Borgarbúar velja bíla

ern ekki hjól af augljósum ástæðum sem blasa við öllum nema Borgarstjórnarafturhaldinu sem vill koma 12 % þeirra um borð í Borgarlínu sem enginn veit hvernig á að vera né hvað muni kosta.

Fyrir mig vil ég heldur vera húsnæðislaus en bíllaus. Bíllinn er undirstaða lífsins hvar sem er í heiminum. Allt annað er bull og kjaftæði í sérvitringum sem eiga ekki heima í nútímanum. Hver fjölskylda með börn þarf að eiga 2 bíla ef hún á að geta tekið þátt í daglegu lífi.

Það sem Borgarstjórnarmeirihlutinn skilur ekki að séu götur greiðar þá ganga almenningssamgöngur líka greiðar fyrir sig. Strætó þarf að bíða í umferðarteppunum alveg eins og aðrir bílar. Það er gersamlega óskiljanlegt hvernig þetta fólk hugsar sem myndar þennan afturhaldsmeirihluta í Borgarstjórn Reykjavíkur. 

Þessu fólki verður að koma frá völdum. Makalaust er að enginn í þessum sundurleita og tæpa meirihluta skuli ekki detta í hug að segja upp vistinni og ganga til móts við nýja tíma. Árangur þessa meirihluta á miðju tímabilinu er svo hroðalega ömurlegur að það hálfa væri nóg. Skuldasöfnun, framúrkeyrslur, hugmyndaleysi, heimska stefna ekki á mikið fylgi í næstu kosningum.

Borgarbúar hér sem um allan hinn tæknivædda heim hafa valið fjölskyldubílinn sem samgöngutæki. Aðeins fáráðlingar hætta lífinu á tvíhjólum ef þeir eiga kost á öðru og þeir sem labba eða bíða eftir strætó virðast ekki hafa neitt að gera þarfara í lífinu en að sóa því í tilgangslaust hangs.

Borgarbúar velja bíla að 96 % hluta hvað sem Dagur sóar mörgum milljörðum i dellur sínar og samkomma, hlutfall almenningssamgangna haggast ekki upp úr 4%.

Athugasemdir

[Ólafur Pétursson (IP-tala skráð) 24.9.2019 kl. 07:50]

Sæll Halldór,

Þú talar um borgarlínu sem enginn skilur. Það skilja hana margir og lykilþáttur í borgarlínu eru forgangsakreinar fyrir Strætó. Punkturinn um að Strætó þurfi að sitja í umferðarteppum eins og aðrir verður sem betur fer mun minna vandamál þá.