Er ekki umskurnin fyrir bí hérlendis?

Ég rakst á þessar setningar hjá Valdimari Jóhannessyni:

"Umskurn drengja byggist á gamalli bábilju, - er eins konar blóðfórn sem jafnt gyðingar sem múslímar eiga að taka til endurskoðunar svo ekki sé talað um hina hryllilegu umskurn á múslímskum stúlkum.

Það væri ekki merkilegur guð sem klúðraði svo sköpunarverkinu að byrja þarf á að leiðrétta það um leið og það birtist mönnunum. Þeir, sem styðja áframhaldandi umskurn, hafa ekki eins háar hugmyndir um guðdóminn og ég hef, nánast trúlaus maðurinn. - Vinur er sá er til vamms segir."

Mér finnst ástæða til að minna á þessi fyrirhuguðu fáránlegu inngrip í sköpunarverkið á varnarlausum börnum. 

Vonandi verður algert umskurnarbann látið ríkja á Íslandi um alla framtíð.