Lífeyrissjóðaspillingin

er orðin að  krabbameini í þjóðfélaginu.

Sjóðirnir sem ókjörnir bubbar stjórna fyrir furstaleg laun ráða flestum stærstu fyrirtækjum landsins. þar sitja bubbarnir í stjórnum og þiggja laun fyrir líkt og aðrir stjórnarmenn.

Þessir kallar sem eru flestir almenningi ókunnir, og enginn veit hvort eða hvaða hæfileika hafa til að stýra peningum launþega, valta þarna með eiginlega allt laust fé landsins. Undir þeirra hugdettum tekur efnahagslíf landsins þær stefnur sem þeim þóknast. Þeir ráða eiginlega meira um hagvöxtinn en Alþingismenn gera, að minnsta kosti Björn Leví sem getur ekki sinnt öðru en fyrirspurnum til ráðherra sem geta þá ekki ráðið meðan þeir eru að svara Birni.

Það er gleðilegt að nýr formaður VR geri þessa tillögu á aðalfundi N1:

 

„Aðal­fund­ur N1, hald­inn mánu­dag­inn 19. mars að Dal­vegi 10-14 Kópa­vogi, álykt­ar að öll­um starfs­mönn­um N1 skuli tryggð sama kjara­hækk­un og for­stjóri fé­lags­ins fékk á ár­inu 2017. Laun for­stjóra voru á ár­inu 2017 70,4 m.kr., eða 5,8 m.kr. á mánuði, og hækkuðu þau um 20,6% milli ár­anna 2016 og 2017.“

Bent er á að stærstu eig­end­ur N1 séu líf­eyr­is­sjóðir launa­fólks og fyr­ir vikið hljóti að vera eðli­lega krafa „að hið dug­lega launa­fólk sem starfar hjá N1 skuli einnig njóta ávaxt­anna, sér­stak­lega þegar svo vel geng­ur í starf­semi fyr­ir­tæk­is­ins að það tel­ur sæm­andi að greiða for­stjór­an­um sam­bæri­leg laun og launa­hæsta banka­stjóra lands­ins.“

Er virkilega enginn sem sér neitt athugavert við það að einhverjir bréfaguttar sem hafa verið ráðnir til lífeyrissjóðanna án hæfileikamats frá Háskólanum eða Hæstarétti eins og Sigríður Andersen þurfti að undirgangast  frá hagsmunaklíkunum , skuli hafa þessu miklu völd að geta ráðið öllu þessu fé án hirðis?

Er þetta ekki Lífeyrissjóðaspilling?

i

Athugasemdir

[Gústi (IP-tala skráð) 16.3.2018 kl. 14:35]

"Sjóðirnir sem ókjörnir bubbar stjórna fyrir furstaleg laun ráða flestum stærstu fyrirtækjum landsins. þar sitja bubbarnir í stjórnum og þiggja laun fyrir líkt og aðrir stjórnarmenn." Það er ekki eitt orð satt í þessu. Lífeyrissjóðirnir stjórna ekki fyrirtækjunum og þeir sem stjórna lífeyrissjóðunum sitja ekki í stjórnum þessara fyrirtækja.

Framhald pistilsins er því marki brenndur að útfrá röngum fullyrðingum í upphafi eru dregnar ályktanir sem ættu helst heima í skáldsögu um hvað höfund dreymdi í nótt. Snerting við raunveruleikann er engin.

Megn fáfræði og algert þekkingarleysi virðist oftast stjórna umræðunni um lífeyrissjóðina. Og þeir sem hæst hafa og kvarta mest vita venjulega minnst og hafa mestu ranghugmyndirnar. Það er greinilega enginn skortur á hálfvitum sem tjá sig í bloggheimum án þess að kynna sér málin og afla sér upplýsinga.

[Jóhannes Laxdal Baldvinsson, 16.3.2018 kl. 14:42]

Ertu ekki örugglega á landsfundi sjallamafíunnar Halldór?  Þar er rétti staðurinn til að taka upp þessa umræðu, sem er svo sannarlega löngu tímabær!  Þú getur svo í leiðinni spurt þingmenn flokksins hvort þeir hafi virkilega ekkert erindi á Alþingi nema skrifa út reikninga. Dæmi: Ásmundur og Páll Magnússon.

Fyrirspurnir Björns Leví eru fyllilega réttmætar og varða þjóðarhag og almannahagsmuni.  Að þær þurfi að ítreka svona oft sýnir bara tregðu kerfisins til að veita upplýsingar sem Alþingismenn eiga rétt á að fá.

[Kolbrún Hilmars, 16.3.2018 kl. 15:00]

Það þýðir ekkert að sletta í neinn sérstakan í kerfinu vegna klúðursins sem lífeyrissjóðirnir okkar eru lentir í.  Upphaflega átti að móta stefnu um vörslu þeirra allra - á einum stað, með eina yfirstjórn en ekki á annað hundraðið eins og lengi tíðkaðist. Þar bera stéttarfélögin ábyrgð, og að auki þeim þóknanlegir stjórnmálamenn (allra flokka) með lagasetningum á þingi frá upphafi.
Það eru svo sannarlega engar ranghugmyndir að gagnrýna nú, þótt seint sé, það sem átti að móta samræmda fjárfestingarstefnu um í upphafi.

[Halldór Jónsson, 17.3.2018 kl. 20:49]

Nei ég er í Florida