Adolf Hitler

er mörgum manni ráðgáta.Hann flaug hátt á hátindi stjórnmálaferils síns. En fallið varð mikið og skelfilegar afleiðingar. Milljónir týndu lífi.

EN mega menn gleyma því að það er búið að drepa milljónir síðan á dögum Hitlers og geta menn leyft sér að afgreiða hann sem bara sérstakt illþýði sem hann auðvitað var í hópi jafningja eða jafnvel ofjarla? 

Hitler átti sér sína sögu og stjórnmálastarf að baki. Hann var yfirvegaður fjölmiðlungur, skipulagður áróðursmaður.Hann var líka margt annað, listmálari eins og Churchill en ekki vín-eða tóbaksmaður eins og hann. Barngott illmenni og Vegan.

Af hverju skyldu menn keppast um að halda því fram  að Hitler hafi verið einhver aukvisi og gegnumfúlt illmenni frá fæðingu? Til að mynda lagði hann sér ekki til Gyðingahatrið fyrr en sem sem fullorðinn maður þegar hann kom heim gasblindur eftir 4 í forinni í Flanders og sá að allir jafnaldrarnir hans höfðu verið drepnir í stríðinu nema Gyðingastrákarnir sem höfðu verið keyptir frá herþjónustu. Hann varð víst megafúll við þetta.

Sjálfur var Hitler austurrískur sjálfboðaliði í þýska hernum  og heyrði ekki kvenrödd allt stríðið á enda.Hann stytti mönnum stundir í skorgröfunum með því að halda ræður um þjóðernismál.Hann fékk járnkrossinn fyrir hugprýði.

Hann fór í pólitík eftir stríðið til að breyta og endurreisa þýsku þjóðirnar og berjast gegn svívirðu Versalasamninganna. Hitler fékk flokksskírteini nr. 8 í National-Sozialistische Arbeiterpartei Deutschland. Hann kom flokknum í þriðjungsfylgi á landsvísu.

Vegna Versalasamninganna ríkti í Þýskalandi upplausn og borgarastyrjöld var háð á köflum.  Gömlu hermennirnir gerðust sjálfboðaliðar, Freikorps, við að stilla til friðar á götunum þegar lögreglan var yfirbugðuð af rauðliðum sem vildu byltingu eins og í Rússlandi. Þetta voru skelfilegir tímar og þjóðin svalt. Frakkar ráku nær hálfa milljón mjólkurkúa yfir landamærin frá sveltandi fólkinu. Slík var vitleysan í Versalasamningunum.

Marshall var minnugur þessa þegar hann stóð frammi fyrir eftirstríðárunum í Evrópu.

Hitler ferðaðist bæ úr bæ og hélt ræður. Tendraði fólk en var líka oft  grýttur og hrakinn. En hann gafst ekki upp enda harður hermaður sem var reiðubúinn að fórna lífinu fyrir málstaðinn sem hann trúði á.Sem var endurreisn þýsku þjóðanna.

Smátt og smátt varð flokkurinn hans svo öflugur af hann náði völdunum 1933 og var skipaður kanslari af Hindenburg forseta.

En þá var hann ekkert að hika við að deila þeim ekki með einhverjum aumingjum sem hann fyrirleit. Kveikti í þinghúsinu og beitti undaþáguákvæði í stjórnarskránni til að taka öll völd. Löglega. Eftir það varð ekki aftur snúið.

Andstaðan voru líka mikil frá kommúnistunum sem voru mjög sterkir og stefndu opinskátt að byltingu, og svo frá sósíaldemókrötum  alveg eins og Tryggvi Ófeigsson fékkst við í Hafnarfirði og víðar.

Eitt leiddi af öðru. Þegar hann hóf stríðið í Póllandi, með aðstoð bandamannsins Jósefs Stalíns, sem réðist á Pólverja að austan. En hann rak sig nú á horn vegna líklega skorts  sins á menntun og mannasiðum og auk þess vanmats á hinni hálfamerísku fyllibyttu eins og hann kallaði Churchill. Hann hélt að hann gæti stoppað stríðið eftir Pólland en  það gekk ekki í gegn hjá Churchill.

