Fellur á Silfrið

hjá Agli. Í hverjum þætti finnst mér mest vera kallaðir til vinstri-og Evrópusinnar og þeir beðnir að endurtaka áköll sín um að ganga í ESB og taka upp Evru. Aldrei finnst mér  spurt þeirrar spurningar hvernig það megi verða til lausnar vandamála dagsins í dag?

 

Oddný Harðardóttir segir lausnina í kjaraviðræðunum hljóti að byggjast á því að hækka barnabætur og auka jöfnuð. Hvaðan skyldu þeir peningar eiga að koma?

Til viðbótar er ekki eitt helsta vandamál þjóðarinnar fallandi frjósemi? Hver kona fæðir minna en 1.7 börn sem dugar hvergi til að viðhalda mannfjöldanum?  Hvernig eru þá barnabætur mest aðkallandi vandamálið?

 

Oddný vill auka jöfnuð þegar Samevrópusinni hennar Benedikt Jóhannesson varar við að jöfnuður eyðileggi menntun þjóðarinnar og engir menntamenn verði þá til. Sem þá hann er búinn að lýsa fyrr í ræðunni að muni flytja menntun sína úr landi vegna krónunnar sem sé allt að drepa.

Sigurður Már svarar vaxtaáhyggjum þeim sem þjaka alla íslenska efnahagsumræðu með því að erfitt sé að fá lán á Ítalíu yfirleitt hvað sem vöxtum líður. Og svo mun vera víðar í Evrulöndum.  Það er eins og Íslendingar haldi upp til hópa að lán á neikvæðum kjörum séu forsenda alls.

 

Evruspekingar eiga það allir sameiginlegt að svara aldrei þeirri spurningu á hvaða gengi eigi að skipta þjóðarauðnum yfir í Evrur og hvernig íslensk verkalýðshreyfing og ASÍ eigi að vera til í Evruumhverfi? Sannast mála er þessi martuggna draumsýn fullveldisfjandmanna óframkvæmanleg.

Íslensk  verkalýðshreyfing og sérhagsmunafélög geta ekki verið til í Evrópu-umhverfi. Menn reyni að sjá fyrir sér hvernig Íslendingar eigi að hækka laun úr einni evru upp í eina og hálfa til dæmis með einni ofbeldisaðgerð? Hvernig í veröldinni  halda menn að íslensk verkalýðsbarátta gæti farið fram í Þýzkalandi til dæmis? 

Það væri ekkert að krónunni og engin þyrfti að hafa áhyggjur af verðtryggingunni, kaupmætti eða atvinnuleysi ef launum yrði haldið óbreyttum í landinu næsta  ár.  Þau eru breytan sem verðbólguna skapar. Gjaldþrot WOW skiptir varla nokkru í því sambandi þó Marínó Njálsson hafi miklað það fyrir sér.

Það fellur mjög á Silfrið finnst mér þegar æ sjaldnar heyrist þar raunsæ umræða um hinn hagræna veruleika Íslendinga og mögulegt svartnættið framundan.

 

                     

Athugasemdir

[Símon Pétur frá Hákoti (IP-tala skráð) 11.11.2018 kl. 13:49]

Egill veit sem er, hvernig landið liggur hjá forystusveit núverandi ríkisstjórnar, þar eru ESB falir ráðherrar.  Því herðir hann nú róðurinn, áróðurinn, fyrir sínu helsta baráttumáli, inngöngu Íslands í ESB.  Þetta er öllum orðið augljóst Halldór minn.  Gott að þú ert farinn að fókusera á þá baráttu sem eftir okkur bíður.  Lokabardagann til varnar fullveldi lands og þjóðar. Nú hefur Egill og Rúv hafið sókn ESB sinnanna.  Við verðum að þétta raðirnar og gera leiftursókn á móti.

[Símon Pétur frá Hákoti (IP-tala skráð) 11.11.2018 kl. 14:11]

Í skoðanakönnunum er það ótvírætt að um 92% kjósenda Sjálfstæðisflokksins er andvígur frekara framsali orkumála til Brussel.  Og við vitum að slíkt hið sama gildir um kjósendur Miðflokksins og Flokks fólksins.  Og Vg kjósendur eru klofnir, en flestir á móti.  Og það er enginn vafi að algjör meirihluti þjóðarinnar er á móti.

Af þessu leiðir að við vinnum þessa orustu ef við berum gæfu til að vera einbeittir í því að berjast saman, sem þjóð fyrir fullveldi sitt og sjálfstæði.  Að ætla að stóla á forsetann er borin von.  Við verðum að há þessa baráttu ein, en saman

[Símon Pétur frá Hákoti (IP-tala skráð) 11.11.2018 kl. 15:20]

Allt er þá þrennt er. 

Halldór er vaknaður og Styrmir er vaknaður og ég er viss um að Davíð er vaknaður.

Hvet alla til að lesa pistil Styrmis í dag, þar sem hann spyr hvort  m.a.s. Brynjar Níelsson taki við skipunum frá Brussel varðandi það hvernig hann muni greiða atkvæði á þingi um 3. orkumálapakka ESB.  Ef, ef, ef.  Ef, ég má segir Brynjar.

Hvers konar sokkaleista vesslingar eru eiginlega þingmenn og ráðherrar Sjálfstæðisflokksins?

[JR (IP-tala skráð) 11.11.2018 kl. 16:47]

Egill sjálfur var góður í þessum þætti.

Það voru tvö illgresi í þættinum.  Benedikt og Sigurður  !

Alveg ólókindum með þig Halldór , sem raungreinamaður, sjáir ekki neitt gott við orð Marinós í þættinum.  Eitt sem ég veit ekki hvort þú veist, er að laun á norðurlöndum eru verðtryggð?  Þetta var eitt af því sem Marinó sagði.  Annað var sem hann sagði um sína útreikninga varðandi niðurstöðu Seðlabankans.  Hann hefur skrifað um þetta í mörg ár.  Það sem hann sagði um stöðu WOW  var athyglisvert og þú ættir að hafa í huga  !

[Jón Ingi Cæsarsson, 11.11.2018 kl. 20:41]

Hver hefur þennan rosalega uppvakningamátt að geta vakið upp alla þessa drauga fortíðar sem Símon Pétur nefnir ?