Enn bullar Þorvaldur

í Fréttablaðinu í dag.

Þar skrifar hann annars ágæta sagnfræðilega grein um kreppuárin í íslensku viðskiptalífi þegar ofurveldi Sambandsins og Framsóknarflokksins grúfði yfir vötnunum. Þar koma við sögu menn sem ég þekkti ágætlega og barðist með gegn leyfaveldinu og fyrir viðskiptafrelsinu sem varð um síðir ofan á. 

Þá var öllu fjármálalífi stjórnað með sérleyfum og ríkisbönkum undir pólitískri stjórn. Það var oft talað um helmingaskipti íhalds og Framsóknar á þessum takmörkuðu gæðum og sjálfsagt var eitthvað til í því. En skiptin voru ósanngjörn að því leyti að Sambandið var í eigu mikils minnihluta þjóðarinnar og byggðist á misvægi atkvæðanna.

En svo fer prófessor doktor Þorvaldur algerlega útaf sporinu og snýr greininni upp í einhlíða níð um Sjálfstæðisflokkinn. Og klykkir svo út með því að segja að nauðsynlegt sé að samþykkja stjórnarskrártillögur sínar til þess að bæta fyrir þessar misgerðir og skapa honum þóknanlegt samfélag.

Staðreyndin er sú að stjórnarskrártillögur Þorvaldar voru með öllu óbrúklegar vegna þversagna og bulls og hafnaði i þjóðin þeim eftirminnilega í þjóðaratkvæðagreiðslu sem frægt er orðið. Þorvaldur ber hinsvegar hausnum við steininn og reynir með rangupplýsingum að koma því inn hjá fólki að hann sé beittur ranglæti í málinu.

Stjórnarskrá Íslendinga sem þeir samþykktu 1944 með 98 % atkvæða hefur dugað þeim ágætlega með áorðnum breytingum til þessa dags. Allar breytingar á henni þurfa að gerast hægt með víðtækri sátt. Bull og ofstækismálflutningur Nýkrata á borð við prófessor doktors Þorvaldar Gylfasonar eru ekki leiðin til árangurs í þeim efnum frfekar en öðrum.

 

Athugasemdir

[JR (IP-tala skráð) 9.11.2017 kl. 11:24]

Halldór, auðvitað veist þú allt um helmingaskiptin og hvernig þið hafið enn þá daginn í dag níðist á fólkinu í landinu fyrir völdin !

Auðvitað hræðist þú eins og allir hinir valdasjúku félagar þínir vegna hugmyndar af nýrri stjórnarskrá , sem fólkið í landinu vill  !

[Jón Steinar Ragnarsson, 9.11.2017 kl. 11:42]

Þetta er orðið hálf ámátlegt stagl og þráhyggja hjá blessuðum manninum.

Eðlilegt að eurófilar eins og JR hér, séu ákafir fyrir því að tæta sundur stjórnarskrána. Þei nefna það aldre, en ástæða og upphaf þessa stjórnarskrármáls var og er áætlun um inngöngu í ESB. Þessi mál eru raunar sama málið.

Sú góða vísa verður aldre of oft kveðin því hún synir undirferlið og óheiðarleikann svo vel.

http://www.visir.is/stjornarskra-breytt-fyrir-esb-adild/article/200938564492

[Halldór Jónsson, 9.11.2017 kl. 13:40]

Fáránleg skrif eru þessi hjá þér dulnefnið JR sem er eiginlega ekki svaravert. Það hefur ekkert með frjálst markaðshagkerfi í dag að gera að ásaka Sjálfstæðsflokkinn um að vera valdasjukur og þrá helmingaskiptaregluna aftur.  Ekki lofar það almennt góðu fyrir ykkur landsölu-og Evrópuhugsjónafólk almennt að halda svona bulli fram. 