Lærdómsárin hans höfðu líka orðið eftir í forinni í Flanders frá 1914. Hann reyndi eftir föngum að læra allskyns tölur um heiminn sem stjórnmálamenn þurfa að þylja en honum tókst það oft ekki og treysti á aðstoðarmenn sína sem voru misjafnir að viti allt frá séníinu Albert Speer niður í vitleysingana Bormann og Himmler.Hann varð aldrei nema óbreyttur hermaður með járnkross fyrir hugrekki.Það gekk ekki vel í þýsku atvinnuhershöfðingjana sem hann þurfti að fást við í stríðinu. Þeir litu skiljanlega niður á hann ómenntaðan dónann.

En allir vita hvernig þetta fór. Hann hafði aldrei séð Bandaríkin og gerði sér enga grein fyrir iðnaðarmætti  þeirra. Fyrir bragðið fær hann falleinkunn sem raunhæfur pólitíkus. 

En hann vissi fullvel sjálfur hvað hatursdóm sagan myndi útdeila honum vegna ábyrgðarinnar á helför Gyðinga sem hann tók fram að væri hans og hans eins. 

Lærdómurinn er að allt vald spillir og algjört vald gjörspillir.Það hefur sagan sannað allt frá Alexander mikla til þessa dags. Frægðarmenn koma og fara og hverfa úr augsýn.En maðurinn hennar Jónínu hans Jóns verður eftir og skrifar söguna.

Oftast gjalda menn fyrir of mikil völd með lífi sínu. Adolf Hitler vissi þetta vel og heyrðist tauta eitt sinn þegar hann hélt á Walternum sínum sem hann skildi aldrei við sig. "Eitt augnablik og maður er frelsaður frá öllu" Það er líklega haldbesta lýsingin á trúarsannfæringu Foringjans.

Sagan af Adolf Hitler er líka það eina sem eftir er af honum og líklega verða seint reistar af honum styttur eins og ýmsum öðrum illmennum sögunnar.

Athugasemdir

[Jón Valur Jensson, 28.5.2018 kl. 20:22]

Aðeins um eitt (enda ólesið hér að mestu): "Barngott illmenni" --- jæja, þá líkur Stalín, sem lét í þetta skína á áróðursmynd og var lofaður fyrir það af íslenzkum ævisöguritara hans, kommúnistanum séra Gunnari Benediktssyni! (Bóndinn í Kreml er vinalega nafnið á bókinni hans um þjóðarmorðingjann! útg. í Rvík 1945). En ekki var þó Svetlana sæl af föður sínum, og elzti sonur Stalíns var skammarlega vanræktur af föður sínum (sjá Simon Sebag Montefiore: Stalín ungi, Rvík: Skrudda 2009, afar góð bók sagnfræðings). Hitler lét svo eitra fyrir börnum  sínum með Evu Braun, félegur faðir þar og "barngóður"!

[Ómar Ragnarsson, 28.5.2018 kl. 20:50]

Stærstu mistök Hitlers snertu Rússana.  Tvennt hefur komið í leitirnar á síðari árum, - - ræða, sem Hitler hélt til þjóðar sinnar þegar ljóst var að við ofurefli var að etja í Rússlandsstríðinu, og sams konar ummæli í samtali við Mannerheim leiðtoga Finna, - sem upplýsir að hann hafði algerlega vanmetið Rússneska framleiðslumáttinn. 

Hann segir í bæði þessi skipti að hann hefði aldrei órað fyrir því að Rússar gætu framleitt 30 þúsund flugvélar á ári og líka tugi þúsunda af T-34 skriðdrekum. 

Þeir urðu alls 84 þúsund þegar upp var staðið og voru meðal vopnanna fjögurra, sem Eisenhower sagði að hefðu unnið stríðið.

[Halldór Jónsson, 28.5.2018 kl. 22:43]

Jón minn Valur,

ekki rugla saman Josef Göbbels og konu hans Mögðdu sem framkvæmdu þetta illvirki með börnin sín. Adolf átti ekki börn.  Hitler drap bara sjálfan sig. Eva fylgdi honum sjálfviljug í dauðann nýgift honum.

Albert Speer hitti hann síðasta daginn og sagði"Foringi minn ég óhlýðnast skipun þinni um sviðið Þýskaland" . Hann bjóst við að vera tekinn af lífi tafarlaust. Hitler bara deplaði auga og fór svo inn til sín og skaut sig þar sem öllu var lokið.

Þetta var ljótt með Göbbles fólkið.

