Rekum bankaráðin

og bankastjórana og gáum hvort við getum ekki fengið hagstæð tilboð í að reka þessa ríkisbanka.

Svo segir Ragnar Önundarson:

"

Gamla  bankakerfið, fyrir einkavæðinguna og sjálftökuna, var ekki að öllu leyti til fyrirmyndar. Að sumu leyti þó: Bankastjóralaun voru samræmd og fylgdu launum hæstaréttardómara skv. Kjaradómi, nú um 1.400 þús. á mánuði. Greiddur var að auki jólabónus, sem allir bankastarfsmenn fengu, kallaður 13. mánuðurinn, þannig að raunveruleg mánaðarlaun hafa verið rúm 1.500 þús. Þeir sem sóttust eftir þessum störfum vissu hvað var í boði og að hverju þeir gengu. Annað var ekki umsemjanlegt. Þetta þýddi að löngunin til að auðgast var ekki það sem hvatti þá áfram, græðgin var ekki leidd til hásætis. Menn gerðu það upp við sig hvort þeir vildu una þessu eða leita annað.

Uppástunga mín er sú að störf bankastjóra núverandi ríkisbanka verði auglýst laus til umsóknar á fyrirfram ákveðnum kjörum. Núverandi bankastjórar geta sótt um eins og aðrir."

Hann tekur þarna undir tillögu mína frá því nýlega.

Bankastjóri Aríon banka hefur ekki algóðan feril að baki hvað varðar viðskipti við almenning. En hann er líklega ósnertanlegur með sínar 6 millur á mánuði. Skyldi hann vera svo snjall að enginn finnist honum jafngóður fyrir minni pening?

Hvaða snilld þarf til að vera bankastjóri? Ég hef kynnst þeim mörgum og ekki komið auga á hana.

Rekum þetta lið og fáum nýtt fólk.

Athugasemdir

[Óskar Helgi Helgason (IP-tala skráð) 12.2.2019 kl. 21:08]

Sæll Halldór jafnan - sem og aðrir gestir, þínir !

Halldór !

Með fullri virðingu: fyrir afdráttarlausum sjónarmiðum Ragnars Önundarsonar, sem ýmissa fleirri vil ég benda á:: að landsmenn eiga ágætra fjármálalegra kosta úr að velja, en hinu morkna og úrelta þrí- Bankakerfi Suðvestur- hornsins (Landsbankans / Íslandsbanka og Arionbanka (Arion = nýjasta felunafn gamla Búnaðarbankans) sem eru Sparisjóður Strandamanna á Hólmavík, sem og Sparisjóður Suður-Þing eyinga, norður í Reykjahlíð t.d.:: hvorir tveggju öndvegis stofnanir við að eiga, í daglegum samskiptum venjulegs fólks, við þá.

Löngu tímabært - að brjóta upp hið skefjalausa fjárplógs- og græðgisvædda þríeyki ofur- launuðu Bankastjóranna, fornvinur góður.

Svo: ekki sé tekið dýpra, í árinni, að þessu sinni.

Með beztu kveðjum - sem endranær, af Suðurlandi /  

[Halldór Jónsson, 13.2.2019 kl. 10:54]

Benedikt Jóhannesson, fyrrverandi fjármálaráðherra, segir að hans mestu mistök þegar hann var ráðherra hafi verið að reka ekki þær stjórnir sem fóru ekki að tilmælum hans um að gæta hófs í launaákvörðunum . Benedikt var þar helst að vísa til stjórna Landsvirkjunar og Isavia sem báðar hækkuðu laun forstjóra fyrirtækjanna þrátt fyrir tilmælin

Hvað um að sýna núna snöfurleika?

[GÍSLI HOLGERSSON - ICELAND (IP-tala skráð) 13.2.2019 kl. 14:37]

Eitt er að afla vel af dugnaði og gera mörgum gott. Græðgin er víða í okkar fámenna landi. Ofurgreiðslur skila ekki afrekum til einstaklinga, en bónusar fyrir sölu á eignum almennings í greiðsluvanda skila ofurlaunum til "bankastjóra". Ragnar Önundarson og Halldór Jónsson skynja vandamálið og fjármálin á annan veg til betri lausnar fyrir bankana og þjóðina.

SKJÁLFTI,óreiða og stjórnleysi er nú í ESB löndum. ÍSLAND er á sömu leið. Reykjavíkurborg og Landið okkar er undir "smásjá" vegna samvinnu við ráðleysi Evrópulanda.