Sjálfsmorðsundirbúningurinn á fullu

og heimskan og falsfréttirnar  í vinstri sinnuðu fréttamiðlunum er yfirgengilegur:

"Góður gangur í kjaraviðræðunum" (Opinberir starfsmenn eru alveg eftir að vísu.)Gott útspil ríkisstjórnarinnar en mikið ber í milli. Verkföll framundan að visu.

Raunveruleikinn birtist öðruvísi:

Kollegi Bjarni Jónsson skrifar svo:

"

"Helmut Kohl, þáverandi kanzlari Vestur-Þýzkalands, fórnaði DEM fyrir samþykki Mitterands, þáverandi forseta Frakklands, á endursameiningu Þýzkalands.  "Die Bundesbank" var á móti, en "Bundestag", Sambandsþingið, samþykkti. 

Frakkar eiga í mesta basli við að standast Maastricht-skilmálana, og halli ríkissjóðs miðstýrðasta ríkis Evrópu mun sennilega fara yfir mörkin, 3 % af VLF, á árinu 2019.  Frakkar eru nú sjálfir komnir í þá spennitreyju, sem þeir ætluðu að færa Þjóðverja í.

Það hefur verið lítill hagvöxtur í ESB eftir hrun peningamarkaðanna 2007-2008.  Sum ríki evrusvæðisins fóru hræðilega illa út úr þessu hruni vegna viðbragða framkvæmdastjórnar ESB o.fl., sem tóku meira mið af hagsmunum þeirra, sem hafa efni á að hanga í Berlaymont og reka þar áróður fyrir sínum hagsmunum, en almennings í evru-löndunum.  Þetta er skýringin á vaxandi lýðhylli þjóðræknistefnu í Evrópu og vantrú á bákninu, afætunum, sem unga út reglugerðum og tilskipunum, í Brüssel.

Hagur almennings á Ítalíu hefur ekkert skánað síðan árið 1999.  Þar hefur ríkt stöðnun, og opinberar skuldir aukizt eftir upptöku evrunnar. Núverandi ríkisstjórn Ítalíu ætlaði að örva hagkerfið með ríkisútgjöldum, sem hleypa myndi ríkissjóðshallanum yfir 3 % af VLF, en var gerð afturreka með fjárlagafrumvarpið af búrókrötunum í Brüssel.

Spánn og Írland njóta nú hagvaxtar eftir kerfisbreytingar hjá sér, en máttu þola langt stöðnunartímabil vegna gríðarlegrar skuldayfirtöku ríkisins frá bankakerfinu að kröfu Framkvæmdastjórnarinnar. 

 

Atvinnuleysi ungs fólks á Spáni er nú 35 %, sem vitnar um skelfilegt þjóðfélagsástand. Launahækkanir hafa nánast engar verið á evrusvæðinu frá 2008.  Hvers vegna krefjast verkalýðsfélögin þar ekki launahækkana ?  Það ætti að verða íslenzkum verkalýðsleiðtogum verðugt umhugsunarefni.  

Írland nýtur sérstöðu, því að bandarísk fyrirtæki hafa fjárfest gríðarlega þar, enda njóta þau skattalegs hagræðis á Írlandi, þar sem er aðeins 12 % tekjuskattur á fyrirtæki.  Þessi fyrirtæki öðlast auðvitað tollfrjálst aðgengi að EES-markaðinum, hvað sem tollastríði Bandaríkjaforseta við ESB líður.

Verstu mistök ESB í peningamálum voru 2010, er Framkvæmdastjórnin neitaði að viðurkenna, að gríska ríkið gæti aldrei greitt allar skuldir sínar. 

Þar opinberaðist hið vanheilaga samband búrókratanna í Brüssel og fjármálavafstrara Evrópu.  Í stað þess að afskrifa a.m.k. helming skulda gríska ríkisins, þá voru þær fluttar frá þýzkum og frönskum bönkum o.fl. og til opinberra sjóða. 

Þar með voru skattborgarar lánveitendaríkjanna gerðir ábyrgir fyrir skuldum eins skuldararíkjanna.  Þetta er eitur í beinum sparnaðarsinnaðra skattborgara og mun óhjákvæmilega leiða til gliðnunar í evrusamstarfinu, hvað sem líður Aachen-samningi forseta Frakklands og kanzlara Þýzkalands.  Ríki Karlamagnúsar sundraðist fljótt, og aðeins kirkjan sameinaði Evrópu um tíma, en hún sundraðist líka.  Þjóðverjar þoldu ekki við undir oki Rómar.  

