Bundið slitlag á Reykjaveg

Svo segir á Mogga:

"Nú hill­ir und­ir langþráðar vega­bæt­ur í Blá­skóga­byggð því á þessu ári verður byrjað að leggja bundið slitlag á Reykja­veg (355), milli Laug­ar­vatns­veg­ar og Bisk­upstungna­braut­ar.

Bæði heima­menn og sum­ar­húsa­eig­end­ur á svæðinu hafa kvartað und­an ástandi veg­ar­ins um ára­bil .enda er þetta í dag mal­ar­veg­ur með slæmri hæðar- og plan­legu og ein­breiðri brú, að sögn Svans G. Bjarna­son­ar, svæðis­stjóra Vega­gerðar­inn­ar á Suður­landi. Í um­fjöll­un um þess­ar sam­göngu­bæt­ur í Morg­un­blaðinu í dag seg­ir Svan­ur að þessi veg­ur hafi verið þung­ur í þjón­ustu hjá Vega­gerðinni.

Til­boð voru opnuð hjá Vega­gerðinni 8. janú­ar sl. í breikk­un og end­ur­gerð Reykja­veg­ar (355) í Blá­skóga­byggð ásamt bygg­ingu nýrr­ar 20 metra langr­ar eft­ir­spenntr­ar brú­ar yfir Full­sæl. Brú­in verður tví­breið. Lengd kafl­ans auk tengi­vega er 8 kíló­metr­ar. Innifalið í verk­inu er einnig efn­is­vinnsla í nám­um, ræsa­lögn, girðing­ar­vinna og út­lögn klæðing­ar. Hún verður tvö­föld, alls 68 þúsund fer­metr­ar."

Hvað með veginn frá Flúðavegi upp að Gullfossvegi meðfram Tungufljóti fram hjá Króki, Borgarholti, Bergstöðum, Drumboddsstöðum,  Einholti, Kjarnholti og Gýgjarhóli (358?)? Síaukin rútuumferð sér íbúum fyrir stanslausum rykmekki allt árið? Okkur hefur aðeins verið tjáð að þetta verði ekki á dagskrá  næsta áratug eða meira. Hverjar eru umferðartölurnar á þessum tveimur vegum. Er það víst að hún sé meiri á Reykjavegi en þarna? Hvað stjórnar valinu þegar bundið slitlag er lagt á Reykjaveg?

 

Athugasemdir

[Hilmar (IP-tala skráð) 12.1.2019 kl. 10:03]

Reykjavegurinn er ónýtur, og hefur alltaf verið það. Alveg sama hvað er borið í hann og hann heflaður, jafn ónýutr daginn eftir. Þessi vegur er eitt þvottabretti á milli risahola og drullupytta. Einholtsvegur er slæmur, en þó ekki jafn slæmur og Reykjavegurinn, og færri sem eiga lögmætt erindi um hann en Reykjaveginn.
Mælingar á fjölda bíla segja heldur ekki alla söguna, því umferð um Reykjaveginn á eftir að stóraukast eftir uppbyggingu. Í dag eru það bara brjálæðingar (og náttúrulega þeir sem neyðast) sem þekkja, en keyra samt Reykjaveg.

Það eru mörg brýnni verkefni en Einholtsvegur.
Það mætti hinsvegar klára stubbinn á Hrunavegi, frá Biskupstugnabraut niður að Einholtsafleggjara. Það eru ekki nema 3-4 kílómetrar, og myndi engann drepa að klára.