Hver gaf stjórnvöldum heimild ?

að skrifa upp á Parísarsamkomuilag hinna 40 þúsund fífla um útblástursmál?

Gersamlega ósannað bull um hluti sem er ekki minnsti vísindalegur fótur fyrir.

Síðan vaða uppi allskyns gervivísindamenn eins og Greta litla Thunberg sem vita akkúrat ekkert um staðreyndir málsins og heimta aðgerðir í þessu og hinu.

Einn í viðbót er Július Valberg Auðunsson sem birtir trúarritgerð sína  á netinu með því að greinilega að vita ekki neitt um vísindalegar forsendur málsins:

" Rátt fyrir lúðraþyt og stórar yfirlýsingar um kolefnishlutlaust Ísland árið 2040 er fátt sem bendir til þess að okkur takist að standa við okkar hluta Parísarsamkomulagsins. Oft er bent á að vegasamgöngur eru ekki nema 7% af heildarútblæstri landsins og því sé lítið hægt að aðhafast á því sviði. Er þetta rétt?

Útblástur á Íslandi árið 2017 var um það bil 14.000 kílótonn af CO2 ígildi.

... þar af landnotkun: 9.321 kílótonn.
... þar af útblástursleyfi innan ETS-viðskiptakerfi Evrópusambandsins: 1.800 kílótonn.

Ísland hefur skuldbundið sig til að fylgja Parísarsáttmálanum, en hann tekur hvorki til ETS viðskiptakerfisins né útblásturs sem hlýst af landnotkun. Kíkjum á það sem eftir situr: 2.954 kílótonn og þar af eru 975 kílótonn sem tengjast vegasamgöngum. Þriðjungur af umræddum útblæstri er vegna orkunotkunar í vegasamgöngum. 

Sérfræðingar eru sammála um að þessi hluti af útblæstri okkar þurfi að fara niður í 500 kílótonn á landsvísu fyrir árið 2030 til að samræmast markmiðum Parísarsáttmálans sem er 40% minni útblástur en árið 1990. Með öðrum orðum: útblástur sem er rakinn til vegasamgangna þarf að öðru óbreyttu að helmingast á 11 árum.

 

Ef litið er til loftslagsaðgerðaráætlunar ríkisstjórnarinnar er gulltryggt að þetta markmið næst ekki í tæka tíð. Án frekari aðgerða mun rafbílavæðing aðeins hafa náð til 30% af bílaflota árið 2030 samkvæmt spálíkönum. Ferðavenjur munu ekki hafa breyst nægilega mikið og höfuðborgarsvæðið verður ennþá með bílinn í forgangi þó stefnubreyting sveitarfélaganna sé farin að hafa jákvæð áhrif.

SJÁ EINNIG

Tölum mannamál um loftslagsmál

Ríkisstjórnin hefur veðjað á að öflugar ívilnanir fyrir raf- og tengiltvinnbíla skili sér í grænni bílaflota. Stefnt er að banni á nýskráningum dísel- og bensínbifreiða, þó með undanþágum, árið 2030. Á hverju ári bætast við 3-4.000 grænar fólksbifreiðir sem styðjast fyrst og fremst við vistvæna og innlenda orkugjafa. Vöxtur í nýskráningum þessa flokks bíla var 21% frá árinu 2017 til 2018, en til viðmiðunar telur bílaflotinn um 270 þúsund fólksbifreiðir. Langflestir nýir fólksbílar eru knúnir innfluttu eldsneyti og verða ef til vill ennþá í umferð þegar örlagaárið 2030 gengur í garð. Samkvæmt Samgöngustofu voru í fyrra 18 þúsund dísel- og bensínbílar nýskráðir en rafbílar aðeins 617. Árið áður voru nýskráðir dísel- og bensínbílar tæplega 20 þúsund, á meðan rafbílar voru 415. Þó að hver einasta nýskráning væri græn væri bílaflotinn ekki fyllilega endurnýjaður árið 2030. Slíkur er fjöldi dísel- og bensínbíla sem hefur bæst við umferðina á síðustu árum með tilheyrandi metum í umferðarmagni á höfuðborgarsvæðinu. Framboð á rafknúnum og langdregnum fólksbílum er takmarkað enn um sinn og því hafa ívilnanir ekki haft meiri áhrif en raun ber vitni.

Miðað við fólksfjölgun, sparneytni nýrra bíla og hærra hlutfall raf- og tengiltvinnbíla þá verðum við einnig að minnka akstur á höfuðborgarsvæðinu um 50% samkvæmt rannsóknarhópi Hagfræðistofnunar Háskóla Íslands. Það er því deginum ljósara að það þarf að stöðva allar áætlanir um nýjar gatnaframkvæmdir nema í allra brýnustu tilfellum til að tryggja öryggi og þá með því að hægja á umferð. Við þurfum að þétta byggð með öllum ráðum til að draga úr fjölda og lengd bílferða sem og hagræða eins og mögulegt er í vöruflutningum. Ný byggð verður að myndast fyrst og fremst miðsvæðis og á samgönguásum þar sem áherslan er á almenningssamgöngur, ekki í jaðri byggðar — hvað þá í sveitarfélögum þar sem íbúar sækja þjónustu og ferðast til vinnu með einkabílum til höfuðborgarsvæðisins. 