[Halldór Jónsson, 9.11.2017 kl. 13:40]

Þetta er sannleikurinn Jón Steinar

[Ómar Ragnarsson, 9.11.2017 kl. 18:28]

"Hafnaði þjóðin stjórnarskrártillögunum sem frægt er orðið". 

Hvernig er hægt að snúa staðreyndum svona gersamlega á haus?

[Gunnar Heiðarsson, 9.11.2017 kl. 20:42]

Og enn ertu að lesa Þorvald, Halldór minn. Hvenær ætlarðu að hætta þessari sjálfspíningu. Það eru nokkur ár síðan ég hætti að les skrif þessa manns og andlega líðanin hefur stór batnað.

Kveðja

[Steinar Frímannsson (IP-tala skráð) 9.11.2017 kl. 20:43]

Og enn bullar Halldór

[Predikarinn - Cacoethes scribendi , 9.11.2017 kl. 21:37]

Kæri Halldór.

Hér talar þú af viti eins og jafnan. Þökk fyrir það.

[Ómar Ragnarsson, 9.11.2017 kl. 22:04]

Ef "þjóðin hafnaði stjórnarskrártillögunum" 2012 hafnaði hún líka Sambandslögunum 1918 og afnámi vínbannsins 1938. Og bandaríska þjóðin hafnaði öllum forsetum, sem setið hafa valdastóli í bandaríkjunum lengur en elstu menn muna. 

Þú hlýtur að sjá, Halldór, að þessi höfnunarkenning þitt stenst ekki. 

[Halldór Jónsson, 9.11.2017 kl. 22:21]

Kosningin var dæmd af Ómar ergo hafnaði þjóðin bullinu

[Þorsteinn Siglaugsson, 9.11.2017 kl. 22:34]

Kosningin um tillögurnar var ekki dæmd af. Það var kosningin til stjórnlagaráðsins. Tillögurnar voru samþykktar í ráðgefandi þjóðaratkvæðagreiðslu, en þátttaka í þeirri kosningu var mjög lítil. Það var vegna þess að stór hluti þjóðarinnar taldi nefndina ekki hafa umboð til breytinga á stjórnarskrá. Enda hafði nefndin ekkert slíkt umboð því stjórnarskrá verður ekki breytt nema farið sé eftir reglum gildandi stjórnarskrár varðandi slíkt.

[Ómar Ragnarsson, 9.11.2017 kl. 23:42]

Það var vegna "misfellna" á kosningunni til stjórnlagaþings, sem hvergi hefðu verið taldar alvarlegar nema hér, sem úrskurðað var (þetta var ekki dómur) að hún hefði ekki verið gild. 

Hæstiréttur véfengdi ekki niðurstöðurnar og val stjórnlagaráðs var hvorki véfengt né kært, frekar en val fjölda stjórnarskrárnefnda í gegnum tíðina. 

Það telst ágæt þátttaka erlendis ef 48% taka þátt. Það telst ekki "mjög lítið". 

[Helga Kristjánsdóttir, 10.11.2017 kl. 00:50]

Velti oft fyrir mér hvað þessi fyrrverandi flokkur alþýðunnar myndi ganga langt í að sölsa allt Ísland undir Vogunarsjóðina.-þegar allur almenningur hefur lært að varast flærðina gætu þeir tekið upp á ehv.nýju,svo höfum opin augu og eyru..

[Halldór Jónsson, 10.11.2017 kl. 12:07]

Omar, ég held að stór ástæða fyrir því að þó þeta margir kusu var af því að það var beitt fyrir þá með spurningu um kristni og kirkju, ég fór til dæmis bara til að styðja við þjóðkirkjuna trúlaus maðurinn en hafnaði auðvitað öllum bullspurningum um tillögur stjórnlagaráðsins nema jöfnun atkvæðisréttar minnir mig.

Stjórnarskrártillögurnar voru gersamlega órúklegar í mínum augum enda voru þær að hluta bara samsæri ykkar til að selja landið til Evrópusambandsins.