Er bara allt í lagi?

að brjótast inn í einkalíf fólks. Taka það upp og selja það í hagnaðarskyni  fyrir sjálfan sig?

Eins og Jóhannes Kr. gerði þegar hann sveikst að Sigmundi Davíð í Ráðherrabústaðnum?

Eins og skítseiðið sem tengist Stundinni og DV gerði á Klausturbarnum?

Eins og J.Edgar Hoover gerði við Martin Luther King?

Eins og Deep Throat gerði við Nixon?

Stela skattaupplýsingum og selja?

Má stela öllu og græða á því ?

Gilda  lög ekki fyrir alla?

Er allt bara í lagi ef maður getur skaðað réttu aðilana ?

Athugasemdir

[Ómar Ragnarsson, 5.12.2018 kl. 14:27]

Um athæfi Edgars Hoovers gildir að brjóta á friðhelgi heimilis. 

Klausturbarinn er opinn öllum og ígildi almannafæris. Eigandi barsins sér ekki hverjir eru "skítseiði" og hverjir ekki skítseiði og engin leið er fyrir eigendur opinberra staða að framkvæma líkamsleit að snjallsímum. 

Þar að auki gilda siðareglur þingmanna jafnt utan þinghússins sem innan. 

Alþingi er stofnun þar sem starfmenn gegna þjónustuhlutverki fyrir kjósendur. Kjósendum kemur við hvaða afstöðu þingmenn hafa til einstakra mála svo sem kynjajafnréttis og afstöðu þeirra til annarra þingmanna, hverjar raunverulegar skoðanir þeirra eru og hvort þær geti litað þingstörfin. 

[Hrólfur Þ Hraundal, 5.12.2018 kl. 16:02]

Nei Halldór það er ekki í lagi og upphlaupið sem af þessu varð sýnir svo að ekki er um að villast að þetta var ekki bara einhver gestur með síma.  Þetta var þaulskipulagt og skotmarkið átti að vera Sigmundur Davíð.

Fyrir ekki svo alllöngu þá rakst ég inná þátt Sigmundar Ernis þar sem á spjalli við hann var Reynir Traustason og ég staldraði þarna við þó almennt nenni é ekki að hlusta á Sigmund Erni. 

Þar kom þeirra spjalli að Sigmundur Davíð bar á góma og allt í einu dettur útúr Reyni orð á þá leið.  „við náðum honum þar niður“.  Þetta er kannski ekki alveg orð rétt, en þetta er það sem meint var og trúlega missti hann þetta því ekki var minnst á þetta meir.     

[Ómar Geirsson, 5.12.2018 kl. 17:06]

Þú ert magnaður núna Halldór, og öllum hollt að íhuga orð þín.  Ef menn eru ekki sammála orðalaginu, þá mega þeir orða sömu hugsun á sinn hátt.

Og elsku nafni minn, ruglaðu ekki staðreyndum saman við rugl.

Þú veist betur að þú mátt ekki taka upp samræður á öldurhúsum, og dreifa þeim.

Íhugaðu eina sekúndu ef virkjanauðvaldið hefði beitt þig þessum brögðum. Og vernd okkar gegn svona vinnubrögðum einskorðast ekki bara við friðhelgi heimilisins, enda þarf að spila sig töluvert einfaldan að halda því fram að Hoover hafi bara brotið friðhelgi heimilisins, og að allar hinar hleranirnar hefði verið í lagi.

Það sem þú segir síðan um siðareglur þingmanna er mjög ónákvæmt, því er hvergi haldið fram að öll þeirra orðræða eigi að standast ítrustu kröfur hlerunnar, þú verður að athuga að 1984 er skáldsaga, ekki lýsing á raunveruleika alræðisins.

Síðasta málsgrein þín er hinsvegar rétt, en hvað kemur hún orðum Halldórs við??

Þú ert þó varla Hoover sinni??

Kveðja að austan.

[Helga Kristjánsdóttir, 5.12.2018 kl. 18:29]

Rétt eins og þú Hrólfur datt ég inn á viðtal (rétt áðan),þar sem Sigmundur Ernir talar við Róbert Marchall og Karl Garðarsson,um stöðu Alþingismanna Miðflokks og Flokk Fólksins. Hvað þeir gátu bísnast yfir mesta hneyskli sem þeir höfðu nokkurntíma upplifað.

Þar með spáðu þeir að að Miðfl.og Fl.fólks.mundu nánast þurrkast út,þá alla vega Miðflokkurinn. 
Ég vona á nýju ári verði Íslandi hagstætt og enginn af þessum hrósi sigri,nema þeir taki sinnaskiptum og hætti að vinna fyrir Glóbalista.

