Er RÚV sigurvegari?

í þessum kosningum?

Það er varla hægt að segja annað en að svo sé bæði og.

Tjónið sem Sjálfstæðisflokkurinn varð fyrir má eiginlega segja að sé altjón. Flokkur sem missir meira en fjórðung sinnar fyrri dýrðar í einni ákeyrslu væri á mörkunum að vera viðgeranlegur ef hann væri bíll og ekki í kaskó. Hann höktir og hossast eiginlega með sprungið á einu, í skrykkjum og  reykspúandi frá slysstaðnum. Yfir því er áreiðanlega fögnuður á fjölda staða í Efstaleiti.

En stjórnarandstaðan vann hinsvegar ekki neinn teljandi sigur. Þó að VG hafi bætt við sig tíund þá er það áreiðanlega minna en stefnt var að með allri þeirri orku sem í var lagt. Árangur Samfylkingarinnar mun þó meiri og líklega meira gleðiefni og það tókst þannig að halda bæði Viðreisn og ESB hugsjóninni inni.

Hið óvænta og óstýrða réði hinsvegar meiru og nú er uppi flókin staða í íslenskum stjórnmálum. En sú pólitíska staða er ekki líkleg til að hafa áhrif á framhaldslíf fréttamiðlunar allra landsmanna.

Ekkert ógnar framhaldi sjálfstæðis RÚV sem er þannig sigurvegari.

 

Athugasemdir

[Jósef Smári Ásmundsson, 30.10.2017 kl. 12:32]

Er þeð ekki bara helvítis fólkið sem kaus ekki flokkinn?

[Halldór Jónsson, 30.10.2017 kl. 12:37]

Jú auðvitað Jósef, kjósendur eru fífl upp til hópa- eða það finnst mér auðvitað þar sem helvítin gera aldrei eins og ég vil.

[Skeggi Skaftason, 30.10.2017 kl. 12:59]

"Ekkert ógnar framhaldi sjálfstæðis RÚV"

Ertu að meina að ef t.d. xD og xM hefðu náð saman hreinum meirihluta þá hefði RÚV verið lagt niður? Eða skipuð pólitísk yfirstjórn á fréttastofuna?

[Örn Johnson ´43 (IP-tala skráð) 30.10.2017 kl. 13:19]

Halldór, við höfum upplifað einstakann atburð í sögu mannkynssögunnar til margra ára. Helsta fréttastofa eins ríkis ákveður nokkrum dögum fyrir kosningar að víkja starfandi forsætisráðherra landsins frá, fyrst með tíu mínútna "frétt", aðalfrétt, um hann, sem reyndar var meira en 10 ára gömul og var eintómt níð. Endurtaka svo fréttina aftur daginn eftir, þá í sjö mínútur. Allt um atburði sem margrætt hefur verið um og ákæruvaldinu fannst ekki ástæða til að kæra, enda hafði hann ekki brotið nein lög. Í öllum siðmenntuðum ríkjum hefði viðkomandi stjórnandi verið snarlega látinn taka pokann sinn. Aðför sem ekki tókst.

[Eðvarð Lárus Árnason (IP-tala skráð) 30.10.2017 kl. 14:52]

HJÁ HVERJUM HEFUR YFIRSTJÓRN RúV legið undanfarin fjölmög ár ? Þeir sem raunverulega höfðu það í hendi sinni að rétta af  vinstri slagsíðuna á RÚV, voru menntamálaráðherrar Sjálfstæðisflokksins í  f.v. ríkisstjórnum, en það vantaði allt í þá, af því sem hinn hugumdjarfi þingmaður Ásmundur Friðriksson hefur.Illugi Gunnarsson og Kristján þÓr Júlíusson hafa verið á hnjánum fyrir kommaliðinu i RÚV.   

[Baldinn, 30.10.2017 kl. 15:14]

Eingin sigurvegari og auðvitaqð er þetta allt RUV að kenna strákar.

Örn segir : "Í öllum siðmenntuðum ríkjum hefði viðkomandi stjórnandi verið snarlega látinn taka pokann sinn. Aðför sem ekki tókst.".

Þetta er auðvitað kolrangt hjá þér Örn.  Í öllum siðmenntuðum ríkjum hefði Bjarni fyrir löngu verið búinn að segja af sér.

[Hilmar (IP-tala skráð) 30.10.2017 kl. 17:09]

Hvernig dettur ykkur í hug að ein útvarpsstöð eða sjónvarpsstöð sem engin hlustar/horfir á geti ráðið örlögum heillar ríkisstjórnar?  Fáranlegt!!!