Er Flokkur Fólksins ESB-flokkur?

er nauðsynlegt að fá á hreint.

Inga Sæland er búin að lýsa því yfir að hún skammist sín fyrir að hafa kosið Samfylkinguna í síðustu kosningum.Það skil ég mætavel og lít upp til hennar fyrir hreinskilnina.

En hver er hennar afstaða núna til Evrópumála?

Þurfa kjósendur ekki að heyra um afstöðu hennar til inngöngu Íslands í Evrópusambandið?

Athugasemdir

[Eðvarð Lárus Árnason (IP-tala skráð) 22.9.2017 kl. 13:17]

Hvaða flokkar eru ESB flokkar. Hvaða flokkar eru ekki ESB flokkar.  Þeir flokkar sem nú eru að ljúka sinni ríkisstórnarveru með Sjálfstæðisflokkinn í fararbroddi, og undir stjórn Sjálfstæðisflokksins hefur ekki verið gengið formlega frá afturköllun aðildarviðræðna við ESB.  Hefði það ekki verið í verkahring Guðlaugs Þórs utanríkisráðherra að annast það.  Gæti það verið vilju Sjálfstæðisflokksina að hafa umsóknina hálfopna til síðari nota ?

[Jón Valur Jensson, 22.9.2017 kl. 13:39]

Ég spyr í annarri grein:*

Ef Inga Sæland segist ekki vilja Evrópusambands-aðild, "var hún þá í alvöru svona illa áttuð um stefnu síns gamla flokks, Samfylkingarinnar, þegar veldi hans var sem mest? Vart verður því trúað um þvílíka áhuga­manneskju um stjórnmál, að hún hafi ekki vitað þetta. Gott og vel, kjaramálin hafa eflaust tekið huga hennar, en var fullveldi landsins ekki merkilegra í hennar huga en svo, að hún hafi þá verið reiðubúin að vinna gegn því með því að greiða Samfylkingunni atkvæði sitt?

* Ingibjörg Sólrún afhjúpaði tengslin milli óskastefnu Samfylkingarinnar að keyra okkur inn í ESB og stefnu hennar á stjórnarskrár­breytingar

 

[Jón Steinar Ragnarsson, 22.9.2017 kl. 15:54]

Eðvarð. Evrópuumsóknin er lokuð og verður ekki endurlífguð fyrr en að undangengnum verulegum stjórarskrárbreytingum. M.a. ákvæi um framsal ríkisvalds.

Það er ástæðan fyrir stjórnarskrármálinu og ástæðan fyrir að bæði mál voru söltuð á sama tíma.

Þetta er löng saga og snúin og fallin í gleymsku hjá flestum, en aðein drepið á meginatriðum þeirrar söu á bloggi Jóns Vals sem hlekkja er á hér.

Stjórarskráin okkar leyfir ekki inngöngu í esb. Strangt til tekið leyfir hún heldur ekki aðlögunarviðræður.

[Pétur Örn Björnsson (IP-tala skráð) 22.9.2017 kl. 19:26]

Eitt máttu athuga Halldór, og það er hver stefna Sjálfstæðisflokksins hefur verið í ESB málinu.  

Í fyrsta lagi, það var Viðeyjarstjórn Davíðs Oddssonar sem hellti EES samningnum yfir þjóðina.  Þar með var opnuð leiðin að innleiðingu "fjórfrelsins" sem síðan leiddi til sölu bankanna og hrunsins 2008.  Þetta er söguleg staðreynd.  

Í öðru lagi, hafirðu gleymt því, þá mærði núverandi formaður Sjálfstæðisflokksins, Bjarni Benediktasson, evruna og vildi upptöku hennar (sem ekki er hægt nema að ganga í kjölfarið í ESB) í frægri blaðagrein hans og Illuga Gunnarssonar.  Þetta er söguleg staðreynd.

Í þriðja lagi, þá hafa alltaf verið mjög sterk innan Sjálfstæðisflokksins sem vilja í ESB.  Það er söguleg staðreynd og óþarfi að benda bara á Viðreisn sem dæmi um það.  Innan Sjálfstæðsiflokksins leynast enn mjög áhrifamiklir menn sem vilja ganga í ESB.

Í fjórða lagi, þá heyktist Bjarni á því að draga umsókn VG og Samfylkingar til baka og algjör óþarfi að kenna Gunnari Braga einum um það.

Vegna EES samnings Davíðs Oddssonar er Alþingi orðin stimpilstofnun fyrir aragrúa laga og reglugerða sem koma beint úr ranni Brussel.  Það er staðreynd Halldór, og þú veist það.  

Af þessu leiðir að sú spurning er réttmæt hvort Sjálfstæðisflokkurinn er stærsti ESB flokkurinn hér á landi.  Hann kom EES samningum á með forvera Samfylkingarinnar, endaði í bankahruni með Samfylkingunni.  (Ætla ekki að nefna hér annan hráskinnungsleik Sjálfstæðisflokksins, þó af nógu væri að taka).  

[Pétur Örn Björnsson (IP-tala skráð) 22.9.2017 kl. 19:29]

Er Sjálfstæðisflokkurinn ESB-flokkur?

Jú, það mætti ætla það þegar grannt er skoðað

og litið til sögulegra staðreynda.

[Jón Valur Jensson, 22.9.2017 kl. 23:18]

Öflugur ertu, Pétur Örn.

Er nokkur flokkur jafn-einbeittur í andstöðunni við upptöku evru, inntöku í Evrópusambandið og Schengen- og EES-aðild eins og Íslenska þjóðfylkingin?

