Hvað ef?

að það er sólin sem ræður einhverju um hlýnun jarðar eða kólnun  en ekki stórkostlegur útblástur raforkuveranna í nágrannalöndunum? Sem við keyptum  losunarheimildir af fyrir WOW Air og Skúla sem svo seldi þær aftur fyrir hundruð milljóna?

Höfum við ekki verið að leggja óþarfa kostnað á okkar minnstu bræður fyrir hugsjónir pólitískra sérviskuriddara eins og okkar umsvifamikla umhverfisráðherra sem enginn kaus þó yfir sig.

Getum við stjórnað stærð jöklanna með skattlagningum? Er stærð þeirra einhver áminning til mannkynsins eins og þessi ráðherra okkar  segir?

Hversvegna breyttist Klofajökull í Vatnajökul? Stjórnuðum við því eitthvað?

Af hverju flúði fjórðungur þjóðarinnar landið á ofanverðri nítjándu öld.Vantaði þá eitthvað CO2 í andrúmsloftið?

Eða hafði sólin eitthvað með hitastigið á jörðinni meðan á Maunder Minimum stóð með hörmungum um aldir?

Hvað ef loftslagið kólnar nú aftur?

Koma peningarnir vegna kolefnisgjaldanna brottköstuðu eitthvað aftur?  Trump áttar sig hinsvrgar á því að svo er ekki og tekur ekki þátt í Parísarbulli hinna fjörtíuþúsund fífla AlGore.

Hvað ef?

Athugasemdir

[Ívar Pálsson, 28.4.2019 kl. 20:25]

Vel spurt, Halldór. Kolefnisskattar Íslands munu aldrei ná að breyta neinu um veðurfar heimsins, einungis að gera Ísland minna samkeppnisfært og að draga úr lífsgæðum hér á landi. 

Núna þegar búist er við Kötlugosi innan tíðar, er athyglisvert að einungis Katla andar út í dag jafnmiklum koltvísýringi og öll mannleg starfsemi á landinu, um 24.000 tonn á dag (um 8,7 milljón tonn á ári). Það hundraðfaldast þegar hún gýs!

[Ívar Ottósson, 28.4.2019 kl. 21:49]

Æ Halldór ég vona að þú og aðrir hafi rétt fyrir ykkur og þessar loftlagsbreytingar eru ekki af mannavöldum. Það væri nu smá plús í kladdann ef svo er.

En breytingar eru í gangi og útlitið virðist ekki bjart..hvort sem af mannan völdum eða öðrum...eða hvað heldur þú?

[Hörður Þormar (IP-tala skráð) 28.4.2019 kl. 22:53]

Ég tel að ekki verði hjá því komist að taka alvarlega fréttir sem berast úr öllum heimshornum af afleiðingum hlýnandi veðurfars.

Loftslagið á jörðinni hefur verið síbreytilegt alla tíð og orsakirnar ótal margar.

Danski jöklafræðingurinn Jörgen Peder Steffensen heldur því fram að veðurfar hafi verið óvenju stöðugt síðustu 11 þús. árin. Hvað veldur? Er það tilviljun eða á maðurinn þar einhvern hlut að máli?

Ekki ætla ég neitt að dæma um það mál, hef ekki til þess þekkingu. Ég ætla þó aftur að benda á hvað þýski eðlisfræðiprófessorinn Harald Lesch hefur um þetta að segja:                     Ist die Sonne schuld am Klimawandel? | Harald Lesch               

[Haukur Árnason, 29.4.2019 kl. 00:53]

 Held að getum ekki búist við miklu marktætu úr heimi vísindanna.

"Efti jaml og jafl og fuður" var niðurstaðan að "Veður er náttúrufyrirbrygði" Engar aðrar skýringar.

[Húsari. (IP-tala skráð) 29.4.2019 kl. 01:05]

Sæll Halldór.

Hvað ef menn fengju séð að eitt og 
sama lögmál gildir hvort heldur í sólkerfi
okkar eða þeim öðrum þúsundum sem í alheimi eru
og hlíta þeim örlögum að fæðast, hrörna og deyja
svo sem er um allt sem lifir.

Því er það jafnvíst að jörðin hverfur sem annað rykkorn
en mestar líkur á að svikamyllur á borð við hlýnun eða
aðrar geðveikisbakteríur í þeim dúr eigi frekar inná borði
hausaveiðara og grillufangara sem aldrei þrýtur örendið
í botnlausri græðgi og drottnunargirni sinni.

Það er eina kolefnissporið sem ástæða er til að
kaupa sig frá: Mengun hugarfarsins!

[Vagn (IP-tala skráð) 29.4.2019 kl. 11:24]

Sammála Halldór, það er ódýrara að vera sóði. Sturta rusli í sjóinn frekar en að flokka og vinna. Setja úrgangsolíu í niðurfallið frekar en að fara með í förgun. Brenna kolum frekar en að virkja sól og vind. Kúka bakvið stein ef kostar á klósett. Kasta rusli út um bílgluggann frekar en að finna ruslatunnu. Þannig má spara óþarfa kostnað sem leggst annars á okkar minnstu bræður fyrir hugsjónir pólitískra sérviskuriddara.

[GÍSLI HOLGERSSON - ICELAND (IP-tala skráð) 30.4.2019 kl. 13:06]

Við landnám var ÍSLAND skógi vaxið frá fjöru til fjalla og jöklar sáust varla. ÍVAR PÁLSSON skýrir þetta í stuttu máli með koltvísýringinn frá KÖTLU, sem gefur okkur 8.7 miljónir tonna á ári,sem er jafn hátt öllum "útblæstri" á ÍSLANDI, en 100 FALT MEIRA EF HÚN GÝS. Ætlar þá ríkisstjórnin að hækka mengunar skattinn þegar hún "loksins"gýs?. 

Ég sem alltaf hélt að þetta væri hluti af "sköpuninni"?.  Það er gott að vera í hópi með ÍVARI og Leiðtoganum Vestanhafs.