Rétt verð á bragganum

og Félagsbústöðunum. Svo segir í Mogga:

"Sam­kvæmt könn­un­inni myndu um þrír af hverj­um tíu, sem tóku af­stöðu, greiða Sjálf­stæðis­flokkn­um at­kvæði sitt en það er svipað og kjör­fylgi flokks­ins í vor. Sam­fylk­ing­in mæl­ist með 21 pró­sent en hlaut tæp 26 pró­sent í kosn­ing­un­um. Pírat­ar bæta nokkru við sig og fengju 12,7 pró­sent at­kvæða sam­an­borið við tæp 8 í vor. Viðreisn mæl­ist með rúm 9 pró­sent nú sam­an­borið við rúm 8 í vor. Vinstri græn mæl­ast með ríf­lega 8 pró­sent og bæt­ir nokkru við sig. Flokk­ur­inn fékk 4,6 pró­sent at­kvæða í borg­ar­stjórn­ar­kosn­ing­un­um.

Séu niður­stöður könn­un­ar­inn­ar mátaðar við stóla borg­ar­full­trúa myndi meiri­hlut­inn halda velli með þrett­án full­trúa en vera öðru­vísi sam­an­sett­ur. Sam­fylk­ing­in myndi tapa tveim­ur mönn­um en Pírat­ar og Vinstri græn bæta við sig ein­um manni hvor flokk­ur. Borg­ar­stjórn­ar­flokk­ur Viðreisn­ar myndi áfram telja tvo menn. Sam­setn­ing borg­ar­full­trúa minni­hlut­ans væri óbreytt."

Það voru bara áætlanirnar sem hljóta hafa verið vitlausar.

Að menn skuli ekki hafa áttað sig á þessu grundvallaratriði. Kjósendur í Reykjavík láta hinsvegar ekki blöffa sig. 

Meirihlutinn stendur traustum fótum. Ekki dettur nokkrum manni í hug að Sjálfatæðisflokkurinn geti eitthvað bætt við þetta.

Er ekki krafa dagsins að Eyþór Arnalds segi af sér fyrir að vera að setja út á hinn mikla Dag B.?

Það er greinilega rétt verð á bragganum og í Félagsbústöðunum að dómi kjósenda.

 

Athugasemdir

[Eðvarð L. Árnason (IP-tala skráð) 16.10.2018 kl. 13:22]

Lánleysi Reykvíkinga

   Reykvíkingar heyra og horfa á fjármálasukk fyrrverandi og núverandi borgarfulltrúa í meirihluta Reykjavíkur, en geta lítið aðhafst. 

  Tækifæri gafst Reykvíkingum í síðustu borgarstjórnarakosningum, en lánið var ekki með Reykvíkingum að þessu sinni, frekar en í fyrri kosningum.

  Vonir voru bundnar við Eyþór Arnalds en þær vonir virðist ætla að bresta.  Upplýst af borgarfulltrúum að lögbrot hafi verið framin, en þeir upplýsa einnig að  lögbrot þessi verða ekki kærð til lögreglu.

  Er það ekki skylda kjörinna borgarfulltrúa að kæra til lögreglu ef lögbrot eiga sér stað á meðferð fjármuna á ( Skattfé Reykvíkinga )

Svolítið verður það broslegt er fulltrúarnir ræða um bifreiðar heyrist þá frá Eyþóri " Ég ek um á rafbíl og geng mjög mikið " Kannski er þetta sagt til að gleðja eyru Dags og Hjálmars.