Afleiðing stjórnmálaspillingarinnar

birtist í ræðu Þorgerðar Katrínar á Alþingi.

Það var alger spilling þegar stjórnmálaflokkar sameinuðust um sjálftöku á almannafé til að kosta rekstur stjórnmálaflokka. Almannafé á auðvitað ekki að renna til slíkrar frjálsrar starfsemi borgaranna frekar en saumaklúbba, fuglaskoðunarfélaga eða rauðvínsklúbba.

Menn hugleiði hvílíkt spillt hugarfar liggur að baki ræðu Þorgerðar Katrínar:

"Þorgerður Katrín Gunnarsdóttir, formaður Viðreisnar, telur að einhverjir stjórnmálaflokkar hafi með óbeinum hætti fjármagnað kosningabaráttu sína í gegnum aðila sem birtu auglýsingar og áróður á samfélagsmiðlum fyrir kosningarnar í haust. Hún segir að það verði að liggja fyrir hverjir standa að baki síðum sem dreifa áróðri og hverjum síðurnar og aðstandendur þeirra tengjast.

 

„Ég held að við stöndum frammi fyrir nýjum veruleika, ekki bara heima á Íslandi heldur alls staðar,“ sagði Þorgerður Katrín í Morgunútvarpinu á Rás 2. Hún hefur kallað eftir rannsókn á nafnlausum áróðurssíðum í aðdraganda síðustu kosninga sem voru starfræktar á samfélagsmiðlum. Þorgerður Katrín sagði að kosningabaráttan yrði með öðrum hætti en áður ef menn gætu birt kosningaáróður í skjóli nafnleyndar. Hún sagði gagnsæi mikilvægt og að fólk ætti ekki að fela það fyrir hvaða málefnum það væri berjast. Það er mikilvægt fyrir stjórnmálamenninguna og ekki síður fyrir almenning að upplýst verði hverjir standi bak við þennan áróður, sagði Þorgerður Katrín. „Það sem skiptir mestu máli er að við skoðum þetta og fáum þetta upp á borðið,

Þorgerður Katrín vísaði líka til reynslunnar frá Bandaríkjunum þar sem alls kyns hópar og samtök birta auglýsingar og áróður í stjórnmálum, hópar sem tengist flokkunum óbeint. „Við þurfum bara að fá þetta fram. Mér segir svo hugur að það eru ákveðnir flokkar sem hafa verið að fjármagna sína kosningabaráttu með óbeinum hætti í gegnum svona aðila,“ sagði Þorgerður Katrín en vildi ekki svara hverjir það væru. „Við skulum bara láta það koma í ljós. Það er heilbrigt að við tölum um þetta.“

Þ:að er algerlega óheilbrigt að tala um þetta sem vandamál. Þetta á ekki að þekkjast að stjórnmálaflokkar stundi fjárdrátt á almannafé með þessum hætti. Þetta hefur leitt til opinberra spillingarmála þegar litlir flokkar hafa notað sér þetta svo almenningi ofbýður.

Það er sjálfsögð krafa að öllum styrkjum til stjórnmálastarfsemi sé hætt og slíkir flokkar verði alfarið látnir um að fjármagna sjálfa sig með styrkjum og auglýsingum án hverskyns opinberra takmarkana. Það er ólíðandi að fólki skuli gert að fármagna stjórnmálastarf andstæðinga sinna í stað þess að hafa frelsi til að berjast fyrir eigin skoðunum.

Engin leyndarmál eiga að þekkjast eigi stjórnmál að vera hafin yfir spillingu 

Athugasemdir

[Halldór Jónsson, 21.12.2017 kl. 12:39]

Nú hafa framkvæmdastjórar flestra stjórnmálaflokka sammælst um að heimta meira ríkisfé. Mér finnst miður að framkvæmdastjóri Sjálfstæðisfloksssins skuli taka þátt í þessu. En auðvitað er honum vorkunn með flokkinn í hvínandi vandræðum vegna óráðsíu og ábtyrðarleysis í liðnum kosningabaráttum.

En mér finnst þetta skammsýni því Sjálfstæðisflokkurinn myndi eflast ef hann treysti á sjálfan sig, mátt sinn og megin, um leið og litla flokkagerið myndi dragast upp í ófeiti og úrræðaleysi. Það væri landhreinsun og þjóðargæfa ef flokkunum myndi fækka á Alþingi sem ekkert hefur til málanna að leggja nema kjaftæði sem engu hefur skilað.