Aukning ríkisútgjalda

á vegum ríkisstjórnarinnar sem komið er:

"„ Frítekjumark ellilífeyrisþega vegna atvinnutekna hækkað úr 25.000 krónum í 100.000. Eitt fyrsta verk stjórnarinnar.

„ Hámarksgreiðslur í fæðingarorlofi hækkaðar úr 520.000 í 600.000 þann 1. janúar sl.

„ Engin komugjöld verða innheimt af öryrkjum og öldruðum í heilsugæslu og hjá heimilislæknum frá 1. janúar 2019. Gjaldtöku fyrir vitjanir lækna til aldraðra og öryrkja hætt.

„ Stofnstyrkir til byggingar félagslegs leiguhúsnæðis hækka um 800 milljónir á þessu ári og eftir það er gert ráð fyrir stofnstyrkjum til bygginga allt að 300 félagslegra leiguíbúða árlega.

„ Aukin fjárframlög til umhverfismála um 35% frá því að ríkisstjórnin tók við í fjárlögum 2018 og fjármálaáætlun 2019-2023.

„ Verulega aukin fjárframlög til reksturs og fjárfestinga í heilbrigðismálum, eða um 11% milli fjárlaga 2017 og 2018 og um önnur 19% á tímabili fjármálaáætlunar.

„ Uppbygging innviða á ferðamannastöðum með áherslu á friðlýst svæði. Í heildina verður 2,1 milljarði varið í hana á næstu þremur árum.

„ Hækkað kolefnisgjald um 50% og boðuð frekari hækkun um 20% á næstu árum.

„ Atvinnuleysisbætur hafa hækkað í 90% af dagvinnutryggingu, úr 227.417 kr. í 270.000 kr. á mánuði.

„ Fjármagnstekjuskattur hækkaður úr 20 í 22%. Stefnt að frekari hækkun.

„ Breyttar úthlutunarreglur LÍN. Flóttafólk hefur nú aðgang að framfærslulánum í fyrsta sinn.

„ Verulega aukið fjármagn til samgöngumála, bæði í fjárlögum yfirstandandi árs og í fjármálaáætlun. Fjárfest verður í uppbyggingu samgönguinnviða fyrir 124 milljarða á tímabili áætlunarinnar.

„ Stórátak boðað í uppbyggingu hjúkrunarrýma. Rýmum verður fjölgað um 550 á næstu árum og aðbúnað

"Hækkun á bensíngjaldi.

"Veruleg aukning ríkisútgjalda munu verða með stórauknu aðstreymi flóttamanna og hælisleitenda eftir aðildina að Marrakesh samningi S.Þ.

"Persónuvernd Ríkisins mun fá verulega aukið fjármagn tl starfsemi sinnar.

"Stórhækkun mun verða á launum opinberra starfsmanna vegna kjarasamninga.

Hér er myndarlega að verki staðið og skattheimta bæði aukin og boðuð.

Sem kunnugt er þá á Sjálfstæðisflokkurinn aðild að þessari ríkisstjórn sem hefur gert þetta myndarlega átak í ríkisútgjöldum.

Athugasemdir

[Erla Magna Alexandersdóttir, 8.1.2019 kl. 20:06]

hvar eru allar þessar hækkanir til eldriborgara--- hef ekki seð þær. Málið er að eitt er hækkað annað lækkað- vinstri höndin veit ekki hvað sú hægri gjörir !

[Ómar Geirsson, 8.1.2019 kl. 22:01]

Blessaður Halldór.

Stundum þurfa menn sem reikna, kunna að bæta við þegar þeir draga frá.  Þú ert til dæmis það gamall, að þú manst, og tókst reyndar þátt í umræðunni um þá útgjaldaskelfingu sem kallaðist uppbygging dagheimila, sem áttu að setja allt og alla á hausinn.  Og já, ég er svo gamall að ég man eftir þínum þætti þar um.  Hins vegar er ég ekki svo gamall að ég muni eftir harðvítugri andstöðu Jakobs Möller, eða hét hann það ekki foringi frjálslyndra sem herjaði á Ólaf Thors??, gegn uppbyggingu verkamannabústaða, sem og annars kommúnisma sem Nýsköpunarstjórnin stóð fyrir.

En það fór enginn á hausinn, allra síst þjóðin, hvað þá skattgreiðendur.  Því uppbygging samfélags og velferðar er bein ávísun á hagvöxt og grósku.

Sem þú sem verkfræðingur átt að kunna skil á.  Þú kaupir x mikið sement, ræður x marga menn í vinnu, og útkoman er ekki kostnaður við X, heldur arður og arðsemi virkjunar Y sem kostnaður X fór í að reisa.

Sbr. að bóndi sem kaupir útsæði, eða fjárfestir í bústofni, að hann er ekki hálfviti.  Þó hann eigi ekki viðkomandi útgjöld inná bankabók eftir áratuga sparnað.  Hann er greindur og vitur, sannkallaður kapítalisti, hann leggur út i kostnað, og borgar þann kostnað með tekjum af uppskerunni, með tekjum af innlegginu í sláturhúsinu.

Til að geta sagt flest af því sem þú sagðir hér að ofan, sem var sorglega raunamædd gagnrýni á Bjarna Ben, eins og þú vitir ekki að við kommatittirnir höfum einkarétt á þeirri gagnrýni, byggist á þeirri vanþekkingu, að skilja ekki að kunnátta um mínus og frádrátt, var aðeins metin, þó mikil væri, uppá 0,0 á prófi, því til þess að geta reiknað dæmi rétt, þá þurfti líka að kunna plúss, og margföldun.

Margt má segja um Bjarna formann þinn, og margt hef ég sem pólitískur andstæðingur hans sagt, en hann kann að reikna, og hann veit hvað er forsenda hagsældar þjóða. 

Alveg eins og Ólafur vissi forðum, alveg eins og Bjarni vissi forðum að ekki sé minnst á stóra manninn ykkar sem var farsæll borgarstjóri um árabil, Geir Hallgrímsson.

Jakob Möller var hins vegar bjáni, með fullri virðingu.

En samt snöggtum skárri en sporgöngumenn hans í Viðreisn eru í dag.

Snöggtum skárri.

Kveðja að austan.