Alger séní

voru á fundi í VR undir forystu hins mikla Ragnars Þórs Ingólfssonar. Þeir ætla að stytta vinnuvikuna um ein 10 % eins og Óli Jóh á sínum tíma, hækka launin skattfrjálst um 40 %. 425.000 krónur eftir 3 ár.

Og þessu á að ná í samningum. Samningum við hverja?

Af hverju tilkynna þeir þetta bara ekki einhliða og svona bara verður þetta.

Allt gengur þetta ljúft upp. Flott.

Eina sem er ekki skilgreint er hvað krónan verður mikils virði eftir 3 ár. Varla búast þeir við því að gengið þá verði á pari við daginn í dag? Sem sagt þetta séu verðtryggðar krónur sem þeir hatast við sem mest alla aðra daga.

Eigum við virkilega ekki að fá að skemmta okkur í löngu verkfalli áður en skrifað er undir þetta? Verður ekki að færa fórnir? Þetta verður að kosta blóð svita og tár eða er það ekki? Verður ekki Halldór Benjamíns að skrifa grátandi undir eins og Árni Oddsson á Kópavogsfundinum? Ragnar Þór að berja sér á brjóst eins og Tarzan þegar hann var búinn að berja apann?

Eru þetta ekki alger séní? 

Athugasemdir

[Einar S. Hálfdánarson (IP-tala skráð) 15.10.2018 kl. 23:03]

Þessar samlíkingar eiga skilin verðlaun fyrir húmorinn. Þýðir nokkuð annað en brandara sem svar við þessum hugmyndum? - Af hverju er viskan ekki flutt út? Hækka bara kaupið og lækka skattana! Að því ógleymdu að enginn skuli hafa lægstu launin, afnema þau bara. Og svo koll af kolli. Og sjá; allir komnir með hæstu launin!