sem fer fyrir brjóstið á mörgum.

Hér fyrir neðan er úrklippa úr þeim hluta sem málið snýst um.  Ætti að vera auðskilið flestum:

Væri ekki börnunum fyrir bestu að tekið sé tímabundið á móti þeim í sérskóla þar sem þau fengju fulla athygli og kennslu?

 ---

" ...Kennarar og félagsráðgjafar sem ég hef rætt við að þeir hafa talað um hversu vandmeðfarið og hversu mikill kostnaður fylgir því að taka á móti börnum sem eru í leit að alþjóðlegri vernd og styðja þá auðvitað til að læra íslensku og komast af stað í námi. Þetta er mismunandi eftir því hvort þetta séu stelpur eða strákar, vegna þess að svo eru þau kannski farin eftir 6 mánuði, 12 mánuði, 1 ár 2 ár þegar búið er að vísa fjölskyldunum úr landi, þá er þetta að einhverju leyti sokkinn kostnaður hjá Reykjavíkurborg.

-

...En þegar þau eru sett inn í bekki vegna þess að við erum með stefnu skóla án aðgreiningar, að þá verður mjög mikill fókus af þessum hópi inni í bekknum sem þarf stuðning, mjög margir sem eru á einhverfurófi, eru með athyglisbrest eða þurfa sérstaka aðstoð í námi sem að fá hana kannski ekki vegna þess að fókusinn er á öðru. Þess vegna hefur þeirri hugmynd skotið upp hvort það sé eðlilegt að það sé bara sérskóli stofnaður sem taki við þessum börnum sem eru að koma með foreldrum í leit að alþjóðlegri vernd. Síðan þegar fjölskyldan er komin með dvalarleyfi á Íslandi, þá fari þau inn í skólana. ...""

[Anna Sigríður Guðmundsdóttir, 9.8.2017 kl. 21:41]

Halldór. Árið 1995 flutti ég til Stavanger í Noregi með son minn á grunnskóla aldri. Hann byrjaði í sérstökum norsku tungumálaskóla áður en hann byrjaði í hverfisgrunnskólanum.

Árið 2006 flutti ég aftur til Íslands með norskutalandi yngsta son minn, og honum var skellt beint inn í skólastofu íslenskumælandi nemenda, án þess að læra íslenskuna almennilega fyrst.

Það hefur háð honum alla skólagönguna að hafa aldrei lært fyrst íslenskuna í sér tungumálaskóla áður en honum var skellt inn í óskiljanlegan íslenskumælandi barnaskólabekk.

Grunninn undir mögulegan árangur námsins vantaði, sem er skilningur á tungumáli skólans. Grunnurinn þarf að vera til staðar hjá nemandanum. Og fullur skilningur á hugtökum og orðum íslenskunnar, til að námsþátttakan verði til viðunandi heildræns gagns fyrir nemandann.

Það þykir sumum skilningslausum og kaldhæðnum mjög skemmtilegt að gera grín að þeim sem ekki tala rétt tungumál. Þarf að útskýra hvernig barni líður undir slíkri háðspressu í stjórnsýslunnar ruglsins opinbera og skyldaða barnaskóla?

Varla.

Hver dagur er barninu kvíðafull andleg pynting og sálarniðurbrjótandi eyðilegging á sjálfsmynd, í boði vanrækjandi opinberra grunnskólayfirvalda.

Það var greinilega reiknað með að töluð hefði verið íslenska á heimilinu þar til hann flutti til Íslands. En svo var ekki.

Það skiptir reyndar ekki höfuðmáli hver ástæðan er fyrir að barn kann ekki tungumálið fyrir grunnskóla á Íslandi. Það skiptir höfuðmáli að barnið fái verjandi þjónustu hins skyldukúgandi opinbera skólakerfis. Og að barnið læri og skilji til fulls í almennilegum tungumálaskóla hvað orð, orðatiltæki og orðtök þýða, áður en barni er hent inn í grunnskólahringiðuna stjórnsýslunnar vanrækjandi, óskiljanlegu og óverjandi, sem viðgengst á Íslandi!

Hvítflibbastjórar götusölunnar ráða kannski meiru innan grunnskólakerfisins, heldur en börnum er almennt hollt á Íslandinu spillta? Það vantar eftirlitsmyndavélar víðar en á Laugaveginum!

Niðurbrotinn einstaklingur með lélegt sjálfstraust hentar vel til götuglæpaneyslu/sölu fyrir hvítflibbadópgróða-glæpabankastjórana? Stríðið stendur yfir núna!

Á Útvarpi Sögu í dag var maður í viðtali hjá Arnþrúði, sem hafi svo mikinn áhuga á að gera "TILRAUNIR" með börn, með því að kúga þau inn í skólaskyldu í leikskóla? Hvað í ósköpunum er að fólki sem ekki skilur að börn eiga að fá þjónustu á viðunandi hátt frá opinberu skylduskólakerfi, en ekki vera notuð til tilrauna, með tilheyrandi opinberum skyldu-frátökum frá foreldrum sínum?

Hvers vegna fannst þessum viðmælanda Arnþrúðar ekki spennandi að börn væru sem mest og lengst með foreldrum sínum, áður en alvara skólaskyldunnar byrjar? Hvað er raunverulega í gangi?

Kannski hnúajárnagötusölunnar net-fjölmiðlaeineltandi og vantraustsútvarpandi í Ungra Framsóknarmanna-deildinni ættu að velta því fyrir sér? Og jafnvel að opinberlega úttala sig um slíkar embættanna "spennandi" skólatilraunir á varnarlausum börnum?

Og jafnvel að lýsa yfir vantrausti á þá sem segja í útvarpsviðtali að þeim finnist spennandi að gera "leikskóla/grunnskólatilraunir" á skólaskylduára-lækkun á varnarlausum  börnum? Kannski er það bara ég sem er svona "vitlaus" að skilja ekki áhersluatriðanna tilgang og "visku" skólayfirvalda og þessara Ungu Framsóknar-manna?

Ég verð að viðurkenna að það fauk all hressilega í mig (eins og gerist reyndar oft með mig), við að heyra svona málflutning frá skólamála-manni á Útvarpi Sögu, sem er í einhverskonar ábyrgðarstöðu gagnvart barnungum "tilraunanemendum".

Á kannski ekki bara að hirða börnin beint af foreldrunum á fæðingardeildinni, til að innrita þau í kerfisvanrækslunnar heilaþvotta "skóla"? Eða hvað?

Guð almáttugur í alheimsgeimi hjálpi fólki sem ekki skilur hvert óverjandi opinber yfirvaldanna vanrækslustýrðra skólanna stjórnsýsluspillingin er raunverulega komin!

M.b.kv.