Það er bezt fyrir menn að kjósa eftir sannfæringu sinni.

[Pétur Örn Björnsson (IP-tala skráð) 22.9.2017 kl. 23:39]

Vil aðeins að menn hafi sannleikann og sögulegar staðreyndir að leiðarljósi Jón Valur.  Hef orðið þess var að gamlir og gegnir íhaldsmenn hér á moggablogginu hafa að undanförnu stundað mjög áróðurskenndan hálfsannleika, væntanlega í áróðursskyni fyrir sinn fálkaflokk.  Er algjörlega afhuga flokkapólitík, treysti viti og dómgreind þjóðarinnar til að sjá í gegnum allan hráskinnugsleikinn.  Það skal bara hafa það sem sannara er.

[Helga Kristjánsdóttir, 22.9.2017 kl. 23:42]

Ef meiningin er að tíunda ferilskrá manneskja og flokka,með afstöðu þeirra til ESB.væri sanngjarnt að skoða feril E-sabandsins í meðferð þeirra á aðildarríkjunu. Ætli margir veikir fyrir því hafi ekki fyrir löngu séð óskapnaðinn í réttu ljósi,í hvaða flokki sem þeir eru.

[Halldór Jónsson, 23.9.2017 kl. 07:57]

Pétur og Jón Valur

Það ar gerð einbeitt aatlaga á Landsfundi Sjálfstæðsflokkssins til að koma honum til ESB trúar.Þar var að verki fjölmennur hópur og skipulagður.En fundurinn áttaði sig og hafnaði þessu eindregið. Þá gengu þó nokkrir út og úr flokknum. 

Það hafa alltaf verið háværir Evrópusinnar innan flokksins Pétur en meirihlutinn hefur verið á móti. Þetta gerir Sjáflstæðisflokkinn ekki að Evrópuflokki þar sem lýðræðið ræður í slíkyum flokki. Annað er rétt hjá þér með þetta EES.

[Snorri (IP-tala skráð) 23.9.2017 kl. 16:30]

Hvernig væri nú bara að þetta mál yrði útkljáð í þjóðaratkvæðagreiðslu?

Spurningin yrði : 

Á ísland að hefja samningaviðræður við ESB og að þeim loknum bera samningin undir þjóðina til staðfestingar? 

Við hvað eruð þið hrædd????

[Jón Valur Jensson, 24.9.2017 kl. 13:25]

Merkilegt er að uppgötva, að á næstsíðasta kjörtímabili hafði Inga Sæland, núverandi formaður Flokks fólksins, verið fylgismaður Samfylkingarinnar. Nýlega hefur hún þó í Útvarpi Sögu svarið af sér, að hún vilji koma Íslandi í ESB, en var hún þá í alvöru svona illa áttuð um stefnu síns gamla flokks, Samfylkingarinnar, þegar veldi hans var sem mest? Vart verður því trúað um þvílíka áhugamanneskju um stjórnmál, að hún hafi ekki vitað þetta. Gott og vel, kjaramálin hafa eflaust tekið huga hennar, en var fullveldi landsins ekki merkilegra í hennar huga en svo, að hún hafi þá verið reiðubúin að vinna gegn því með því að greiða Samfylkingunni atkvæði sitt?

Á árunum 2008-2013 var Samfylkingin einmitt, með afar neikvæðum formerkjum, að fjalla um og hlutast til um fullveldi landsins, vildi "deila" því með Evrópu-sambandinu, og "aðild" að þessu síðastnefnda varð á þeim tíma nánast eina raunverulega baráttumál Samfylkingarinnar, ásamt hlýðni við það í Icesave-málinu, en "skjaldborg heimilanna", sem var eitt vígorð flokksins í kosningunum 2013, því gleymdi flokkurinn bara og gaf alþýðuna upp á bátinn! Það sýndi sig í skuldamálum heimilanna, Árna Páls-lögunum og allri þeirri vanrækslu Samfylkingarinnar, sem kom henni í koll í kosningunum 2013 og 2016.

En hennar ær og kýr voru Evrópusambandið, og hjal um lýðræðislegar umbætur, "gagnsæi" og upplýsta stjórnarhætti, sem flokkurinn þóttist ætla að koma í gegn með "nýrri stjórnarskrá", voru ekki annað en hula yfir raunverulega stefnu hennar eins og "skjaldborgin" var líka. Þetta sýndi sig skýrast í lögum Steingríms, Össurar og Jóhönnu um 110 ára leynd um opinber skjöl um ýmislegt gruggugt sem fram fór í stjórnartíð þeirra!

Og sjálfur tilgangurinn með "stjórnarskrár-málinu" var fyrst og fremst og öllu öðru fremur að troða Íslandi í Evrópusambandið! Um það bar Ingibjörg Sólrún, formaður Samfóista 2009, og varaformaður hennar Ágúst Ólafur Ágústsson skýrt og ótvírætt vitni í ótrúlega opinskáum orðum þeirra í þeirri fréttagrein á Vísir.is, sem fjallað er um á Fullveldisvaktinni: Ingibjörg Sólrún afhjúpaði tengslin milli óskastefnu Samfylkingarinnar að keyra okkur inn í ESB og stefnu hennar á stjórnarskrár­breytingar

 

Q.e.d.

Já, það var sannarlega, með afar neikvæðum, raunar herskáum hætti, veitzt að fullveldi landsins í þeirri stjórnartíð Samfylkingarinnar, þegar Inga Sæland galt þó þeim flokki atkvæði sitt !