Ferðavenjur breytast ekki einungis með því að fleiri og fleiri séu haldnir loftslagskvíða. Almenningur lifir og hrærist í manngerðu skipulagi. Loftslagskvíði- og skömm getur ekki verið hluti af aðgerðaráætlun ríkisstjórnarinnar heldur verðum við að gera stórtækar breytingar á umhverfinu og dreifa þeim gæðum sem náttúran má við jafnt á hendur allra. Þessi áætlun um rafvæðingu bílaflota er ekki sannfærandi sem helsta framlag ríkisins í því neyðarástandi sem ríkir nú þegar í loftslagsmálum. Eins eru áform um umferðaraukandi framkvæmdir á við Sundabraut ekki til að auka á trúverðugleika ríkisstjórnar eða aðgerðaráætlunar hennar í loftslagsmálum. "

 

SJÁ EINNIG

Sjálfkeyrandi vagnar hafa ekkert í Borgarlínu

Orkuskipti, orðið sjálft, hefur orðið að pólitísku tískuorði. Ráðherrar keppast um að tilkynna nýjar hleðslustöðvar. Á sama tíma er ekki enn búið að semja um aðkomu ríkisins að Borgarlínu og bílafloti sem gengur að mestu fyrir innfluttu jarðefnaeldsneyti stækkar á hverju ári. 

Sannleikurinn er sá að þessi orkuskipti nægja ekki þegar litið er til útblásturs sem tengist ferðavenjum okkar. Þau komast ekki einu sinni nálægt því. Sé ætlunin að ná hinu háleita markmiði um 500 kílótonn árið 2030 þarf að draga úr akstri sem nemur 6,4% á hverju ári og annaðhvort sleppa þeim ferðum eða styðjast við annað en einkabíl.

Til að það gerist höfum við tvo valkosti. Við gætum skammtað eldsneyti eins og gert var á styrjaldartímum síðustu aldar. Hinn kosturinn er að laga manngert umhverfi þannig að fólk finni einfaldlega ekki ástæður til að keyra eins mikið, með fjárfestingum í innviðum fyrir gangandi og hjólandi sem og forgangi almenningssamgangna. Seinni valkosturinn hlýtur að vera sá sem við lítum til."

Ætla svona bullukollar að gera Ísland óbyggilegt með aðstoð einhverra bjálfa sem fóru umboðslausir til Parísar að skrifa undir bull um hnattræna hlýnun sem enginn fótur er fyrir?

Íslendingar þurfa orku til að standa undir lífkjarasókn sinni og lífskjarasamningum . Ef við viljum ekki kjarnorku  þá verðum við að brenna jarðefnaeldsneyti eða drekkja landinu í uppistöðulónum. Aðrir valkostir eru ekki fyrir hendi.

Hver gaf  íslenskum stjórnvöldum heilmild til að skrifa undir ósannað bull með fjörtíuþúsund fiflunum í París um hamfarahlýnun vegna CO2? Ekki ég.

Við þurfum að fylgja fordæmi Trump og segja Ísland frá þessari Parísarvitleysu sem fyrst þar sem hlutur okkar í heimsútblæstrinum er örsmæðarstærð af heild.

 

Athugasemdir

[Vagn (IP-tala skráð) 7.8.2019 kl. 22:11]

Valdi og skyldu Alþingis til að taka ákvarðanir fyrir þig og skuldbinda þig losnar þú ekki undan meðan þú ert Íslenskur ríkisborgari. Allir sem ákváðu að halda í ríkisborgararétt sinn og lifa undir lögum og stjórnarskrá lýðveldisins gáfu með þeirri ákvörðun stjórnvöldum þessa heimild. "Love it or leave it" eins og Trump mundi segja. Sættu þig við það eða komdu þér í burtu.

[Halldór Egill Guðnason, 8.8.2019 kl. 03:00]

Hættur að kommenta hér. Þoli illa bið. Annaðhvort poppar ruglið í manni upp samtímis, eða má bara missa sig. Þakka góða samvinnu gegnum arin.

[Halldór Jónsson, 8.8.2019 kl. 03:05]

Nafni minn ekki hætta að skammast út í mig. En reyndu að stilla þig aðeins með orðfærið og umskrifaðu aðeins

[Halldór Egill Guðnason, 8.8.2019 kl. 03:40]

Á aðeins eitt orðfæri og það er mitt.

 Góðar atundir, með kveðju að sunnan.

