Fiska formenn?

stjórnmálaflokkanna eru spurningar sem upp koma þegar nýjustu skoðanakannanir dynja yfir.

Jón Baldvin velti þessu talsvert fyrir sér á sínum tíma. Ekki verður séð að kratisminn hafi mikið eflst á landinu síðan þetta var.En hinsvegar hefur hann klofnað og vaxið sem hvert annað illgresi smáflokkagersins síðan þetta var.

Eini flokkurinn sem er með nokkuð stöðugt fylgi er Sjálfstæðisflokkurinn sem er all-öruggur með sitt rúmlega fimmtungs fylgi.

Formaðurinn er líklega ekki að tapa miklu af traustu fiskunum sínum í þessu ríkisstjórnarsamstarfi.

 

Athugasemdir

[Tómas Ibsen Halldórsson, 26.6.2018 kl. 13:21]

Flokkur sem hafði plús mínus fjörutíu prósent en er nú kominn í rétt rúm tuttugu prósent og hefur því misst helming fylgis síns, er ekki í góðum málum Halldór.

Í tíð Bjarna Benediktssonar núverandi formanns Sjálfstæðisflokksins hefur fylgið verið að týnast af flokknum, annað en þegar frændi hans og alnafni stóð í brúnni. Núverandi BB er ekki að fiska það held ég að sé nokkuð ljóst. Það má líkja veiði hans við það að þegar netabátar komust ekki á sjó í nokkra daga vegna brælu, en loks þegar veður leyfði komu upp fiskar sem voru farnir að úldna í netunum og voru til lítils gagns.

Ef Sjálfstæðisflokkurinn fer ekki að girða sig í brók og snúa sér að þeim gildum sem hann stóð fyrir hér áður fyrr eru dagar hans taldir.

[Símon Pétur frá Hákoti (IP-tala skráð) 26.6.2018 kl. 13:39]

Kæri Halldór

nú hlýturðu að vera að grínast, því fylgi

Sjálfstæðisflokksins er sem ég hef margoft bent þér á í frjálsu falli.  Það telst seint stöðugt fylgi að það hverfi ... obbobobb ... 21 komma eitthvað.  Þessu spáði ég hér þegar það hafði fallið úr 45% í 40% í 35% í 30% í 25%, að svo héldi áfram fram meðan ekki yrði skipt um formann og flokkurinn væri ESB flokkur.

Nenni ekki að eyða fleiri orðum í þetta, en tek undir orð Tómasar hér að ofan

[Símon Pétur frá Hákoti (IP-tala skráð) 26.6.2018 kl. 14:12]

Og bara að benda á að samanlagt fylgi Sjálfstæðisflokksins og Viðreisnar (viðhengisflokkur Sjálfstæðisflokksins sem átti að ná ESB liðunum frá Samfylkingunni, meðan Sjálfstæðisflokkurinn þættist spila sig sem andvígan ESB) er einungis um 27% og fer lækkandi.

Skiljanlega.  Það sjá allir í gegnum þetta sjónarspil Halldór minn.  Menn eiga bara að segja satt og rétt og vera heiðarlegir og byggja á grunngildum flokksins.  Það gerir Engeyjar vafningurinn ekki.  Hann er fiskifæla.