Hvenær byrjar ballið?

Sem Sólveig Anna býður upp á?

Hún skrifar svo á Miðjuna undir ritstjórn mannvinarins Gunnars Smára Egilssonar:

"Efnahagskerfi sem getur ekki séð vinnuaflinu fyrir mannsæmandi húsnæði á viðráðanlegu verði er efnahagskerfi sem glímir við verulega alvarleg vandamál. Til þess að vinnuaflið geti endurnýjað sig á milli þess sem það er ekki í vinnunni þarf það hvíld, mat og húsnæði.

Sjúkur fókusinn sem ríkt hefur hér á hagsmuni og aðstæður kapítalista ofar öllu og algjörlega á kostnað þeirra sem er gert að lifa neðar í stigveldinu, sjúkur fókusinn sem stjórnmálin hafa átt mikinn og ríkan þátt í að magna í sífellu, hefur gert það að verkum að enginn fókus hefur verið settur á lífskjör vinnuaflsins og svo auðvitað þeirra sem geta af einhverjum ástæðum ekki unnið.

Aðstæður fólks sem tilheyrir þessum hluta af samfélaginu hafa bara ekki vakið neinn áhuga og ekki vakið neinn af þeim glæpsamlega Þyrnirósarsvefni (fyrirgefðu Þyrnirós) sem stjórnmálin hafa sofið árum saman. ...

...Sá mikli antagónismi sem ríkir á milli þeirra sem hér eiga auð og eignir og þeirra sem vinna en eignast samt aldrei neitt er raunverulegur. Hann er ekki hugarsmíði mín eða félaga minna í baráttunni. Hann er djúpur og fer dýpkandi vegna þess að ekkert er gert til þess að draga úr honum af þeim sem raunverulega gætu það. Þvert á móti; það er bókstaflega allt gert til þess að hann verði sem mestur."

Stefnir hún í verkföll fyrir þa sem ekki kusu hana og þá hvenær? Er hægt að rökræða   " Benjamínskt" við hana um efnahagsstærðir? 

Hvernig væri að SA velti fyrir sér tímasetningum á því hvenær ballið eigi að hefjast?

Athugasemdir

[Kristinn Bjarnason (IP-tala skráð) 24.12.2018 kl. 11:44]

Lífskjörin eru ekki betri en raun ber vitni vegna gífurlegrar skattheimutu hins opinbera.

Sósialismi gengur út á að taka af þeim sem spjara sig og afhenda þeim sem spjara sig ekki. Ég er þeirrar skoðunar að það eigi að banna verkföll. Verkföll eru bara fyrir verkalýðsforingja, allir aðrir tapa. Verkföll eru barns síns tíma. Auðveldast leiðin til að bæta kjör almennings liggja hjá hinu opinbera og LÍFEYRISSJÓÐUNUM.

Mér finnst mjög furðulegt að verkalýðsforingjar skuli ekki ráðast á lífeyrissjóðina. Það er hægt að leysa húsnæðisvandann með að breyta lífeyrisgreiðslum í skyldusparnað sem nota megi til íbúðakaupa. Það þyrfti ekki að byggja neina einustu félagslega íbúð. Það er ekki hægt að taka þetta fólk alvarlega sem virðist eingöngu drifið áfram af reiði.

[Jósef Smári Ásmundsson (IP-tala skráð) 24.12.2018 kl. 17:30]

Þetta er ástand sem ríkisstjórnir síðustu ára hafa búið tilog bera alla ábyrgð á með sinnuleysi gagnvart láglaunafólki, ellilífeyrisþegum ( Þ.e. þeim sem hafa verið á lægri laununum, og öryrkjum). Það voru félagsmenn einingar, verslunarmannafélagsins og verkalýðsfélags 
Akraness sem kusu þessa leiðtoga sem nðu eru við stjórnölinn- ekki félagsmenn sósilistaflokksins. Þetta fólk mun síðan ráða því hvort hér verða verkföll eða ekki. Sósilistaflokkurinn eða verkalyðsforingarnir hafa engin raunveruleg völd í þeim efnum vegna þess að lýðræði ríkir ó þessum félögum.

[Húsari. (IP-tala skráð) 25.12.2018 kl. 00:01]

Benjamínskt? Nei, það er liðin tíð.

[Jón Valur Jensson, 25.12.2018 kl. 09:56]

Síðan maður las sinn Marx-Lenínisma undir tvítugu, með aðhæfingu Maós og Guevara á fræðikenningunni, hefur maður hvergi utan þess hugmyndastraums séð jargon á borð við "antagonisma" í stjórnmálaumræðu hér. Sólveig Anna er skóluð í slíkum Marxisma rétt eins og Svavar Gestsson í DDR. En hún hefur haldið sig á yzta vinstri jaðrinum og var t.d. í 4. sæti í framboði R-lista Alþýðufylkingarinnar til Alþingis haustið 2016. Nú leiðir gamall gjaldþrota-kapítalisti, Gunnar Smári, slíka til megináhrifa á verkfallsmál hér!