Hitler vanmat iðnað bæði Bandaríkjanna og Rússa og hann varð of seinn fyrir veturinn eins og Napóleon 1812. Rússland er mikið og stórt og með aðstoð skipalestanna frá Hvalfirði til Múrmansk varð háð það harðasta stríð sem ég hef heyrt um þarna norður í höfum.Skelfilegt að hörku og magni eins og lesa má í bókum Magnúsar.

Iðnaðarmáttur Bandaríkjanna vann stríðið fyrir Rússa, Breta og vestrið gegn þessi smáríki Þýskalandi sem nú er ESB og er nú búið að sigra það með viðskiptum  sem Adolfi mistókst með vopnum.

Trump fer með þennan risaeðlukraft núna. Bandaríki hans eru máttugasta afl veraldar. Við vonum að Andinn gefi honum vísdóm til að fara með. 

[Hörður Þormar (IP-tala skráð) 28.5.2018 kl. 23:04]

Það eru nú alveg nýjar fréttir að Hitler hafi eignast börn með Evu Braun!

Hins vegar gaf Magda Göbbels öllum börnum sínum og Jósefs Göbbels eitur áður en þau sjálf fyrirfóru sér, ég held að þau hafi verið sex.

Hér er örstutt brot af viðtali við alsystur Adolfs Hitlers.

Paula Hitler: https://www.youtube.com/watch?v=_1n9tQxNSZA

[Þorkell Guðnason, 28.5.2018 kl. 23:54]

Lét mig hafa það að lesa til enda - 
Finnst þú lýsa skepnunni, tilurð hennar og uppgangi með óvenju málefnalegum hætti.  Undrast að ekki skuli fleiri handhafar sannleikans hafa hrokkið upp á nef sér og hjólað í þig - ennþá.

Þar sem ég deili EKKI fölskvlausri aðdáun með þér, á núverandi alheimsforseta guðseiginlandsins, leyfði ég mér að máta hann við lýsingu þína á þriðjaríkisforingjanum.
Mér hugnast ekki á útkoman.
Verð þó að viðurkenna að - ef Parísarsáttmáli um loftslagsmál - gaf Kína og Indlandi frítt spil til að spúa eitri nánast að vild um langt árabil, var það mér ekki ásættanlegt.
   Mér hugnast engan veginn vopnaskakið hans gegn N-Koreu - en takist honum að koma einhverju viti fyrir Kim með þessari fífldirfsku, þá ættu menn að sem þurfa að éta hatta sína, að hafa tiltækt viðbit.  Vænta má andnauðar þegar textíllinn og filtið lenda hálftuggið í koki þeirra.

[Hörður Þormar (IP-tala skráð) 29.5.2018 kl. 01:48]

Ekki ætla ég að líkja Donald Trump við Adolf Hitler, held að þeir séu talsvert ólíkir karakterar. Auk þess er ástandið í Bandaríkjunum gjörólíkt því sem það var í Weimar lýðveldinu um 1930.

Þó vilja sumir líkja þeim saman og halda því m.a. fram að Trump sé óútreiknanlegur eins og Hitler.

En er það rétt að Hitler hafi verið svo óútreiknanlegur?

Árið 1943 gerðu bandarískir sálfræðingar tilraun til þess að kanna hugarheim Hitlers. Í framhaldi af því reyndu þeir að spá fyrir um örlög hans. Spá þeirra reyndist furðu nærri lagi.

 Inside the Mind of Adolf Hitler               

[Helga Kristjánsdóttir, 29.5.2018 kl. 02:06]

 Hverjum er ekki sama Halldór minn þótt einhverjir sjái ekki ljós alheimsins í vestri? 

[Jón Valur Jensson, 29.5.2018 kl. 02:23]

Þakka þér, Halldór, fyrir að leiðrétta mig!

Fróðleg umræða hér, en nú fer ég að skoða myndbandið með systur Hitlers. Minningar Paulu um bróður sinn etc. eru reyndar til á Lesbók Mbl., og hef ég áður vitnað til þeirra, en þar ber hún m.a. andkaþólsku hans vitni.

[Wilhelm Emilsson, 29.5.2018 kl. 08:49]

Ég mæli með þessari umfjöllun:

https://youtu.be/kpcxfsjIIbM

[Guðmundur Jónsson, 29.5.2018 kl. 10:45]

Lærdómurinn um að vald spilli á kanski við hér Halldór.  Mér finnst samt  meira viðeigandi hér, lærdómur um að réttindi eða ekki réttindi fyrir skilgreinda hópa fólks er stórhættuleg pólitík. 