Þegar alvarleg fjármálakreppa ríður yfir næst, mun reyna mjög á greiðsluþol skuldugu ríkjanna vegna vaxtahækkana, sem alltaf verða gagnvart illa stæðum ríkjum við slíkar aðstæður. 

Hvorki evrubankinn né lánadrottnarnir munu hafa bolmagn til að hindra skuldugu ríkin á evru-svæðinu í að fara á hliðina.  Evran verður auðvitað ekki söm eftir.  Myntsvæðum Evrópu gæti fjölgað.  Óvíst er, hvað um Evrópusambandið verður í kjölfarið. Munu Bretar enn einu sinni standa eftir með pálmann í höndunum ?"

 

Aldrei geta kommatittirnir og plattenslagararnir skilið það að það er ekki hægt að gera neitt úr engu. Það verkefni er því óleysanlegt að lyfta þeim lægst launuðu sérstaklega án verðbólgu.

BHM og BSRB eru alveg eftir að koma með kröfurnar um að menntun sé metin til launa þegar búið er að gera allt fyrir alla í VR og Eflingu. Þá leysir verðbólgan dæmið fyrir ykkur sem gerir það að verkum að endarnir eru verri fyrir öreigana í lok þess tíma sem það tók að vinna upp tapið af verkfallinu. Og við skulum gera ráð fyrir 5 vikum án launa sem lágmarki.

Hálfrar aldar reynsla frá því að Gvendur Jaki heimtaði hundraðþúsund króna lágmarkslaun og byggja mislæg gatnamót á Kringlumýrarbraut.Alveg óþarfi að tala um um helvítis frjálshyggjuna í því sambandi.

Það er ekki verkalýðsbaráttan heldur skortur á henni sem hefur fært launþegum fordæmalausa kaupmáttaraukningu það sem nú er að ganga sitt skeið á enda. Það var vinnan og framleiðslan sem gerði þetta.

Framundan er því svartnættið eitt en ekki árangur í verkalýðsmálum.

Frjálshyggjan er ekki vandamálið heldur heimska kommatittanna sem eru í forystu fyrir "kjaraviðræðunum".

"Því verkalýðshreyfingin vill byggja upp, ekki rústa." segir Ómar Geirsson með kveðju að austan. 

Hátimbruð heimska birtist í svona setningu um þessar mundir  ef reynslan er skoðuð.

Sjálfsmorðsundirbúningurinn gengur því alveg prýðilega.

Athugasemdir

[Kristinn Bjarnason (IP-tala skráð) 24.1.2019 kl. 06:57]

Sæll Halldór,

Þrátt fyrir risastórt bákn þá erum við í sæti 5 yfir hæstu þjóðartekjur á mann í heiminum, og erfitt að draga fram lífið fyrir stóran hluta þjóðarinnar. Frá mínum bæjardyrum séð er 3 leiðir til að auka kaupmátt.

1. Leysa upp lífeyrissjóðina og fjármagnið nýtist fólkinu.

2. Stöðva óþarfa eyðslu ríkissins.

3. Auka verðmætasköpun.

Mér sýnist að það eigi að koma á óvart í þetta sinn og velja verkföll og verðbólgu.

[Ómar Geirsson, 24.1.2019 kl. 08:10]

Æ elsku Halldór, fyrst að þú ert að blanda mér greyinu inní deilu þína við kommatitti verkalýðshreyfingarinnar, þá neyðir þú mig til að vísa í rökin sem liggja að baki staðhæfingu skynseminnar.

Sem er, af hverju vill verklýðshreyfingin byggja upp en ekki rústa.

Endursögn eftir minni.

1. Forstjóri Google; ef við skerum svo mikið niður laun að fólk geti ekki lifað af þeim, þá kaupir það ekki vörur okkar.  Það heitir kreppa.

2. Jesús frá Nasaret, þessi þarna sem lagði grunn af vestrænni siðmenningu; þú átt að passa bróðir þinn, og láttu ekki hvarfla að þér að gera honum það sem þú vilt ekki sjálfur að þér sé gert.

