Forréttindahópur

eru þeir orðnir sem ekki ferðast með einkabílnum. Þeir soga til sín skattfé í engu hlutfalli við hagsmuni fjöldans sem verður að greiða fyrir það sem hann vill ekki.

Allt fyrir draumóra sérvitringa sem hafa náð völdum fyrir tilviljunarkennda pólitíska niðurstöðu sem fjölgun Borgarfulltrúa færði kjósendum.  

Einkabílafólkið verður að líða fyrir framkvæmdaleysið í gatnagerðinni fyrir einhverjar sýnir draumóramanna sem mynda bræðingsmeirihlutann í Borgarstjórn Reykjavíkur. Það verður að þjást í töfum, mengun og kostnaði þar sem draumórafólkið reynir að valda því sem mestu skaða.

Svo segir í Staksteinum Morgunblaðsins:

"Ívar Pálsson viðskiptafræðingur skrifar á blog.is:

„Áherslur borgarstjórnarmeirihlutans í umferðarmálum Reykjavíkur skila sér í þremur dögum á ári í umferðartöfum. Milljarði króna á ári heldur áfram að vera sóað í að reyna að fá strætó-elítuhópinn sem fer 4% ferðanna, til þess að stækka, en það gerist ekki. Fyrst árangur af því er enginn, þá er bætt um betur og tugir milljarða króna settir í Borgarlínu, sem mun auka tafirnar enn frekar.

Bílafloti Reykvíkinga stækkaði ört og fólk mun ekki skilja nýja bílinn eftir heima næstu árin, hvort sem hann er drifinn áfram af rafmagni eða af öðru. Framlag til vegabóta og aukins umferðarflæðis er skammarlegt á sama tíma, auk þess sem áhersla Dags borgarstjóra er enn á það að hægja á umferð (með frábærum árangri), ekki að hámarka flæði, sem t.d. tölvukerfin geta gert.

Djöfullinn finnst alltaf í smáatriðunum og nú er að koma í ljós hvernig Borgarlínan er: stærðar svæði tekið undir strætó, hjól og gangstíga, en ein akrein fyrir bíla, sem fara 70-80% ferðanna.“

Við þetta bætist að þeir sem verða svo óheppnir að búa nálægt Borgarlínunni svokölluðu fá að greiða hærri skatta; sérstaka innviðaskatta. Breytir engu í því sambandi hvort þeir nota áfram eigin bíla, sem er líklegast, eða taka allt í einu upp á því að ferðast um með strætó á sterum. "

Það er eitt hversu hlægilegt það er að menn í stætóelítunni skuli ekki opna augun fyrir því sem er að gerast í nærumhverfinu.  Annað er hversu framtíðarþróunin skaðast á töfunum sem þetta fólk er að valda í nútímanum.  

Allstaðar eru byggð mislæg gatnamót og akreinum fjölgað eftir því sem kostur er.  En  Dagur B. Eggertsson segir þeirra tíma vera liðinn í Reykjavík.

Menn reyni að sjá gatnamótin sem eru á Reykjanesbraut við Garðabæ fyrir sér vera komin á Kringlumýrarbraut og Miklubraut og göngubrúna á Breiðaholtsbraut vera komna í stað gangbrautarljósanna á Miklubrautinni? Hvað myndi ekki breytast? 

Það verða dýrkeypt mistök að verða að þola Dag sem Borgarstjóra afturhaldsins núlíðandi kjörtímabil og er ábyrgð Viðreisnar og Pírata mikil í þeim efnum. En fylgi slíkra skoðanalítilla flokka kaupa valdabraskarar allsstaðar auðveldlega fyrir skattfé.

Kostnaðurinn og öfugþróunin munu fylgja Borginni til margra ára sem tekur að vinda ofan af draumsýnum Hjálmars og Dags þegar fólkið hefur greitt atkvæði í næstu kosningum.

 

"Gangandi og hjólandi" er ekki umferð heldur lífsstíll og aðeins 4 % fólks velur sér að keyra í Strætó eða Borgarlínu. Yfirgnæfandi meirihluti kjósenda hluti sem vill  komast leiðar sinnar sem greiðast í einkabílnum, er það sem felst í hugtakinu umferð.  Þeir ættu auðvitað ekki að vera minnihlutahópur sem líður fyrir forréttindi yfirgnæfandi  minnihluta draumóraelítunnar.

 

Athugasemdir

[Ómar Ragnarsson, 8.12.2018 kl. 22:49]

Þá veit maður það. Að eftir að hafa fært meiripartinn af ferðum sínum yfir á tvö misstor hjól, er maður kominn í forréttindahóp. 

Og ég sem hélt að með því að vera á hjóli væri ég að gefa eftir það pláss í bílaumferðinni sem ég hefði tekið á bíl. 

Ég er sammála gagnrýninni á vanrækslu við gerð mannvirkja sem liðka fyrir bílaumferð og gera hana öruggari, en sé hins vegar ekki hvernig hægt er að finna pláss fyrir 30 þúsund viðbótar sístækkandi einkabíla sem eiga eftir að bætast við bílaflotann á höfuðborgarsvæðínu á næsta áratug. 

