Afturhald í Borgarmálum

er holdgert í persónu Dags B. Eggertssonar.

Í viðtali er eftirfarandi haft eftir Degi:

"Hvað varðar samgönguverkefni og fjármögnun þeirra sagði borgarstjóri að samningur ríkis og sveitarfélaganna á höfuðborgarsvæðinu væri nú í endurskoðun, sbr ákvæði um slíkt sem miðaðist við 1. apríl næstkomandi. Ýmislegt væri þar í deiglu. Borgarlína væri lykilatriði til að bæta samgöngukerfið og af öðrum framkvæmdum sagðist borgarstjóri vera áhugasamur um að leggja Miklubraut í stokk á 1,5 km löngum kafla milli Snorrabrautar og Kringlumýrarbrautar." Sem er líklega meira stórslys í opinberum framkvæmdum en áður hefur þekkst.

Áður hefur verið haft eftir þessum sama Borgarstjóra "að tími mislægara gatnamóta í Reykjavík sé liðinn".

Að öllu samanlögðu er skilningur Dags B. Eggertssonar á samgöngumálum nútímans ekki af þessari öld. Það er svo langur vegur þar á ,milli að útilokað er að eiga vitræna umræðu við hann þann málaflokk.

96 % fólks hefur valið einkabílinn sem sinn samgöngumáta svo sem er í víðlendum byggðum vestanhafs þar sem aðstæður eru líkastar því sem á Íslandi gerist.Að berja það val til baka með ofbeldi eins og Borgarstjóri hefur valið sér að gera, er að ganga í berhögg við vilja kjósenda.

Dagur vill þvinga byggðaþróun í Reykjavík í samgöngufjandsamlegt evrópskt þröngbýlisform, sem ekkert líkist íslenskum aðstæðum. Íslendingar vilja frelsi til ferða og athafna. Lóðaskortsstefna Dags fer í öfuga átt við það sem fólk vill. Afturhalds-og stórslysastefnu   Dags B. Eggertssonar í Borgarmálum verður að koma frá í kosningunum í vor.

 

Athugasemdir

[Sigurður M Grétarsson, 17.1.2018 kl. 13:59]

Það eru nú reyndar aðeins um 75% ferða sem eru farnar í einkabíl. Hitt er strætó, reiðhjól og tveir jafnfljótir. En það er ekki almenningur sem hefur valið þetta mynstur. Það eru skipulagsyfirvöld sem hafa valði það með því að skipuleggja höfuðborgarsvæðið í kringum einkabílinn með dreifðri byggð með breiðum götum á milli og lélegum almenningssamgöngum og lélegri aðstöðu til hjólreiða. Val almennings er nefnilega oft á tíðum afleiðing af borgarskipulaginu.

Þeir sem tala um fleiri mislæg gatnamót sem lausn í samgöngumálum í borginni eruð að kasta steini úr glerhúsi þegar þið ásakið aðra um að vera með hugmyndir um samgöngumál sem eru ekki á þessari öld. Tími hraðbrauta og mislægra gatnamóta í þéttbýli er lausn 20 aldar og víða er jafnvel verið að rífa mislæg gatnamót nálægt miðborgum vegna þess að menn tíma ekki lengur að leggja til það land sem fer undir þau. Þar telja menn einmitt að tími einkabílsins sem ferðamáta í miðborgum sé lausn gærdagsins og almenningssamgöngur, hjólreiðar og tveir jafnfljótir sé samgöngumáti framíðar á slíkum stöðum.

Hvað varðar stokka þá eru menn einmitt að gera það víða í miðborgum til að losna við umferðahávaðan og mengunina sem af umferð stafar. Bæjarstjórn Garðabæjar vill meðal annars láta skoða þá lausn í stað þeirrar sem vegagerðin hefur lagt til við gatnamót Hafnafjarðarvegar og Vífilstaðavegar. Það eru reyndar mjög kostnaðarsamar lausnir og hefur bæjarstjóri Garðabæjar talað um 4 milljarða í því efni á Hafnafjarðarvginum en kosturinn er bætt lifsgæði íbúa í nágranni veganna sem verða þá fyrir minni umferðahávaða og svifryksmengun. Á móti kostnaðinum losna í mögum tilfellum byggingalóðir sem ekki er hægt að byggja á í dag vegna umferðahávaða og þær lóðir gætu verið þó nokkuð verðmætar segna góðrar staðsetningar.