3. Bismarck; tryggjum verkafólki öryggisnet því það kemur í veg fyrir sundrungu og róttækni, kostnaðurinn við það er margfalt minni en kostnaðurinn við ólgu og átök.

4. Churchil; þið skammið mig fyrir að semja við verkfallsmenn, en gerið ykkur grein fyrir því að um það höfum við val í dag, - á morgun höfum við aðeins fal um fallexina eða aftökusveitina.

Halldór minn, hinn nýi eignaaðall mun ekki ná að halda borgurunum niðri, ekki frekar en gamli lénsaðallinn.  Og þó að svo sé komið fyrir sjálfstæðisfólki að það vilji öðrum það sem það vill ekki sjálfu sér, að þá er arfleið þess flokkur sem byggði á kristilegum gildum í bland við borgarleg.

Þess vegna reis Ísland upp til velmegunar, sundrungaröflin náðu ekki að brjóta niður þau gildi. 

Í dag eruð þið sundrungaröflin.

Kveðja að austan.

[Halldór Jónsson, 24.1.2019 kl. 09:57]

Margur hyggur mis sig Ómar að austan.

Aðeins Churchill á erindi í þessa umræðu með því að hóta okkur frjálshyggjumönnum fallesi. Kommatittirnir búa í dag  að gamla Bismarck og dæmalausum kaupmætti um þessar mundir. Þetta ætla þeir að eyðileggja með eibeittri heimsku. Þú hvetur þá áfram..

[Símon Pétur frá Hákoti (IP-tala skráð) 24.1.2019 kl. 10:57]

Vorum við ekki að ræða það Halldór

að það er brusselskur freðmýratittur

af Engeyjarættum sem hleypti hér öllu

í bál og brand

og sem snælduóður pilsfaldakapítalisti,

þegar hann dældi fé í þingstóðið?

Ertu nú að segja, að honum leyfist það einum

með kommatittum Steingríms

að hækka sín laun um tugi prósenta

og hinir vesælu þingmenn forystu án flokks

keyri út og suður og til helvítis 

engum til gagns

nema til að láta Helga Bernóduss

kvitta undir nokkrar milljónir á ári 

fyrir þann akstur, og fyrir hvern þeirra.

Af hverju ertu að verja þessa pilsfaldakomma?

[Símon Pétur frá Hákoti (IP-tala skráð) 24.1.2019 kl. 11:25]

Og hvaða kommatittur og pilsfaldakapítalisti

var skikkaður formaður kjararáðs

af Engeyjar ættgenga pilsfaldakapítalistanum

til að hækka laun vesalinganna á þingi um 45%?

Kostað af hækkandi gjöldum okkar í ríkishítina.

Æææ, var það ekki vinur Engeyjar formannsins,

formanns forystu án flokks,

stjórnarformaður Landsvirkjunar?

.

.

.

Eigum við ekki nú að ræða fremur um orkupakka 3 og sæstrenginn og Landsvirkjun og hvernig þessir pilsfaldakapítalistar ætla svo næst að ræna land okkar og þjóð?

Það er sjálfsmorðsleiðangur Sjálfstæðisflokksins.

Erum við ekki sammála um það?

Halldór!  Vaknaðu!

[Ómar Geirsson, 24.1.2019 kl. 11:35]

Ég er ekkert að hóta ykkur falli Halldór, þið fallið.

Og alveg eins og síðast, þá munið þið falla fyrir kristilegu siðgæði og borgarlegum gildum.

Það var nefnilega ekki kommúnisminn sem felldi frjálshyggju 19. aldar, það var borgarlegur kapítalismi.  Hér á Íslandi varð andlát hennar þegar íhaldsflokkurinn innlimaði Frjálslyndaflokkinn og úr varð hinn kristilegi íhaldsflokkur, Sjálfstæðisflokkurinn.  Sem laut stjórn kommatitta eins og Ólafs Thors, Bjarna Ben eldri og Geirs Hallgrímssonar, allt menn sem gerður sér grein fyrir gildi hinnar samfélagslegu sáttar.

En ég hélt að þú hefðir fattað að eini nútímamaðurinn sem ég vitnaði í, var forstjóri Google, og hans einföldu sannindi eru sannindi velmegunar hins lýðræðislega borgaralega samfélags, meitluð af kenningum Keynes, sem nota bene var íhaldsmaður.

