Við hverju bjuggust menn?

þegar þeir settu sænsku lögin um refsiverð vændiskaup en refsilausa sölu?

"Það sem af er þessu ári hafa komið upp 34 mál hjá embætti lögreglunnar á höfuðborgarsvæðinu þar sem grunur er um kaup á vændi.

Á sama tíma í fyrra höfðu komið upp sex sambærileg mál. Þetta kemur fram í svari lögreglunnar á höfuðborgarsvæðinu við fyrirspurn Morgunblaðsins. Þegar tölur milli ára eru skoðaðar verður að hafa í huga að miðað er við dagsetningu brots en vegna eðlis málanna koma þau oft til afgreiðslu löngu eftir að brot var framið.

Vegna þessa getur verið mikill munur á tölum ef þær eru annars vegar skoðaðar eftir dagsetningu brots og hins vegar dagsetningu skráningar. Á árinu 2017 komu upp 29 mál þar sem grunur var um kaup á vændi á starfssvæði lögreglunnar á höfuðborgasvæðinu, en árið 2018 voru málin níu, sé miðað við dagsetningar brota.

Á starfssvæði lögreglunnar á höfuðborgarsvæðinu voru greiddar sektir í níu málum þar sem grunur var um kaup á vændi árið 2017. Ekkert málanna fór í ákærumeðferð en þrjú mál eru enn til rannsóknar. Af þeim málum sem komu upp árið 2018 voru greiddar sektir í tveimur málum, eitt fór til ákærumeðferðar og þrjú mál eru enn til rannsóknar.

Fram kom í svari lögreglunnar að á árunum 2010 til 2018 hefðu 96% sakborninga í þeim málum sem varða kaup á vændi á höfuðborgarsvæðinu verið með íslenskt ríkisfang."

Væri ég Alþingismaður myndi ég hafa móral af því að hafa samþykkt svona fyrirsjáanlega ógáfulega löggjöf.

 

Athugasemdir

[Jón Valur Jensson, 27.6.2019 kl. 04:34]

Gleymdu ekki, Halldór, mjög svo ófarsælum áhrifum Björns Bjarnasonar, þáverandi ráðherra, og Bjarna Benediktssonar, þáverandi formanns allsherjarnefndar Alþingis, og Heimdallar-drengja þeirra á vændislöggjöfina.

[Sigurður I B Guðmundsson, 27.6.2019 kl. 17:00]

 Skrítið að mega selja en bannað að kaupa!!

[Sigurður I B Guðmundsson, 28.6.2019 kl. 16:06]

Svo má snúa þessu við: Bannað að kaupa það sem er löglega til sölu!! Hvernig á maður að skilja þetta? Þess vegna er ég ekki á Alþingi. Þar er fólk sem skilur þetta og t.d. líka O3.