Til hvers var eytt?

hundruðum milljóna á Miklubraut frá Lönguhlíð að Rauðarárstíg í umdeilda grjótgarða og nýtt malbik án þess að bílaumferðin greiddist neitt sjáanlega? Er ekki gatan bara enn fjórar akreinar eins og var? Og meira að segja á að lækka hámarkshraðann með lagaboði?

Nú boðar sami samgöngustjóri Borgarstjórnarmeirihlutans og hannaði síðustu framkvæmdina og varði öryggi grjótgarðana sem eru taldir jafnvel hættulegir að nú skuli allt grafið upp og niður á 10 metra dýpi þar sem sami fjöldi akreina liggi á botninum með sama umferðarhraða en ofan á verði hjóla- og léttumferð. Tilgangurinn: Þá er hægt að byggja nær akreinunum í anda þéttingu byggðar.

Hvað halda menn að þetta mannvirki kosti með loftræstingum, öryggisútskotum, neyðarbjörgun, árekstarvörnum? 1500 metrar x ca 50 metra meðalbreidd =75.000 m2. Ætli kostnaðurinn verði minni með öllum búnaði en ein til tvær milljónir  króna á m2. Er það ekki svona einn stofnkostnaður Borgarlínu eða Landspítala ? Án þess að bílaumferð hafi annað en tafist meira en orðið er þegar ellt er reiknað. Og svo tafirnar á byggingatímanum? Þótti mönnum ekki nóg um síðast?

Sjá ekki einhverjir að það sem þarf og ódýrast er að gera er að fjölga akreinum á Miklubraut með hærri umferðarhraða, engum gangbrautarljósum og svo mislægum gatnamótum þót Dagur B. segi að þeirra tími sé liðinn í Reykjavík?  Á maður að trúa því að þessi umferðarstefna og byggðaþétting verði endurkosin eftir örfáa mánuði? 

Stendur ekki eftir að samgöngustjórinn útskýri hversvegna þessum gríðarlegu fjárhæðum var eytt á síðasta ári ef þetta var  aðeins til bráðabirgða og án sjáanlegs umferðarárangurs? 

Athugasemdir

[Einar Karl, 11.1.2018 kl. 12:07]

"það sem þarf og ódýrast er að gera er að fjölga akreinum á Miklubraut með hærri umferðarhraða, engum gangbrautarljósum og svo mislægum gatnamótum "

Sem sagt, alvöru HRAÐBRAUT þvert í gegnum Hlíðarnar! Vei, en spennandi ...

[Kolbrún Hilmars, 11.1.2018 kl. 15:06]

Svonefnd hraðbraut er reyndar þjóðvegur, eina tengingin sem eftir er á milli austur- og vesturbæjar. Þarna eru opin svæði á báða bóga nema rétt við flöskuhálsinn þar sem Langahlíð þverar Miklubrautina.  Nær væri að grafa Lönguhlíðina niður og byggja svo YFIR Miklubrautina.  Þannig næðist bæði loftræsting og hljóðmúr. 

[Halldór Jónsson, 11.1.2018 kl. 15:32]

Nákæmlega Einar Karl. Miklubrautin er aðalumferðaræð. Hlíðarnar verður að skerma af frá henni á annan hátt.

Kolbrún þú skilur hvað um er að ræða.Líklega þarf að saga af hornblokkinni einn stgigagang og svo mætti byggja yfir hana og hlífa Einari Karli á þann hátt.

[Þorsteinn Siglaugsson, 12.1.2018 kl. 00:05]

Tilgangurinn með þessum framkvæmdum, opinberlega, var að koma upp sér akrein fyrir strætó held ég. En að bólar ekkert á henni. Raunverulegi tilgangurinn líklega bara að sóa fé, kannski hygla einhverjum verktökum?

[Magnús Helgi Björgvinsson, 12.1.2018 kl. 15:51]

 Er Miklabraut ekki þjóðbraut og því Vegagerðin sem sér sum svona breytingar sbr hér http://www.vegagerdin.is/upplysingar-og-utgafa/frettir/miklabraut-vid-klambratun-abendingar-i-nyrri-umferdaroryggisryni