  

[Símon Pétur frá Hákoti (IP-tala skráð) 5.12.2018 kl. 20:53]

Þórðargleði hatursmanna Sigmundar er algjörlega komin langt út fyrir öll siðleg mörk.  Við sáum það á þáttökunni á Austurvelli 1. des, þegar átti endanlega að kveða hann niður, þá mættu einungis nokkur hundruð og eingöngu júrókratastóð.  Og ég segi alveg eins og er, að Simmi eflist nú við hverja raun.  Fólk er byrjað að spyrja sig hverjir brugguðu launráðin og höfðu beðið og beðið með upptökutækin.  Þetta var launsátur, þar sem einhverjir voru á launum vikum og mánuðum saman til að koma fram spjótalagi á hörðustu andstæðinga  ESB orkupakkans.  Í mínum huga leikur enginn vafi á því.

[Símon Pétur frá Hákoti (IP-tala skráð) 5.12.2018 kl. 20:57]

Það er fróðlegt að sjá hér í athugasemdum nefnd nöfn ákveðinna hatursmanna Simma.

[Símon Pétur frá Hákoti (IP-tala skráð) 5.12.2018 kl. 21:54]

Og það er vægast sagt athyglisvert að  lesa undarlega útlistun Björns Bjarnasonar í pistli hans.  Segir allt um það hvernig landið liggur.  Aumingja maðurinn, laumu ESB sinninn eins og Palli Vill kallar hann, hann sem þarf nú að þiggja bitling frá Gulla.

[Ómar Ragnarsson, 5.12.2018 kl. 22:14]

Þetta hlýtur að vera ritvilla, "nokkur hundruð". Þetta voru nokkur þúsund. Eftir sextíu ár í skemmtikraftabransanum veit ég vel muninn á nokkur hundruðum og nokkrum þúsundum. 

Ég hélt að orðalag mitt gagnvart Edgar Hoover væri skýrt: Hann rauf friðhelgi heimilisins á ólöglegan hátt hjá Martin Luther King. 

[Símon Pétur frá Hákoti (IP-tala skráð) 5.12.2018 kl. 22:22]

Ómar Ragnarsson, það tókst einhverjum að telja 999 á fundinum.  Gáðu að því að það var annað í gangi þennan dag.  Með þeim sem kíktu í opið hús alþingis var þetta alls rétt rúm tvö þúsund.  

[Ómar Geirsson, 5.12.2018 kl. 22:25]

Nafni, hann hleraði allt sem hann gat hlerað.

Og er ekki til eftirbreytni.

Kveðja að austan.

[thin (IP-tala skráð) 5.12.2018 kl. 23:09]

Mér þætti gaman að vita hvort að það sé rétt sem ég hef heyrt að þetta fólk hafi verið á sumbli á kostnað Alþingis?  Hef heyrt að þar sem þingfundi var ekki lokið þá greiði Alþingi allan kostnað þingmanna. 

[Símon Pétur frá Hákoti (IP-tala skráð) 5.12.2018 kl. 23:15]

Eigendur Stundarinnar og DV, sem engir veit hverjir eru, eru vissulega verri en púkarnir, en Kastljósgengi RÚV er slægara og lúmskara.  Við vitum hvert það gengi er.

[Hörður Þormar (IP-tala skráð) 5.12.2018 kl. 23:20]

Setjum sem svo að upptakan á Klausturbarnum hafi verið skipulögð af einhverjum. Hverju voru þessir menn að fiska eftir?

Höfðu þeir áður orðið vitni að "krassandi samtali" SDG og félaga þarna á barnum eða duttu þeir bara, sí svona, í "lukkupottinn"?  

[Þorsteinn Siglaugsson, 6.12.2018 kl. 00:21]

Það er langsótt að þetta hafi verið fyrirfram skipulagt, nema þá að einhver sexmenninganna hafi verið með í ráðum um skipulagninguna. En það er ekki sennilegt.

Þau voru einfaldlega mjög óheppin að þarna skyldi hafa verið staddur maður sem datt í hug að taka samtalið upp.

Slíkt er auðvitað óheimilt, en við því er lítið að gera úr þessu.

Mergur málsins er að eftir þetta er þessum sexmenningum í raun og veru ómögulegt að sinna starfi sínu á Alþingi. Það lýsir furðulegri heimsku að þau skuli ekki strax hafa tilkynnt um afsögn. Þannig hefðu þau haldið virðingu, bæði almennings og samstarfsmanna sinna. En nú munu þau hrökklast á brott eitt af öðru á löngum tíma, rúin trausti og virðingu.

[Símon Pétur frá Hákoti (IP-tala skráð) 6.12.2018 kl. 00:58]

Nei Orsteinn, það er ekki ólíklegt.  Það er næsta víst að maður með 5 klst hleðslu á síma í stanslausri upptöku, er professional.

Og þú veist hvað orðið professional þýðir.  Þeir vinna markvisst

og fá borgað fyrir það.  Af hverju veltir enginn fjölmiðill því fyrir sér hver stóð á bakvið the professional Marvin?

[Símon Pétur frá Hákoti (IP-tala skráð) 6.12.2018 kl. 00:59]

Leiðrétt: Orsteinn átti vitaskuld að vera Þorsteinn.

