Falli krónan fellur fullveldið.

Oddný Harðardóttir skrifar grein í Fréttablaðið í dag undir yfirskriftinni Króna og kjörin.

Hún er trúuð á það að samningur í Evru séu betri en samningur í krónum. Og ekkert þar á milli. Hún segir:

"Á dögunum hitti ég ungan framhaldsskólanema sem vildi vita hvers vegna peningastefnan og fall krónunnar væri til umræðu á þinginu og samtalið var einhvern veginn svona:

Hvers vegna fellur krónan?

Þegar það dregur úr eftirspurn eftir henni. Þegar þeim fækkar sem vilja skipta út öðrum gjaldmiðlum fyrir krónu. Hvaða afleiðingar hefur það? Krónan veikist gagnvart öðrum gjaldmiðlum, verð á innfluttum vörum hækkar sem leiðir til aukinnar verðbólgu, vextir hækka og allt verður dýrara og erfiðara fyrir venjulegt fólk. En gengislækkun er góð fyrir ferðaþjónustuna, sjávarútvegsfyrirtækin og allar útflutningsgreinar, sem fá fleiri krónur fyrir erlendan gjaldeyri.

Hvers vegna styrkist krónan?

Þegar eftirspurn eftir henni eykst. Þegar þeim fjölgar sem vilja skipta á öðrum gjaldmiðlum fyrir krónu. Þess vegna hefur ferðaþjónustan svona mikil áhrif á krónuna. Þegar erlendum ferðamönnum fjölgar sem skipta sínum peningum yfir í krónur, styrkist krónan. Hvaða afleiðingar hefur það? Krónan styrkist gagnvart öðrum gjaldmiðlum, verð á innfluttum vörum lækkar og það verður ódýrara fyrir okkur að versla í útlöndum. Það dregur úr líkum á verðbólgu. En það er ekki gott fyrir ferðaþjónustu, sjávarútvegsfyrirtæki og allar útflutningsgreinar og það mun hafa áhrif á hag almennings til hins verra þegar störfum fækkar.

Hvers vegna erum við þá með krónu?

Það er vegna þess að sumir græða á henni og einmitt þeir sem ráða miklu. Hún sveiflast og þegar við erum efst í sveiflunni þá líður fleirum nokkuð vel en í lægðinni líður almenningi illa, sérstaklega fólki sem er á lágum launum því almenningur ber kostnaðinn af lægðinni. Krónan getur líka auðveldlega falið mistök stjórnvalda. Kostnaði við þau mistök er velt yfir á almenning í formi veikrar krónu. Og þó að krónan sé afar slæm fyrir rekstur fyrirtækja og heimila og ómögulegt sé að gera langtímaáætlanir þá vilja fyrirtæki sem græða á veikri krónu halda henni. Þau fyrirtæki sem geta, fara með starfsemi sína úr landi og atvinnutækifæri hér heima verða færri og atvinnulífið einsleitara. Þeir sem eiga sparifé fara líka með það úr landi frekar en að taka áhættuna með krónunni. Allt hefur þetta áhrif með einum eða öðrum hætti á kjör almennings til hins verra.

Hvað er best að gera?

Það er best að klára samninginn við ESB, leggja hann fyrir þjóðina sem samþykkir væntanlega góðan samning og taka upp evru í kjölfarið. Gera eins og svo margar aðrar þjóðir. Taka upp gjaldmiðil sem er varinn fyrir sveiflum af fimm hundruð milljónum manna og hætta að borga dýru verði fyrir minnsta sjálfstæða gjaldmiðil i heimi. En tekur þetta ekki svo langan tíma? Þetta tekur einhvern tíma, kannski tvö til þrjú ár, en klárast ekki nema á því sé byrjað.

Er þá eftir nokkru að bíða?

Nei."

Hún kemst auðvitað að kolrangri niðurstöðu fyrir því hversvegna krónan lækki og kennir öllu, öðrum um en sjálfri sér sem kjararáðsþingmanni.

Hún gerir ekki tilraun til að svara því hvað krónan gerir fyrir þjóð sem lendir í erfiðleikum eins og hrapi á útflutningsmörkuðum eða lendir í bankahruni eins við við gerðum fyrir 10 árum.

Hvernig við komust út úr því með gengisfalli.

Hvernig Grikkir sitja enn í súpunni með Evruna sem þeir hafa ekki ráð á.

Ef það væri um það að velja ef við gætum kastað krónunni núna ein s og Oddný vill, tekið upp upp Evru og gert vitlausa kjarasamninga í framhaldinu. 

Hver yrði niðurstaðan? Myndu fyrirtæki bara getað borgað hærri laun? Yrði næg atvinna?

