Halldór Jónsson

13.2.2018 | 14:15

Fyrsta ráðuneyti Ólafs Jóhannessonar 14. júlí 1971

stytti vinnuvikuna um tíu prósent og hækkaði allt kaup í landimu um 10 % með pennastriki.

Þjóðin barðist við óðaverðbólgu í áratugi eftir þetta allt til þjóðarsáttar Einars Odds, Ásmundar og Guðmundar Jaka.

Nú koma ný ráð úr smiðju eins helsta stjórnvitrings okkar Dags B.Eggertssonar að þarna sé lausnin á kjaramálum fólksins.Styttum vinnuvikuna og allt gengur hraðar og betur segir hann.

Hver talar upp í annan um ágæti þessa eins og þetta séu hinar nýju Mósestöflur sem eitt geti lýðinn fram til sælunnar.

Það er líka orðið óralangt frá valdatöku fyrsta ráðuneytis Ólafs Jóhannessonar og auðvitað verður allt núna nýtt og betra á morgni nýs Dags.

Flokkur: Stjórnmál og samfélag | Breytt s.d. kl. 14:17 | Facebook

Athugasemdir

Íslendingar hafa hver og einn að meðaltali unnið mun fleiri stundir en aðrir á Vesturlöndum en jafnframt afkastað mun minna á hverri stund sem þeir eru "í vinnunni".

Þorsteinn Briem, 13.2.2018 kl. 15:24

"Í skýrslu forsætisráðherra frá síðastliðnu vori kom skýrt fram að ástæða launamunar milli Danmerkur og Íslands er að framleiðni er mun meiri í Danmörku.

Þetta kom meðal annars fram í áætlunum um landsframleiðslu á vinnustund.

Í ljós kom að Ísland var í svipuðu sæti meðal OECD-ríkja bæði þegar tímakaup var skoðað og áætluð landsframleiðsla á unna klukkustund."

(Á Alþingi 1996-1997.)

Þorsteinn Briem, 13.2.2018 kl. 15:27

Margir Íslendingar kunna ekki að vinna.

Þeir byrja sinn "vinnudag" á því að fara í kaffi.

Skömmu síðar fara þeir svo í hádegismat.

Svo fara þeir í síðdegiskaffi.

Síðan kvöldmat.

Koma svo heim "úr vinnunni" síðla kvölds, dauðuppgefnir "eftir alla vinnuna" búnir að graðga í sig kaffi og kleinur allan daginn.

Eitt sinn fór Íslendingur að vinna i byggingavinnu í Ósló og klukkan fjögur síðdegis hættu Norðmennirnir að vinna.

"Er komið kaffi?" spyr Íslendingurinn þá.

"Nei, vinnudeginum er lokið," var svarið.

Og frá klukkan átta að morgni alla vinnudaga varð Íslendingurinn að vinna.

Þorsteinn Briem, 13.2.2018 kl. 15:28

Var að hugsa um að bjóða starfsfólkinu upp á vinnu frá 11-2 á hverjum degi og síðan myndum við passa krakkana þeirra til 6 og svo koma einu sinni í viku á sumrin til þeirr og slá blettin fyrir það ! ! !

Kristmann Magnússon, 13.2.2018 kl. 17:13