[Húsari. (IP-tala skráð) 6.12.2018 kl. 02:01]

Sæll Halldór.

Slúður í samfélögum þjónar þeim
tilgangi að menn verði ekki vitlausir
af ímyndun sinni.

Það er frá því að vera góðlátlegt yfir
í það að vera rætið.

Ætli HKL hafi hitt naglann á höfuðið
þegar hann sagði í kvæði sínu Kveðið eftir vin minn:

"Flestir eru ekki annað en venjuleg svín
og enginn fær gert við því."

[Þorsteinn Sch Thorsteinsson, 6.12.2018 kl. 07:31]

Sæll Halldór, 

Auðvita var þetta allt saman mjög vel skipulagt áður, en ég efast um að þetta hafi verið tekið upp á síma, heldur er ég meira á því að hann ("Marvin") karlinn hafi notast við gott upptökutæki með góðum hljóðnema, þar sem að hann var þarna í þrjá eða fjóra tíma í svona fjarlægð frá borðinu þeirra. Mjög líklega þá stóð DV á bakvið þetta allt saman frá byrjun, nú og uppljóstrarinn ("Marvin") er mjög líklega á vegum DV, en höfum við ekki heyrt um svona lákúru áður á vegum DV í því að reyna búa til fréttir? Ég hef eins og segir mínar grunsemdir, því að þeir (hjá DV) hafa áður staðið fyrir því að taka upp leynilegar upptökur, svo og með þessum líka nýja ritstjóra og kvikmyndagerðarmanni hjá DV.

KV. 

[Halldór Jónsson, 6.12.2018 kl. 09:32]

Já, Þosrsteinn Scheving, ég held að þínar hugleiðingar séu þess virði að velta nánar fyrir sér.

[Húsari. (IP-tala skráð) 6.12.2018 kl. 11:42]

Sæll Halldór.

Flestir við 12 ára aldur
búa yfir þeirri leikni og kunnáttu
að geta tekið upp hvaða síma sem er í opnu kerfi.

Sjálfsagt var hægt að fara aðrar leiðir
með jafn árangursríkum hætti!

[Hrólfur Þ Hraundal, 6.12.2018 kl. 12:07]

Athyglisvert sem hann Þorstein Sch Þorsteinsson segir og ef rétt, þá kemur okkur það við og ef sannast þá er það lögreglumál. 

En varðandi þetta klaustur mál þá kemur okkur það ekkert við, þetta er þeirra vinnustaður og þeirra vinnufélagar.  Þetta eru persónuleg mál og það var eingin laminn og þar með er þetta ekki efni í annað en kannski meinyrðamál einhvers og það er mál viðkomandi aðila, en ekki okkar.

Ég er ekki að mæla svona talmáta bót, en svona hefur komið upp annarstaðar og samstarfsmenn leist það sjálfir enda hafa þeir skyldur við sinn vinnustað, sem of margir þingmenn virðast ekki skilja.

Það slasaðist engin á klaustrinu og Það sem okkur kemur við er hvort þingmenn vinni sitt verk samviskulega og af ærlegheitum gagnvart okkur.

Þingmenn sem hunsa eða neita að vinna með öðrum þingmönnum eru að svíkjast um og þarmeð andlega engu betri en bullararnir á kránni.   

[Arnór Baldvinsson, 6.12.2018 kl. 16:10]

Sæll Halldór,

Ef skítseyðin maga skíthæla og glæpamenn fram í dagsljósið, ekki spurning!  Í þessu tilfelli sennilega hvorutveggja svo það er enn betra!

Kveðja

[Arnór Baldvinsson, 6.12.2018 kl. 16:18]

Sæll aftur,

Þetta áttu að vera "maga"

En vil svo benda á að ef þetta var allt þaulskipulagt, þá hljóta gerendur að hafa verið með, nema fjölmiðlar séu með upotökumenn allstaðar þar sem þingmenn fá sér neðan í því. Það hlýtur að vera mjög kostnaðarsamt. 

Svo ég skil ekki hvað þetta lið er að skæla um núna. Það skeit langt upp á bak og feamdi mannorðsmorð á báða bóga.  Svo eru barnalegar sálir að afsaka þetta fólk!  ÞAÐ skil ég ekki!

Kveðja

[Arnór Baldvinsson, 6.12.2018 kl. 16:39]

Allt er þá þrennt er:  "naga"  Helv. Autocorrect!

[brynjar (IP-tala skráð) 7.12.2018 kl. 20:21]

Ég reikna með að menn hér hafi horft á fréttirnar í kvöld.  Þið verðið að koma með eitthvað breytta samsæriskenningu líklega.

Að reyna stanslaust að benda á eitthvað annað en það sem þetta fólk var að segja virkar varla lengur. Það sem sagt var þarna er óafsakanlegt og fyrir vikið geta engin af þeim talist hæf til að gæta hasmuna almennings.