Tími til að breyta

segir Eyþór Laxdal Arnalds.

Hann setur fram ákveðin skilaboð á bloggi sínu sem ég vil henda  á lofti:

 

"Um næstu helgi er tækifæri til breytinga.

Valið er skýrt: Óbreytt ástand húsnæðiskreppu og samgönguvanda eða aukið framboð á hagstæðum byggingarsvæðum og stórátak í samgöngumálum. Höfuðborgin hefur sofið á verðinum og verið aðal gerandi í húsnæðisskorti með því að útvega ekki lóðir. Það litla sem hefur verið byggt hefur fyrst og fremst verið á lóðum bankanna.

Borgin hefur verið með fyrirætlanir sem hafa ekki gengið eftir. Þessu viljum við breyta strax að loknum kosningum.

Einfalda stjórnkerfið og spara þar fjármuni sem nýtast í þjónustu við íbúana. 

Húsnæðisverð hefur hækkað um 50%. Það er mikil kjaraskerðing fyrir þá sem kaupa eða þurfa að leigja íbúð. Leggst þyngst á láglaunafólk. 

Útsvarið er hæst í Reykjavík af sveitarfélögunum á höfuðborgarsvæðinu. Það leggst á laun fólks. - Fasteignaskattar hafa hækkað um 50%. Það vegur þungt. 

Þessu ætlum við að breyta á fyrstu 100 dögum eftir kosningar. 

Það er mikilvægt að nýta kosningaréttinn.

X við D er öruggasta leiðin til að breytt verði um kúrs. 

Það er kominn tími til að breyta í borginni. "

Ég tek undir þetta með Eyþóri. Það væri skelfilegt fyrir kjósendur í Reykjavík að sitja uppi með sinn Madúró eins og þeir í Venesúela þrátt fyrir það sem við blasir að aflaga hefur farið.

Er ekki annars kominn  tími til að breyta?

Athugasemdir

[Óskar Helgi Helgason (IP-tala skráð) 21.5.2018 kl. 22:20]

Sæll Halldór - sem og aðrir gestir, þínir !

Halldór !

Hví: ætti nokkur maður, að taka frekara mark á loforða- og lygaraupi Eyþórs Laxdal Arnalds Jónssonar, fremur en Dags B. Eggertssonar og annarra áþekkra, úr röðum nýjustu vina Sjálfstæðisflokksins:: eins og Vinstri grænna / Miðflokks liðsins, og ámóta liðs, Verkfræðingur góður ?

Allt saman - sömu hengilmænurnar, nema,, í að moka undir sig og sína, sbr. einn helzta mæniás ykkar í Kópavoginum, Ármann nokkurn Kr. Ólafsson, sem er einna gleggsta dæmið, um sjálfsupphafningu og ALGJÖRT SIÐFERÐISLEYSI ykkar flokksmanna t.d., Halldór minn.

Er ekki orðið ráðlegast: að leita erlendrar aðstoðar, eins og frá Færeyjum:: já, og Austur- Asíulöndum, eins og Taíwan, (Lýðveldisinu Kína) en það eyríki, undir frækinni forystu Kúómingtang hreyfingar Chiang´s heitins Kai- shek, er einhver myndarlegasta sönnun, um hvernig vel hefur tekist til, þar sem hagsmunir heildarinnar eru látnir ganga fyrir, en ekki einhverra labbakúta, í stíl Engeyjar Mafíunnar, eins og við erum að verða æ meir áskynja, með hverjum deginum, sem líður:: hérlendis ?

Fleirri fyrirmyndarríki mætti nefna - eins og Suður- Kóreu / Japan o.fl., Verkfræðingur knái.

Fíflin: sem með alla hluti ráðskazt hér á landi / jafnt: hvað landsstjórn varðar, sem og sveitarstjórnir, ráða einfaldlega ekki við, að stýra hagsmunum innan við 300 Þúsunda manna þjóðarbrots Halldór, svo vel fari, en eru einkar liðleg við að hrifsa til sín almannafé prívat, eins og Ásmundur ökumaður Friðriksson Benzín þjófur / svo og Þistilfirzka illfyglið:: Steingrímur J. Sigfússon húsnæðis kostnaðr þjófur (allt: frá árinu 1983) sýna okkur, t.d.

Hvað þá - margs konar afætur aðrar, Halldór Verkfræðingur !

Veltum svo fyrir okkur: að endingu Halldór.

Hann er nánast enginn - munurinn á Venezúelzka gerpinu Nikulási Madúró / og Bjarna þínum Benediktssyni, þegar nánar er að gáð. Báðir sólgnir í: að koma fallvöltum Borgara stéttum sitt hvors lands, í ræsi rennusteinsins !!! 

Með sæmilegum kveðjum: engu að síður, af Suðurlandi /