Vefari keisarans byggir

hjúkrunarheimili. Dagur B. Eggertsson er á skóflunni í lok ársins 2017 og RÚV er á myndavélinni að sjálfsögðu. Dagur er að fara í kosningar eftir hálft ár og þarf á stuðningi að halda.

Hvernig var þetta mál annars?

fimmtudagur, 20. október 2016

• Dagur B. Eggertsson borgarstjóri og Kristján Þór Júlíusson heilbrigðisráðherra undirrituðu samning um nýtt 100 rýma hjúkrunarheimili í Reykjavík. Hér handsala þeir samninginn.
• 
  Dagur B. Eggertsson borgarstjóri og Kristján Þór Júlíusson heilbrigðisráðherra undirrituðu samning um nýtt 100 rýma hjúkrunarheimili í Reykjavík. Hér handsala þeir samninginn.

Framkvæmdir við hjúkrunarheimilið eiga að hefjast í byrjun næsta árs(2017) og er stefnt að því að það verði tilbúið snemma árs 2019. Heildarkostnaður framkvæmdanna er áætlaður rúmir 2,9 milljarðar króna, að búnaðarkaupum undanskildum.

Reykjavíkurborg leggur heimilinu til lóð, í samræmi við lög um heilbrigðisþjónustu, og hefur ákveðið að það verði byggt við Sléttuveg í Fossvogi. Borgin mun annast hönnun og verkframkvæmdir og skal við hönnunina fylgja viðmiðum velferðarráðuneytisins um skipulag hjúkrunarheimila þar sem áhersla er lögð á að aðstæður séu sem heimilislegastar en mæti engu að síður þörfum fólks með skerta getu og þörf fyrir hjúkrun, þjálfun og endurhæfingu.

Skipting kostnaðar miðast 40% framlag úr Framkvæmdasjóði aldraðra, 45% úr ríkissjóði og 15% frá Reykjavíkurborg. Áætlaður heildarkostnaður við hönnun og byggingaframkvæmdir upp á rúma 2,9 milljarða króna miðast við 100 hjúkrunarrými en gert er ráð fyrir sveigjanleika við hönnun þannig að fjöldi rýma getur verið á bilinu 95 – 105. Framlög framkvæmdasjóðs og ríkissjóðs til borgarinnar verða greidd í fjórum áföngum eftir því sem verkinu vindur fram, eins og nánar er kveðið á um í samningi. Kostnaður vegna búnaðarkaupa skiptist á sama hátt."

Þetta er útlátalítið fyrir Reykjavíkurborg og veldur ekki skuldaaukningunni sem er að verða á þessu ári hjá Reykjavíkurborg meðan önnur sveitarfélög lækka skuldir. Dagur er hér enn að byggja skýjaborgir eins og 4000 íbúðirnar sem á að byggja í framtíðinni sem var samt óvart í gær þegar Dagur gaf loforðin. Átta kjósendur sig á þessum mikla vefara keisarans Degi B. Eggertssyni sem gefur fyrirheit til framtíðarinnar eins og hún sé komin í dag?

Vel tók hann Dagur sig út með skófluna á RÚV í kvöld. Maður framkvæmdanna. Engin mynd af fulltrúa Ríkisins eða ráðherranum sem á að borga.

Enginn flytur af Landspítalanum inn í þetta hjúkrunarheimili við Sléttuveg fyrr en næsta kjörtímabil Borgarstjórnar verður hálfnað.

Svona byggja vefarar keisarans.

 

Athugasemdir

[Ómar Ragnarsson, 22.11.2017 kl. 23:28]

Mér skilst að 2013 hafi nýtt hjúkrunarheimilið og þjónustumiðstöðin átt að verða tilbúin þarna og gumað af því í lok valdatíma Sjallanna í borginni sem endaði 2010.  Það hefur verið hvimleið árátta allra borgarstjórnarmeirihluta í manna minnum að raða alls konar svona uppákomum inn á síðustu mánuði kjörtímabilsins. 

[Heimir Lárusson Fjeldsted, 23.11.2017 kl. 03:00]

Ómar er alltaf hugulsamur í garð Dags og meirihluta hans. Ekki veitir Degi af vörninni.

[Halldór Jónsson, 23.11.2017 kl. 07:06]

Það er í raun sama hver í hlut á Ómar, svona er skítleg framkoma þar sem ómerkingar eru að reyna að slá ryki í augu kjósenda, selja svikna vöru með lygum.

Já Heinir, Ómar er dæmigerður kommatittur sem segja alltaf eins og Ingibjörg Sólrún á sínum tíma þegar hún svaraði allri gagnrýni á sig á  innsoginu og sagði Eeeeeeeeen Sjálfstæðismenn. Ómar er svoleiðis samanburðarfræðingur þegar verja þarf vinstrið.