Bannað í Kópavogi

að ræða sjónarmið varðandi sæstrenginn. Fundarstjóri Sjálfstæðisfélagsins, Sigurður Sigurbjörnsson,   öskraði mig niður á opnum fundi á síðasta laugardag  þegar ég vildi skjóta inn athugasemd um 3. orkupakkanna sem fleiri en einn fundarmanna höfðu þegar rætt.

Kolllegi Bjarni Jónsson ritar svo um þau sjónarmið sem ég vildi kynna:

"

Almennt er líka lagt bann við takmörkunum á millilandaviðskiptum með vöru og þjónustu í EES-samninginum.  Með öflugan aflsæstreng á milli Íslands og útlanda, þar sem íslenzk yfirvöld mega ekki grípa í tauma rekstrarins fyrr en allt er komið í óefni, setur allt þjóðlífið í uppnám. Þetta er aðeins eitt af mörgum atriðum, sem gera lögsögu ACER/ESB yfir millilandatengingum orkuríkrar eyjar norður í Atlantshafi gjörsamlega óaðgengilega fyrir eyjarskeggja.

Hvernig verður að rökstyðja höfnun á Ice-Link eða NorthConnect ?:

Það er aðeins hægt, ef kostnaðar- og nytjagreining leiðir til þeirrar niðurstöðu, að verkefnið sé ekki samfélagslega arðsamt, þar sem samfélagið er EES, og ACER viðurkennir, að niðurstaðan sé rétt fengin.   Samkvæmt samræmdri aðferðarfræði kostnaðar- og nytjagreiningar, sem mælt er fyrir um í gerð #347/2013, má ganga út frá því sem vísu, að öll PCI-verkefni, og ofangreind verkefni eru slík forgangsverkefni, séu samfélagslega arðsöm.  

Höfnun er t.d. ekki unnt að rökstyðja með því, að yfirvöld í viðkomandi landi vilji halda tiltölulega lágu orkuverði til almennings.  Frá sjónarhóli ESB jafngildir slíkt ríkisstuðningi og mismunun ESB-borgara og ESB-iðnaðar.  Íslendingar virkjuðu orkulindir og iðnvæddust af takmörkuðum efnum, en samt án þess að láta af hendi stjórn á erfðasilfrinu.  Nú ætla stjórnvöld að glopra þessari stjórn úr höndum sér með endemis klaufagangi og færa hana á silfurfati til ACER og framkvæmdastjórnar ESB. Þetta er í senn hneyksli og sorgarsaga."

Þessi sjónarmið eru ekki leyfð á fundum hjá Sjálfstæðisfélagi Kópavogs og bönnuð þar.

 

 

Athugasemdir

[Eðvarð Lárus Árnason (IP-tala skráð) 18.2.2019 kl. 22:21]

Óþörf og harkaleg

viðbrögð fundarstjóra á fundi Sjálfstæðisfélags Kópavogs s.l. laugardag.  Orkupakki 3 hafði borið upp á fundinum.   Ræðumaður þessa fundar var Jón Gunnarsson alþm. Hann var aðeins búinn að tala um orkupakka 3, og var helst að skilja mál hans þannig að hann væri samþykkur innleiðingu pakkans.  

Halldór Jónsson verkfr. var búinn að óska eftir að taka til máls, og var hann  að hefja mál sitt, og hafði rétt nefnt orkupakkann, er fundarstjóri barði sleggju sinni í sitt fundarborð og lét ekki af barsmíðinni  fyrr en Halldór gafst upp á  að flytja mál sitt.

Þessi framkoma  fundarstjórans við Halldór, sem hefur starfað innan þessa félags um áratuga skeið, var ósæmileg og ruddaleg.  Sjálfstæðisfélag Kópavogs hlýtur  að endurskoða val sitt á fundarstjóra.

[Símon Pétur frá Hákoti (IP-tala skráð) 18.2.2019 kl. 22:24]

Þriðji orkupakkinn, einkavæðing Landsvirkjunar

og lagning sæstrengs er ógn við almannahag.

Þöggun um málið ber þjófræði djúpríkisns glöggt vitni.

Jón Baldvin var tekinn niður, þegar hann lýsti því hvernig ákveðin valdaöfl í Sjálfstæðisflokknum stefndu að því að breyta Íslandi í suðuramerískt bananalýðveldi. 

Við orð hans má bæta því við, að ný-kommúnistarnir í forystunni án flokks, eru á pari við Maduro Chavez Guiadó.  Sami grautur valdastéttar sem makar krókinn með því að sölsa svo undir sig hagnað af auðlindum þjóðar að sjálfstæði hennar og fullveldi er ógnað.  Eymd fylgir ætíð ný-kommúnistum sem og kommúnistum. 

Þöggun er þeirra aðferð.

[Símon Pétur frá Hákoti (IP-tala skráð) 18.2.2019 kl. 22:49]

Það byrjar með þöggun.

Koma svo hreinsanirnar næst, í anda Stalíns?

Hvers konar viðrini er hinn gamli og glæsti 40% flokkur orðinn?

Þolir ekki frjálsa umræðu. Fallandi hraðar en steinninní fylgi.