Það afhjúpast hversu takmarkaðan skilning þessi þingmaður og aðrir í ESB fullveldissöluflokkunum hafa  á hagfræði.Þeir skilja hvorki upp né niður í því að það eru takmörk fyrir því verði sem hægt er að krefjast fyrir alla skapaða hluti.

Það er krónan sem er forsenda fyrir því að 300.000 Íslendingar geti verið sjálfstæð þjóð. Það er ástæðan fyrir hatri fullveldisandstæðinganna á henni.

Falli krónan fellur fullveldið.

Athugasemdir

[Símon Pétur frá Hákoti (IP-tala skráð) 1.11.2018 kl. 18:40]

Verði 3. Orkumálapakki ESB samþykktur á þingi, svo sem Þórdís Kolbrún Reykás varaformaður Sjálfstæðisflokksins vill, þá mun allt falla Halldór minn. Landsvirkjun mun verða bútuð niður í nokkrar kennitölur og geymd í skattaskjólsskúffu aflandseyinga.  Lepparnir og landshöfðingjarnir eru, og hafa alltaf verið, verstu óvinir þjóðarinnar, sjálfstæðis hennar og fullveldis.

[Þorsteinn Siglaugsson, 1.11.2018 kl. 21:14]

Krónan er auðvitað ekki forsenda fullveldis. Það er tóm þvæla. Land getur vel verið fullvalda þótt það hafi tiltölulega stabílan gjaldmiðil. Krónan hefur kosti, eins og þú bendir á. En hún hefur líka galla. Megingallinn er kannski sá að það er erfitt að gera langtímaáætlanir með svona gjaldmiðil. Það hindrar til dæmis að hér myndist alvöru virðisaukandi iðnaður á borð við þann sem er mikilvæg grunnstoð í mörgum öðrum löndum, t.d. Þýskalandi, Frakklandi, Svíþjóð og Danmörku svo eitthvað sé nefnt.

[Halldór Jónsson, 1.11.2018 kl. 21:41]

Stenst ekki Þorstgeinn. Krónan er bara ennein breyta í áætlanagerð sem er auðveldari en flestar aðrar. Tala af 38 ára reynslu í fyrirtækjarekstri

[Halldór Jónsson, 1.11.2018 kl. 21:42]

Algerlega ósammála freksr hugeliðingum þínum

[Halldór Jónsson, 1.11.2018 kl. 21:43]

Símon, eru til töflur geng þesari Engeyjarfóbíu sem þú þjáist af?

[Grímur (IP-tala skráð) 1.11.2018 kl. 22:08]

Við skulum muna hvað félagi Össur gerði þegar kom að því að "kíkja í pakkann" um fiskveiðistjórnun ESB.

Eftir að einhverjir útvaldir höfðu útskýrt kaflann fyrir honum þá voru skjölin látin hverfa inn í skjalskáp ráðuneytisins og eru þar enn óhreyfð.

Össur hélt svo hverja ræðuna á fætur annarri um mikilvægi kynlífs hjá löxum í Þingvallavatni til að dreifa athyglinni.

[Símon Pétur frá Hákoti (IP-tala skráð) 1.11.2018 kl. 22:28]

Halldór, ég minntist ekki einu orði á Engeyinga, heldur aflandseyinga.  En ég skil þig svo sem vel að telja það sem eitt og það sama, sem hlita fyrir heild.

[Símon Pétur frá Hákoti (IP-tala skráð) 1.11.2018 kl. 22:31]

... sem hluta fyrir heild.  Gott annars að þú ert ánægður með forystuna og 20,8% fylgið, og fallandi.

[Símon Pétur frá Hákoti (IP-tala skráð) 1.11.2018 kl. 22:48]

En varðandi krónuna, þá er ég þér sammála að hún er sjálfstæði okkar og fullveldi nauðsynleg.  Bendi öllum á að lesa afbragðsgóðan pistil á stundinni eftir Hilmar Þór Hilmarsson, hagfræðiprófessor við HA.  Pistillinn er andsvar hans við grein eins helsta hugmyndafræðings Samfylkingarinnar, Baldurs stjórnmálafræðiprófessors við HÍ.  Í stuttu máli er pistill Hilmars rothögg fyrir íslenska evruupptöku aðdáendur.

[Jón Valur Jensson, 2.11.2018 kl. 03:17]

Góð umræða í allgóðu kopmpaníi, Halldór!

Oddný slær met í einfeldni

og aftur Þorsteinn í tvöfeldni.

Þrefalt skárri er "skúrkurinn" sá,

sem skartar nafni, er byrjar á H.