[Jón Valur Jensson, 8.8.2019 kl. 06:11]

Gott hjá þér, Halldór. Þú mættir þó gjarnan taka sérstaklega fram, á eftir tilvitnunum (einkum löngum): Tilvitnun lokið. Annars fer þetta að renna saman á ruglandi hátt. (Eins má hafa tilvitnanir inndregnar, með stærri spássíu vinstra megin.)

Einurð þín er einstök og til fyrirmyndar. Það þarf að kveða þessa ruglara í kútinn með skýrmælgi og tveimur hrútshornum.

[Halldór Jónsson, 8.8.2019 kl. 08:00]

Takk fyrir Jón Valur. Ég hef reynt að nota gæsalappir um tilvitnanir en kanski er það ekki nógu skýrt.

[Halldór Jónsson, 8.8.2019 kl. 08:02]

Nafni minn að sunnan, mér fannst þú fara aðeins yfir strikið í lýsingarorðum og frestaði birtingunni þessvegna

[Halldór Jónsson, 8.8.2019 kl. 08:04]

Vagn, stjórnvöld hafa ekkert rökstutt afstöðu sína og því mótmæli ég hástöfum þar sem ákvörðinin er stórkaðleg fyrir lífskjör almennings. 

[Vagn (IP-tala skráð) 8.8.2019 kl. 10:39]

Stjórnvöld hafa rökstutt afstöðu sína. Þú getur því ekki mótmælt á þeim grundvelli. Þú ert bara ekki sáttur við þær röksemdarfærslur og ekki sammála stjórnvöldum. Þú mótmælir því á grundvelli skoðana sem flestir sjá sem afneitun staðreynda en ekki vegna skorts á röksemdarfærslum.

https://www.stjornarradid.is/lisalib/getfile.aspx?itemid=8f649775-5ab4-11e9-9439-005056bc530c

https://www.stjornarradid.is/rikisstjorn/stefnuyfirlysing/

[Halldór Jónsson, 8.8.2019 kl. 19:53]

Ég árétta að engin vísindalega rök hefur stjórnarráðið fært fyrir sínu máli heldur aðeins fullyrðingar.

[Sigurður Antonsson, 8.8.2019 kl. 22:01]

Sólin sendir á tveimur mínútum til jarðar álíka orku og jarðarbúar nota á einu ári. Jörðin hefur verið á sínu ferðalagi í yfir mörg billjón ár. Kannski 4500 billjónir ára.

Nýyrðið "Loftslagskvíði" er tilbúningur sem notað er á börn og auðtrúa einstaklingar. Stjórnmálafylkingar hér og á meginlandinu gera út á þennan ótta og stjórnmálamenn sjá skattatækifæri eins og þú útlistar á myndrænan hátt.

Á öllum tímum hefur maðurinn óttast framtíðina og eðlilegur þáttur lífsins. Hann fer oft út af sporinu og nær sér oft ekki á leið fyrr en eftir talsverðar þrautagöngur. Óþarfa sóun á auðlindum er daglegt brauð og engum oft til góðs. Ágætt að nýjar kynslóðir íhugi hvað þau vilja og hvað telur.

Fyrir tvö hundruð og fimmtíu árum var mannkynið um 750 milljónir en hefur tífaldast síðan. Tekjur meðalmannsins hafa margfaldast einnig. Vegferðin verður aldrei útrædd og gaman að poppa inn á þína vefsíðu.

[Sigurgeir Árnason (IP-tala skráð) 9.8.2019 kl. 14:03]

Það má segja að rannsóknir séu ekki nægilegar miklar vegna loftlagsvandans,en ætti ekki náttúran að njóta vafans það   verður erfitt að grípa inní ef aðsæður verða til vegna hækkunar hitastigs,með tilheyrandi bráðnun jökla og hækkunar sjávarborðs.En eitt finnst mér einkennilegt með hönnun hjá vegagerðinni, öll þessi hringtorg og hraðahindranir.Á veginum til Keflavíkurflugvallar er frá Fitjum að flugstöð fimm hringtorg,þegar rútur og malarflutningabílar aka ´þessa leið og koma úr hringtorgunum eyða þeir samkvæmt eyðslumælum 60-70 lítrum þegar þeir eru að ná upp hraða aftur þetta er of mikil olíu eyðsla vegna rangrar hönnunar að óþörfu, þessi hringtorga heimska á ekki síður við  Vesturlandsveginn uppá Kjalarnes.Hingað til hefur hönnun ekki verið framkvæmd með sparnað á eldsneyti í huga heldur farin ódýrasta leiðin án hugsunar til aukinnar eyðslu og það hjá opinberum aðilum er hrópa svo sparið ieldsneytisfrek ökutæki.Þurfa ekki opinberir aðilar að sýna gott fordæmi og hanna mannvirki með eldsneytissparnað í huga og vera þannig sjálfum sér samkvæm.