En ég sé á öllu Halldór að þú ert áhugamaður að fá að velja á milli fallaxarinnar eða aftökusveitarinnar, það er hvort það afl sem þið þvermóðska ykkar vekur úr læðingi verði af ranni stjórnleysis frönsku byltingarinnar, eða miðstýrðum illvilja bolsévika.

En hafðu ekki áhyggjur, það kemur ekki til þess.

Borgararnir munu vakna af dvala sínu og verja sitt samfélag og fella Dýrið.

Og ný samfélagssátt verður meitluð í stein.

Kveðja að austan.

[Tómas Ibsen Halldórsson, 24.1.2019 kl. 11:37]

Í Venúsuela er fólk búið að fá nóg. Í Frakklandi er fólk búið að fá nóg og mætir á götur út íklætt gulum vestum til að mótmæla yfirgangi þeirra sem með völd fara. Víðar er fólk búið að fá nóg. Hér á landi er fólk að fá sig fullsatt af yfirgangi stjórnmálaelítunnar sem hvorki gat né vildi leiðrétta ákvarðanir Kjararáðs, en stórefldu þess í stað sjálftökur fyrir stjórnmálaflokkanna, þeirra sem engu að viti koma til vegar.

Það er til fullt af fólki í landi okkar sem þarf að velta hverri krónu fyrir sig og það oftar en einu sinni eða tvisvar áður en það ákveður hvort eigi að nota hana til að borga leigu, lyf eða nota hana í matarinnkaup. Þetta hafa stjórnvöld lokað augum fyrir, enda er stjórnmálaelítan sæl með það sem þeim er úthlutað og/eða hafa notað aðstöðu sína til að auka auð sinn.

[Símon Pétur frá Hákoti (IP-tala skráð) 24.1.2019 kl. 12:04]

Kæri Halldór, þú vitnar í hinn ágæta rafmagnsverkfræðing, Bjarna Jónsson, sem einmitt hefur varað mjög við innleiðingu þriðja orkupakka EES/ESB og er sem ég og þú og yfirgnæfandi meirihluti þjóðarinnar, einarður andstæðingur innlimunar lands okkar og þjóðar í ESB fjötrana.

En eins og þú veist er Bjarni Ben. junior og bimbóklappstýrur hans, forystan sem einungis telur þau þrjú plús Gulla ræfilinn sem skipaði fyrrverandi formann Samfylkingarinnar, Árna Pál Árnason sem kommisar Íslandsdeildar forystu án flokks í Brussel, til að vinna að frekari aðlögun lands okkar að EES/ESB.

Að þessu sögðu, ertu að tala gegn hinum viti borna Bjarna Jónssyni?  Við viljum ekki í ESB, en forysta flokks þíns vill það.  Í hvaða liði ertu eiginlega?

[Símon Pétur frá Hákoti (IP-tala skráð) 24.1.2019 kl. 12:30]

Og svaraðu nú þessari einföldu spurningu:

Af hverju hefur Bjarni Ben og forystan án flokks

staðið algjörlega gegn því

að þjóðin fengi þjóðaratkvæðagreiðslu

þar sem spurt yrði:

Vilt þú að Ísland gangi í ESB?  

Já 

Nei x

Af hverju heldur þú Halldór að fyrirstaðan sé

einmitt mest

gegn slíkri þjóðaratkvæðagreiðslu

hjá forystu þíns flokks?

Skyldi það útskýra af hverju flokkurinn er að hruni kominn?  Enda er yfirgnæfandi meirihluti þjóðarinnar andvígur innlimun Íslands í ESB og telur sig því eiga enga samleið lengur með forystu þíns flokks.  Skiljanlega.

[Halldór Jónsson, 24.1.2019 kl. 13:31]

Ég rökræði yfirleitt ekki við nafnleysingja eins og þig Símonn Pétur sem þorir ekki að koma fram undir nafni.

Þú ert að verða fyrirferðarmeiri á minni síðu en ég sjálfur.

Ég vit ekki hversu margir fagna þínum stöðugu skrifum. En vegna þess að þau eru oft skynsamleg og upplýst þá loka ég ekki á þig.

En ég bið að að spara kjaftinn og skítyrðin sem fara vaxandi hjá þér með degi hverjum. Reyndu að skrifa kurteisislega og málefnalega svo ég þurfi ekki að loka á þig sem hverja aðra plágu.