Haraldur Benediktsson

bóndi og formaður fjárlagganefndar var á Útvarpi Sögu með Magnúsi Þór Hafsteinssyni stjörnurithöfundi og fiskifræðingi.

Þar kom fram að Haraldur telur sjálfsagt mál að hætta að innheimta gangnagjöld af Hvalfjarðargöngum. Ekkert annað sé í salnum eins og hann orðar það.

Í síðasta mánuði fóru rúmir 300.000 bílar um göngin. Ætli tekjur af því hafi ekki numið einum 200 milljónum?

Í sama viðtali telur Haraldur að grafa þurfi önnur göng við hlið þessara. Af hverju er þá svona sjálfsagt að fella niður gjaldið strax? Mun ekki þurfa veggjald í næstu göngum? Hvar á að taka peninga fyrir þeim? Myndi ekki gjaldið af þessum göngum næstu ár fara langt í að borga kostnaðinn af greftri nýrra ganga? Af hverju á þá að hætta innheimtunni? Hvað með rekstrarkostnaðinn? verður ekki að borga í báðar áttir eins og núna þegar ný göng koma? Hversvegna hugsar Haraldur svona þröngt út frá sveitarhagsmunum? Svo segir hann að landsbyggðarpólitík sé bara samgöngumál? Hvað segja Seyðfirðingar um göng undir Fjarðarheiði? Hvar á að taka peninga fyrir þeim?

Á sama tíma veltir Haraldur fyrir sér tillögum Jóns Gunnarssonar um önnur veggjöld? 

Hvervegna er Haraldur Benediktsson svona sannfærður um að það eigi að fella niður gjald í Hvalfjarðargöngum?

 

Athugasemdir

[Jón Þórhallsson, 10.8.2017 kl. 19:59]

Þetta er rétt athugað hjá þér?

[Halldór Jónsson, 10.8.2017 kl. 23:29]

takk fyrir það Jón

[JR (IP-tala skráð) 11.8.2017 kl. 11:22]

,,Hvervegna er Haraldur Benediktsson svona sannfærður um að það eigi að fella niður gjald í Hvalfjarðargöngum ? "

Vegna þess að því var lofað  !

Einfalt mál !

[Halldór Jónsson, 11.8.2017 kl. 13:47]

Hvenær er í tísku að standa við loforð? Það var þá sagði Ingibjörg Sólrún og slapp með það. Nú eru komnar allt aðrar forsendur. Spölur er hættur en það þarf að grafa önnur göng.

[Hrólfur Þ Hraundal, 11.8.2017 kl. 16:53]

Það liggur fyrir að tvöfalda þarf göngin og vegin að minnstakosti norður í dali.  Hversvegna þá að hætta gjaldtöku núna?