[Örn Johnson ´43 (IP-tala skráð) 17.1.2018 kl. 14:53]

Dagur B er framsýnn maður. Hann vill að ríkissjóður borgi Borgarlínuna. Ég held að þá verði skattborgarar um land allt ánægðir, t.d. að Akureyringar borgi sinn hluta með ánægju, eða hvað haldið þið? Svo er hann búinn að skipuleggja íbúðabyggð allveg ofaní gatnamót Miklubrautar/Kringlumýrarbrautar til þess að tryggja að ekkert frekar verði gert fyrir bíleigendur þar. Svo vill líka svo vel til að Borgarlínana hans mun þrengja verulega að umferðargötum, oftast að leggja niður amk. eina akrein. Það hægir á umferðinni, stop-start margfaldast og eykur en á mengunina í borginni og flýtir fyrir ótímabærum dauðsföllum eldri borgara sem auðvitað léttir kostnaði af borginni. Stófeldur læknissigur!

[Kolbrún Hilmars, 17.1.2018 kl. 15:33]

Stærstu verslunar- og þjónustumiðstöðvar borgarinnar, Skeifan og Kringlan, verða gerðar að hverfisverslunum samkvæmt nýjustu skipulagningarhugmyndum.  Þá er fátt annað eftir fyrir "bílandi" borgarbúa og utanbæjar en að skipta við Costco og Smáralind.  Þ.e.a.s. í Garðabæ og Kópavogi.  Snjallt.

[Rafn Haraldur Sigurðsson (IP-tala skráð) 17.1.2018 kl. 18:56]

Ég sé fyrir mér að í framtíðinni verði hvorki strætó né einkabíll sem almenningur notar, fólk mun nota reiðhjól til líkamsræktar og skemmtunar.

Aðal samgöngumátinn til að komast á milli staða verður einkadróninn. Þú sest upp í þinn dróna, skráir inn eða segir honum munnlega hvert þú villt fara. Dróninn meðtekur óskina, hefur samband við mjög fullkomið tölvukerfi sem allir drónar verða tengdir, tölvukerfið   velur svo fyrir hann flugleiðina, flughæð til að koma í veg fyrir að aðrir drónar verði á leið hans. Dróninn tekur sig svo á loft og kemur þér á áfangastað fljótt og örugglega.

[Sigurður M Grétarsson, 18.1.2018 kl. 09:11]

Örn. Það eru reyndar öll sveitafélögin á höfuðborgarsvæðinu sem eru að skipuleggja borgarlínuna en ekki Reykjavík. Um það verkefni eru öll sveitafélögin sammála. En það er einmitt vegna heilsu borgarvbúa sem menn vilja minnka hlut einkabíla í umferðinni. Almennt er heilsufar betra í borgum sem eru með þétta byggð og byggja umferðina að miklu leyti á almenningssamgöngum, hjólreiðum og göngu..

Kolbrún. Verslunarmiðstöðvarnar munu gegna áfram sínu hlutverki þó fleiri búi í göngufæri við þær. Og það er ekki bara í Reykjavík sem verið er að þétta byggð og byggja íbúðir við stórar verslunarmiðstöðar því það stendur til dæmis til að byggja um 1.300 íbúðir í göngufæri við Smáralindina og eru framkvæmdir þar þegar hafnar.

Rafn. Vissulega geta drónar hugsanlega orðið algengur ferðamái í framtíðinni en þeir munu varla verða sú leið sem menn nota til þeirra fjóldafólkslfutninga sem þörf er á þegar fólk er á leið í og úr vinnu.

[Kolbrún Hilmars, 18.1.2018 kl. 14:00]

Sigurður, það er ekkert að því að byggja íbúðir í nágrenni verslunarmiðstöðva ef plássið finnst - en hefurðu séð fyrrnefndar skipulagsáætlanir borgarinnar?  Þar verður byggt á kostnað bílastæða.  Það er í góðu lagi að heimsækja verslunarmiðstöðvar ef tilgangurinn er að sýna sig og sjá aðra, og kaupa e.t.v. eitthvað léttmeti í poka.  En innkaup til heimilis (mat- og hreinlætisvörur, heimilistæki ofl) er ekkert grín að ganga með lengri leiðir eða taka með í strætó.