Píratasiðferðið

er um margt merkilegt. Björn nokkur Leví fer mikinn við að passa upp á siðferði Íhaldsins og sérstaklega Ásmundar Friðrikssonar sem hann kallar fjársvikara.

"

Björn Leví Gunnarsson

29. október 2018 · 

 

Þann 10. okt sl. sagði Ásmundur Friðriksson: "[Píratar] er fólkið sem stendur upp í þessum sal trekk í trekk, ber upp á mann lygar, hefur sagt að ég væri þjófur, hafi stolið peningum af þinginu — og þau þurfa ekki að standa neinum reikningsskil."

Þetta er ekki satt. Vissulega hefur verið talað um að rangar skráningar í akstursdagbók geti talist fjársvik (https://www.frettabladid.is/fre…/fjarsvik-segir-serfraeingur) en enginn þingmaður Pírata hefur ásakað Ásmund um slíkt ... fyrr en núna.

Ég var að skila inn endurteknu erindi til Forsætisnefndar þar sem síðasta erindi mínu var vísað frá á þeim forsendum að enginn hefði verið tilgreindur (lesist, ekki verið að ásaka Ásmund um neitt). Ég endurtek erindi mitt um að það þurfi að rannsaka allar endurgreiðslufærslur vegna orða skrifstofustjóra Alþingis sem sagði: "Skrifstofa Alþingis hefur ekki talið það vera í verkahring sínum að leggja mat á það hvort þingmaður á erindi á fund sem hann er til dæmis boðaður á eða hvort rétt hafi verið að hann boðaði til fundar. Slíkt verður að vera í höndum þingmannsins sjálfs" (https://stundin.is/…/thingmonnum-i-sjalfsvald-sett-hvort-r…/)

Að auki, af því að síðasta erindi var vísað frá, þá bið ég sértaklega um að endurgreiðslur á aksturskostnaði Ásmunar verði sérstaklega rannsakaðar. Til þess að vera viss um að rannsókn á amk. einum þingmanni eigi sér stað. Ástæðan fyrir því að ég bendi á Ásmund? Tvær ástæður, til að byrja með af því að hann er með langhæsta aksturskostnaðinn og það sem er mikilvægara, fólk sem hann hefur "fundað með" hefur haft samband við mig og véfengt að þeir fundir eigi að geta talist sem endurgreiðanlegur starfskostnaður.

Úr erindinu:
"Með vísan til ofangreindra atriða er þess óskað að forsætisnefnd taki til umfjöllunar hvort þeir þingmenn sem vísað er til að ofan hafi brotið siðareglur alþingismanna, sbr. 16. gr. siðareglnanna vegna þeirra endurgreiðslna sem þeir fengu fyrir aksturskostnað. Til vara er þess óskað að athugað verði hvort Ásmundur Friðriksson, hafi brotið siðareglur alþingismanna vegna þeirra endurgreiðslna sem hann fékk fyrir aksturskostnað, sbr. 16. gr. siðareglnanna. Þess er óskað að tekin verði afstaða til þess hvort siðareglur, hátternisreglur eða lög hafi verið brotin þegar málsathugun lýkur samkvæmt 17. gr. siðareglna alþingismanna og hvort þurfi að vísa málinu áfram til þar til bærra yfirvalda."

TLDR; Ásmundur segir að hann hafi verið ásakaður af Pírötum um þjófnað. Hingað til hefur það verið ósatt."

Hvernig væri að fá reikningsútskrift af því hvernig Píratar hafa varið þeim milljónatugum sem þeir hafa tekið úr sameiginlegum sjóðum landsmanna? Hvað gæti  til dæmis hafa  runnið til Björns Levís og í hvað eyddi hann því fé?

Skyldi þessi árvakri siðgæðisvörður Pírata eiga afturkvæmt á þing og fá að halda áfram að skrifa á miðopnu Moggans?

Athugasemdir

[Hrólfur Þ Hraundal, 7.1.2019 kl. 10:30]

Píratar eru uppsóp af Austurvelli og uppsópi er venjulega hent í ruslið, en þessu rusli skolaði á þing til mikillar ógæfu fyrir íslenska þjóð. 

Svo hefur það verið of lengi sem þessi Björn Leví blasir við þá ég opna moggann minn, en hann er af tegund sem mér líkar ekki við frekar en Kínverja sem alltaf troða sér framfyrir. Dag einn segi ég upp mogga ef ekki verður þar breyting á.