Stóra Bomban

sprungin hjá krötum í Bandaríkjunum. Þeir eru búnir að finna sína hliðstæðu við gamla íslenska pólitík  í gervi kvenlæknis í Cleveland. En hún er búin að gefa út sína útgáfu af gömlu íslensku bombunni sem varpað var á Jónas frá Hriflu.

Jónas var eins og Dónald alger reglumaður og atorkumaður með eindæmum. Það líkaði ekki þeim sem fyrir urðu athafnasemi og stjórnsemi hans.  Þeirra ein von var að reyna að fá Jónas úrskurðaðan geðveikan með því að siga á hann læknum heim til hans á Hávallagötu. 

Demókratar hafa loksins fattað að leita til Íslands að fyrirmyndum í pólitík sinni gegn Trump. En þeir hafa ekki athugað að svona bombur geta sprungið í andlitið á sprengjumönnum sjálfum eins og í tilfelli Jónasar sem brást hart við að sjálfsögðu og rak einhverja lækna úr embættum sem vonlegt var.Allavega var hann keikur eftir um sinn þar til að hans eigin flokksmenn sviku hann eins og venja er í pólitík.

Jónas var skemmtilegur harðjaxl eins og Ólafur Thors. Jónas fór eitt sinn að stríða Ólafi á því að hann hafi fengið lágar einkunnir á stúdentsprófi rétt eftir að Stóra bomban hafði sprungið. Þá sagði Ólafur : "Æ blessaður Jónas, það var ekkert að marka því þær voru byggðar á dómum sérfræðinga!".

Athugasemdir

[Ragnhildur Kolka, 7.1.2018 kl. 14:39]

Laumukommarnir í US þurfa nú að fara að leita að sinni Síberíu. Enda varð Trump ekki forseti upp úr þurru. Kjósendur hans hljóta líka að vera geð bilaðir.

[Zolomon (IP-tala skráð) 7.1.2018 kl. 15:28]

Valkostur var ekki glæsilegur

[Kristmann Magnússon, 7.1.2018 kl. 15:59]

Þetta er alveg rétt hjá Ragnhildi með kjósendurna

[Kolbrún Hilmars, 7.1.2018 kl. 16:45]

Munið að kjósendur áttu bara um tvennt að velja - og meirihlutinn valdi þó skárri kostinn.

[Ragnhildur Kolka, 7.1.2018 kl. 17:09]

Kristmann, til að gera þér þetta ekki of erfitt, þá skal ég viðurkenna að það er fyrsta setningin sem er sú rétta. 

[Jóhann Kristinsson, 7.1.2018 kl. 17:58]

Laumu komma flokkurinn (demókratar) hér í USA verða að fara að sætta sig við Trompið, því ef efnahagslífið heldur áfram á sömu braut, þá verður Trompið í Hvíta Húsinu til 2025.

Það getur enginn sála verið svona bitur og með svona mikið hatur í 8 ár án þess að geðheilsa þess fari norður og niður. Það væri þokkalegt að öll geðveikrahæli væru full af USA Laumu kommum.

Kveðja frá Houston