"Verðbólgan var 20 %

hvert einasta ár frá því ég kom á leikskólann og þar til ég kláraði lögfræðina" sagði Bjarni Benediktsson formaður Sjálfstæðisflokksins og forsætisráðherra á geysilega kröftugum fundi í Garðabæ í kvöld.

Nú hefur verðbólgan verið 2 % undanfarin ár.

Hvað er framundan? Margir óttast að verðbólga geti farið af stað ef kjarasamningar leiða til mikilla kauphækkana.

Af hverju vill fólk fá hærra kaup? Það er auðvitað til þess að hafa meira í ráðstöfunartekjur.

En það er hægt að auka ráðstöfunartekjur á annan hátt en bara að hækka kaupið. Það vitum við Sjálfstæðismenn.

Ef við lækkum skatta vinstri stjórnarinnar úr 40 % í 35 % þá hafa hjón með meðaltekjur 600 þúsund krónur í auknar ráðstöfunartekjur  . Þetta munum við Sjálfstæðismenn gera fáum við til þess umboð. 600 þúsund krónum meira í ráðstöfunartekjur án kauphækkana. Hvort verður launþegum drýgra, þetta eða taxtahækkanir og verðbólga?

Á næsta ári höldum við Íslendingar upp á 100 ára sjálfstjórnarafmæli Íslands. Hvernig var umhorfs hér fyrir 100 árum? Þá bjuggu Íslendingar við fátækt og skort á flestu. Reykjavík var lítið þorp og allir atvinnuvegir voru ótæknivæddir.  Við höfðum hér drepsóttir og slæmt heilsufar. Við bjuggum við kulda og vosbúð og fólk flykktist til annarra landa í leit að betra lífi.

Hvernig er umhorfs hér í dag? Íslendingar eru sú þjóð sem býr við hvað mesta velsæld af öllum þjóðum. Samt eru hér flokkar fólks sem finna allt til foráttu í okkar þjóðfélagi.

Við Íslendingar háðum ekki fullveldisbaráttu okkar til þess að fara að ganga í ríkjabandalög og fela öðrum að stjórna okkar málum. Við treystum okkur best til að ráða eigin málum og það ætlum við okkur að gera. 

Við getum ekki heimtað aðra mynt í stað krónunnar okkar og heimtað erlenda vexti án þess að taka aðra hagstærðir með sem þær evruþjóðir búa við svo sem engan hagvöxt og mikið atvinnuleysi. Hvort viljum við?

Mikill og góður rómur var gerður að ræðu formanns og frambjóðenda flokksins í Suð-Vestur kjördæmi.

Sjálfstæðismenn eru staðráðnir í að gera sitt besta til að leiða kjósendum fyrir sjónir að þeir eru eina framboðið sem er hægra megin við miðju. Öll hin framboðin eru til vinstri.

Vinstri stjórnum fylgja hærri skattar, minni hagvöxtur, atvinnuleysi og verðbólga, jafnvel 20 % árlega eins og Bjarni Benediktsson rifjaði upp frá sínum uppvaxtarárum.

 

Athugasemdir

[Sigurður Kristján Hjaltested, 25.10.2017 kl. 01:31]

Svo rétt Halldór.

Man alltaf eftir árinu 1974 þegar vinstri menn höfðu

ekkert til málanna að leggja en að segja,

"Kjósið okkur, þó ekki sé nema breytinganna vegna"

Þá var auglýsining "Varist vinstri slysin" notuð

af sjálfstæðismönnum.

Það á enn við í dag.

Það hefur ekkert breyst hjá þessu vinstra liði í

rúm 40 ár.

Því miður er staðan sú í dag, að flestir kennarar

og háskólamenntaðir prófessorar, eru vinstra megin

þegar kemur að pólitík. 

Þeir að sjálfsögðu hafa áhrif á ungu kynslóðina

með sínum skoðunum, þó þeir þræti fyrir það.

Þess vegna vill VG lækka kosningaraldur til að 

ná inn fleiri atkvæðum, sem þeir vita að komin

eru í gegnum áróður frá kennarastéttinni.

Má bara ekki segja, en samt satt.

Eini möguleikinn fyri sósíalista, alls

staðar í heiminum, er að ljúga og svíkja sig

til valda. Þeir hafa aldrei komist til valda

á sannleikanum fyrir hvað þeir standa.

Vona bara að kjósendur sjái í gegnum þetta

spuna kjaftæði sem þeir setja í gang og muni

eftir árunum 2009 til 2013, þegar ein sú

sviklegasta stjórn komst á koppinn. 

[Halldór Jónsson, 25.10.2017 kl. 08:48]

Því miður er þetta mjög satt og rétt sem þú segir Sggi vinur.