Þarf ekki nýjan þröskuld inn á Alþingi?

Af hverju er verið með fimm sem lágmarkseinkunn milli bekkja í Menntaskóla?

50 % af því sem nemendur eiga með réttu að kunna?

Eða er það ekki bara 5.5% í busíunni sem er sama og 55% af mögulegu.

Af hverju er þá 5 % af heildaratkvæðamagni sem þarf til að komast inn fyrir stjórnmálaflokk á Alþingi?

Ef fjórflokkurinn hefði verið hæfilegur fjöldi flokka, sem hann var mest allan lýðveldistímann, þá væri fjórðungur 63/4=15.75 % Til þess að fá framhaldseinkunn um lágmarkskunnáttu hefði fjórðungsflokkur átt að fá 15.75% / 2 eða 7.87 % greiddra atkvæða. Annars væri flokkurinn bara fallinn á lágmarksþekkingu á helmingi fræðanna eins og Inga Sæland féll árið 2016 og Björt Framtíð núna?

Mig minnir að innan þessara fjögurra flokka hafi allt "skítlegt eðli"  pólitískra andstæðinga rúmast með ágætum vel í gamla daga?  Menn gátu alveg verið misskítlegir þó þeir væru í einum flokki?

Í dag þurfum við að rúma  núna alla nasista, fasista, rasista,feminista, kommúnista, líberalísta), anarkista og nýfrjálshyggjumenn í sér flokkum sem eru einir 8 talsins á Alþingi Er þetta ekki nokkuð sjálfstætt fólk allt saman sem á erfitt með að ná saman? Yrði þetta ekki bara kallað smáflokkakraðak? Þá er þekkingarþröskuldurinn 63/8/2 eða 3.93% fyrir framhaldseinkunn. Myndum við ekki kannast við þetta og finnast þetta og telja það vera of lágt ef við skoðum stöðuna á ýmsum stjórnmálaflokkum í dag?

Er ekki örlítið hærri þröskuldur inn á Alþingi það sem til þyrfti til að fá örlítið meiri "Dískant" í umræðurnar á Alþingi eins og hann Ingimar Eydal hefði kannski orðað það þegar gáfnafar nýju flokkanna keyrir um þverbak í umræðunum um fundarsköp forseta? Þurfum  við ekki bara að velja okkur nýjan þröskuld inn á Alþingi til að tryggja lágmarksskilvirkni þingsins en  halda jafnframt ókostum einmenningskjördæma frá?

Væri 7.87 % ekki falleg Salómónsk tala sem nýr þröskuldur inn á Alþingi og reyna þannig að hafa ekki fleiri en fjóra stjórnmálaflokka þar inni til að halda einhverri skilvirkni?

Athugasemdir

[Helga Kristjánsdóttir, 1.11.2017 kl. 01:57]

Svei mér þá jú,meira en örlítið meira diskant!

[Ómar Ragnarsson, 1.11.2017 kl. 14:07]

Í kosningunum 2013 féllu tæp 10% atkvæða dauð niður á sama tíma og hver þingmaður, sem komst inn þurfti aðeins um 1,5% atkvæða.  Einkunn á prófi og réttlátt lýðræði eru ósambærilegir hlutir. 

[Jón Valur Jensson, 1.11.2017 kl. 14:13]

Ég veit, Halldór minn, að það eru bæði femínistar (of margir), kommúnistar, líberalistar, anarkistar og nýfrjálshyggjumenn í þessum átta flokkum á nýju Alþingi, en hvar sérðu þar nazista, fasista og rasista? (ekki er Ásmundur félagi þinn rasisti, þótt öfgamenn á hinum kantinum haldi því fram).

En hvað sérðu svona ólýðræðislegt við það, að 1/63 kjósenda kjósi einn af 63 þingmönnum og 3/63 þrjá þingmenn?

Nær væri að gera landið allt að einu kjördæmi en að taka upp þessa nýju þröskuldastefnu þína, sem hygla mundi þeim ríku og voldugu.

[Halldór Jónsson, 1.11.2017 kl. 16:53]

Jóns Valur

Kjósendur eru ekki nógu greindir einn og einn. Þeir verða að vera í flokkum og hafa leiðtoga.

Þú ert íkirkjunni og getur ekki lifað leiðtogalaus eins og ég trúleysinginn.:ú verðpur ap hafa Jésús og GuÞ tlil að spyrja ráða og biðja um leiðsögn í stað þess að spyrja sjálfan þig.Þaðan af síður þú verið utan flokks hvað þá í flokksforystu í  einhverjum sérvitringaflokk eins og þú varst að reyna að vera.

Þú átt að vera með mér í flokk og saman getum við talað máli sem einhverjir aðrir skilja ef okkur mælist nægilega vel.

Þegar skrílshjörð í kring um Áslaugu Örnu og Unni Brá gargar niður þá ræðumenn sem vilja ekki samþykkja þeira skoðanir á Landsfundi verða menn að skipuleggja sig til varna. Þess í stað ferð þú úr flokknum og Gústaf Níelsson flytur til Spánar, og Jón Magnússon hættir líka að nenna.

Ergo þá vinna fíflin sem vilja galopna landið eins og þessar kellingar. Ef þær verða ofan á þá gefst ég líka upp og Sjálfsæðisflokkurinn verður Merkel flokkur vitleysingasem ég tek ekki þátt í. Ég verð ekki í flokki með Áslaugu Örnu sem varaformann.

[Jón Valur Jensson, 1.11.2017 kl. 19:10]

Vel get ég skilið þig, kæri Halldór.

En sjálfur sagði ég mig úr flokknum þegar Bjarni sveik í Icesave-málinu. Ekki hefur ástandið batnað síðan gagnvart kristnum gildum.

Sigríður er vonarvottur, en ekki hún Áslaug Arna!

[Halldór Jónsson, 1.11.2017 kl. 19:51]

Sammála Jón Valur

[Jóhann Kristinsson, 1.11.2017 kl. 22:46]

Hvernig væri að setja þröskuldinn upp í 10% eða jafnvel 15%, þá væri kanski tveir í það mesta þrír flokkar á þingi.

Ég hef aldrei skilið skilgreininguna að atkvæði séu dauð, þetta er eitthvað all íslenskt.

Kveðja frá Houston