Nú koma hinir

allir þegar fyrsta bardaganum er lokið. "Nú get ég"  segja kennarar, ljósmæður, BSRB,lögreglumenn, flugumferðarstjórar, og hvað þessi félög heita öllsömul. Og ekki má gleyma þingmönnunum og þeirra mikla kostnaði við allt mögulegt.

"Þetta var sosum ágætt hjá ykkur vesalingunum. Við viljum þetta sama en bara tvöfalt hærra vegna þess hvað við höfum dregist aftur úr."

Páll Vilhjálmsson konungur bloggaranna  skrifar svo:

"Ísland er stéttlaust samfélag. Börn þeirra tekjulægstu eiga sömu tækifæri og afkvæmi tekjuhárra að gera það úr lífi sínu sem hugurinn stendur til. Allir njóta sama menntakerfis og heilbrigðisþjónustu.

Bæði lágtekjufólk og hátekjumenn geta klúðrað lífi sínu, líkt og sumir kjósa. Og kenna auðvitað öllum öðrum um en sjálfum sér; fjölskyldunni eða ríkinu. 

Þegar Sólveig Anna Eflingarformaður talar um sósíalisma og stéttabaráttu er hún út í móa með Gunnari Smára að fabúlera um hluti sem hvorugt veit neitt um. Fyrir skemmstu vildi Gunnar Smári að Íslandi yrði fylki í Noregi. Þar á undan var hann í þjónustu auðmanna, sem hann formælir núna.

Sólveig Anna ætti að skola af sér smáríska ruglið og horfa á hlutina eins og þeir eru."

Sólveig Anna hefur hinsvegar þetta að segja:

„Niðurstaðan í þessum viðræðum er ekki fullnaðarsigur heldur vopnahléslína milli stéttar verkafólks og stéttar auðmagnseigenda. Baráttan milli þeirra heldur áfram,“

Getum við haldið áfram með þessu fáránlega skipulagi á vinnumarkaði sem hér ríkir síðan löngu fyrir seinni heimstyrjöld? 

Nú skulum við sjá því nú koma nefnilega hinir. 

 

Athugasemdir

[Jósef Smári Ásmundsson (IP-tala skráð) 3.4.2019 kl. 15:52]

O, ætli Páll Vilhjálmsson bloggkóngur eigi ekki eftir að níða baráttu kennara niður í kjallarann eins og hann hefur gert varðandi eflingarfólkið. Var hann ekki kennari einu sinni og er kannski enn? Þeir eiga örugglega eftir að koðna niður í duftið þegar hann byrjar.

[Halldór Jónsson, 3.4.2019 kl. 18:33]

Ertu með lausn á vandanum Jósef?

[Jósef Smári Ásmundsson (IP-tala skráð) 3.4.2019 kl. 20:23]

Reyndar hef ég viðrað lausn sem er held ég ættuð frá Vilhjálmi Egilssyni. Hún er sú að allir aðilar komi saman og semji um launastigann þ.e. hver munur á að vera á launum milli allra starfsstétta. í gegnum árin hefur þessi munur teygst vegna þess að það hefur alltaf verið samið um prósentuhækkanir en ekki krónutöluhækkanir og síðan hefur verðtryggingin séð um rest. Helst þyrfti að snúa ofan af þessu með því að fara aftur um 20- 30 ár og núllstilla miðað ið þann tíma. Það er ekkert sjálfgefið að mínu mati að nám eigi að hafa meira vægi en aðrir hlutir þegar kemur að launum. Óþrifaleg og erfið störf á alveg eins að verðlauna. 

[GÍSLI HOLGERSSON - ICELAND (IP-tala skráð) 11.4.2019 kl. 11:46]

RÉTT. Konungur bloggaranna Páll Vilhjálmsson bendir á JAFNRÉTTI þeirra fátæku og þeirra ríku á ÍSLANDI. Munurinn er að þeir fátæku greiða skuldirnar án afsláttar, en þeir ríku fá AFSKRIFAÐ og halda áfram fjármála "fjörinu".

Lesið allt um "fjármálin" eftir Ragnar Önundarson hér á undan.