Jafnvel í umferðarteppu á hægri ferð, þegar þessir bílar taka minnst rými, þurfa þeir minnst 15 metra hver, eða samtals 450 kílómetra af malbiki. 

Og við erum að tala um viðbót við þá 3000 kílómetra, sem núveradni bílafloti tekur, enda eru um 50 prósent flatarmáls Reykjavíkurbyggðarinnar malbikuð samgöngumannvirki, vegir, götur og bílastæði. 

Vísa til bloggpistils míns í fyrradag um þetta efni.  

[Þorsteinn Siglaugsson, 9.12.2018 kl. 11:30]

Það eru þá semsagt forréttindi að hafa ekki efni á bíl og "fá" að ferðast með strætó og vera marga klukkutíma á dag að skrölta um í þessum forneskjulegu farartækjum?

[Halldór Jónsson, 9.12.2018 kl. 12:49]

Hvernig mynduð þið leysa umferðarmálin  í Orlando? Heldur Ómar að þau séu óleysanleg? Eru umferðaramálin  Reykjavík óleysanleg sem er miklu minni borg en Orlando? Hjól Ómar eru hans lífsstíll sem breytir engu fyrir mig. Hann má hjóla að vild án þess að það trufli mig.

[Ómar Ragnarsson, 9.12.2018 kl. 17:03]

Í Washington var umferð eftir aðalumferðaræðinni úr suðri takmörkuð við þá bíla, þar sem fleiri en einn var um borð þegar ég var þar á ferð.

Þetta var það sem ég sá tekið til bragðs. Við erum með þúsundir smárra og stórra borga um víða veröld þar sem reynt er að leysa vandann á fleiri vegu en með endalausum austri í risa breiðgötur og mislæg gatnamót, ég tala nú ekki um þar sem hvorki er rými né fé fyrir slík mannvirki. 

Um Orlando veit ég ekki neitt, hvorki um rými fyrir slíkt né peninga til þess. 

Þess má geta, að á helstu hjólaleið minni frá Spönginni í Grafarvogshverfi vestur fyrir Elliðaár eru hjóla- og göngustígar sérlega krókóttir, brattir og seinfarnir.

Á þeirri leið er rafhjólið svo sannarlega með engin forréttindi miðað við einkabílinn, heldur þveröfugt. 

Létta vespuvélhjólið notar göturnar eins og bílar og nýtur því  engra forréttinda í skattfé, heldur sparar stórfé í stæði og gefur eftir rými á götunni fyrir einn auka einkabíl í stað bílsins, sem ég væri annars á. 

[Halldór Jónsson, 9.12.2018 kl. 17:18]

Nei Ómar , vespan skapar ekkert rými. Við bílstjórar eru svo hræddir við ykkur hjólamenn að við aukum fjarlægðina frá ykkur og öll sú aukavarkárni sem þið neyðið okur til að sýna tefur stórkostlega fyrir umferðinni. Þú ert náttúrlega gersamlega ábyrgðarlaus gagnvart fjölskyldu þinni að að leggja þig í svona stórhættu að vera að þvælast á svona manndráptækjum eins og vélhjól eru. Og ég tala af talsverðri reynslu hérlendis og erlendis.  Þú hugsar ekkert um það hvernig fjölskyldu þinni myndi líða að taka á móti þér í klessu, öryrkja fyrir lífstíð eða dauðum sem þú hefðir ekki lent í á bíl.  Þette er algerlega ábyrgðarlaus hegðun hjá þér eins og þú hefur nú legið undir grun um allt lífið að vera sekur um eins. Varla getur þú mótmælt því til dæmis hvort hlutdeild þín í flugatvikum sé ekki hærri en margra annarra sem eru kjarkminni en þú  og sem reyna að fara varlegar.

Reyndu nú að hugsa örlítið ábyrgt einu sinni.

[Halldór Jónsson, 9.12.2018 kl. 17:21]

Og farðu nú ekki í fýlu við mig þó að ég skjóti á þig, það má alveg tala íslensku við mig líka. Við verðum ekki verri vinir eftir það.

[Sigþór Hrafnsson (IP-tala skráð) 9.12.2018 kl. 23:28]

Það er eins gott að hlusta þegar að frálsræðis skoðanakóngurinn eys úr viskubrunni sínum. Ómar verður að átta sig á því að hann er ekki bara fyrir kónginum heldur þarf Ómar líka að átta sig á því að skammast sín fyrir að leggja sitt eigið líf í hættu. Þessi vespa hans Ómars er til tómra vandræða.

Ég held þú ættir að ganga alla leið Halldór og krefjast þess að fá að birta grein um þennan ólifnað hanns Ómars í Morgunblaðið. Jafvel að fara í mál við einhvern og búa til herferð. Þegar ég fer að hugsa það betur þá sé ég að þetta er allt að koma hjá þér!

[Skeggi Skaftason, 12.12.2018 kl. 16:16]

Já hvað segið þið eru engar umferðatafir í Kópavogi, Hafnarfiðri eða Garðabæ? Ég hef nú séð bílaraðir silast lúshægt á þessum stöðum.