Nasistar skilgreindu Aría sem æðri menn. Kommar skilgreina sjálfa sig sem eina rétta stjórnmálaaflið og eftir byltinguna eiga allir að vera kommar og hinir eru réttindalausir í kommunistaríkinu. Femínistar dagsins í dag líta sumir svo á að réttlætanlegt sé að skerða réttindi karla til að konur geti fengið störfin þeirra. Stjórnmálamenn á íslandi líta margir svo á að flóttamenn frá völdum löndum og jafnvel með sérstaka kynhneigð eigi að fá aukin réttindi við komu til íslands. Gyðingar líta á sjálfa sig sem hina útvöldu af guði og þeir er alltaf í stríði. 

[Jónatan Karlsson, 30.5.2018 kl. 09:18]

Góður pistill og minningarorð um leiðtogann sem réttilega var kosinn maður ársins 1938 af Time Magasin.

Þjóðverjar, Austurríkismenn, auk milljóna annara dáðu Hitler og voru reiðubúin að fórna lífinu fyrir hann, eins og berlega kom í ljós.

Eins og ætíð tíðkast, þá eru það sigurvegararnir sem skrifa söguna, þó sjaldnast hafi verið hamrað eins lengi á nokkrum öðrum stríðsátökum og þessum, til dæmis stríðsglæpum Japana, sem lítið eða ekkert er, eða hefur verið fjallað um.

Það grátbroslega við fyrirlitningu og fordæmingu margra þeirra sem finna Nazistum allt til foráttu, er að þeir dá og elska Bandaríkinn og allar þeirra gjörðir skilyrðislaust líkt og segja má reyndar um síðuhafa og nokkra af kórfélögum hans, nákvæmlega á sama hátt og þeir áfellast aðra fyrir að gera.

Röng fullyrðing Jóns Vals um morð illmennisins Hitlers á eigin börnum, er sláandi dæmi um hvernig hryllingssögur styrjalda verða til, þó tilurðin hafi í þessu tilviki verið vegna fljótfærni eða vanþekkingar.

[Sigþór Hrafnsson (IP-tala skráð) 30.5.2018 kl. 15:20]

Listamenn eru afleitir pólitíkusar, þeir eru of uppteknir við að viðhalda viðhorfum frekar en raunveruleika. Kannski sem betur fer með Hitler.

[Wilhelm Emilsson, 30.5.2018 kl. 23:21]

Jónatan, ertu að gefa í skyn að Nasisminn hafi átt sér sínar "góðu hliðar"?

[Jónatan Karlsson, 31.5.2018 kl. 02:10]

Wilhelm.

Lestu nú vandlega þessa ágætu umfjöllun Halldórs aftur og spyrðu sjálfan þig þessarar spurningar.

[Wilhelm Emilsson, 31.5.2018 kl. 09:18]

Ég er að spyrja þig :)

[Jónatan Karlsson, 31.5.2018 kl. 13:05]

Auðvitað átti nazisminn sínar góðu hliðar, líkt og segja má um flestar eða jafnvel allar stjórnmála stefnur. Ég gæti best trúað að framtíðarhorfur mannskepnunar á jörðinni væru töluvert bjartari, ef Bandaríkjamenn hefðu viðhaldið hlutleysi sínu, eða öllu heldur stutt Öxulveldin, eins og ég álít reyndar að Hitler hafi reiknað með.

Ég þarf varla að taka það fram við þig Wilhelm, að þá liti sagan all öðruvísi út, svona hvað alla vondu og góðu kallana snertir ;o)

[Sverrir Stormsker, 31.5.2018 kl. 14:51]

Sem þú segir þá verða líklega ekki margar styttur reistar af honum Adolfi okkar en ég stakk nú reyndar uppá því á 120 ára afmæli kallsins að styttan af Jóni Sigurðssyni yrði tekin niður og stytta  af Foringjanum sett á stallinn í staðinn.

Ég færi rök fyrir máli mínu í þessari grein hér:

https://stormsker.blog.is/blog/stormsker/entry/858041/

[Wilhelm Emilsson, 31.5.2018 kl. 19:14]

Takk fyrir skýr svör, Jónatan. Ég þarf varla að taka það fram að ég er ósammála þér, en ég kann að meta hreinskilnina.