Veggjöld?

þeirri spurningu veltir leiðarahöfundur Morgunblaðsins fyrir sér í dag:

"......Fyrr í vikunni birtist frétt í Morgunblaðinu þar sem kom fram að veggjöld gætu varðað persónuvernd. Þar sagði Helga Þórisdóttir, forstjóri Persónuverndar, að skoða þyrfti hugmyndir um veggjöld í nýja samgöngusáttmálanum út frá persónuverndarlögum:

„Þetta er stórt atriði í nýrri persónuverndarlöggjöf, hversu mikið við viljum láta rekja okkar ferðir,“ sagði hún. Helga nefndi að í Kína væru ferðir einstaklinga raktar óspart og upplýsingarnar notaðar í stigagjöf fyrir fólk og bætti við: „Þá er spurningin hvernig samfélagi við viljum lifa í. Við höfum skilning á því að fleiri og fleiri skref borgaranna séu skráð en sá skilningur á sér ákveðin takmörk.“

Sagði Helga í samtalinu að persónuverndarstofnanir í Evrópu legðu um þessar mundir áherslu á að skoða það sem hún kallaði rekjanleika alls í snjallborginni. Helga nefndi að yfirvöld gætu skoðað hvort slík vinnsla persónuupplýsinga væri heimil á grundvelli almannahagsmuna.

Ný skattheimta vekur alltaf spurningar. Bætist hún ofan á aðra skattheimtu eða tekur hún við af gjaldtöku, sem lögð verður niður? Er hún nauðsynleg ef hún er ekki viðbót? Þeim mun ríkari ástæða er til að spyrja ef skattheimtunni fylgir mikill kostnaður, jafnvel þannig að hátt hlutfall skattsins eða gjaldsins fer í að reka kerfið. Það getur ekki verið góð nýting á almannafé.

Þegar við bætast þær spurningar um friðhelgi einkalífs og persónuvernd, sem hér hafa verið settar fram verður enn meiri ástæða til að staldra við og endurskoða þessar hugmyndir um að rekja ferðir borgaranna."

Af hverju snúum við ekki dæminu við?

Látum bíla greiða kílómetragjald fyrir ekinn kílómetra.(Innsigla mælana vegna þeirra sem kunna að spóla niður eða setja nafmæla eins og trukkana)

Fellum niður aðflutningsgjöldin af bílunum. Lækka nýja bíla um svona helming. Lækkum bensínið í bandarískt verð eða niður fyrir hundraðkall lítrann. 

Með þessu finna menn sér hvata til að taka strætó en keyra bílinn frekar til spari eða þegar þeir vilja.

Engin veggjöld nema í jarðgöng og nýjar brýr. 

Athugasemdir

[Vagn (IP-tala skráð) 5.10.2019 kl. 18:12]

Það skortir ekki hugmyndirnar. Verra er þegar þær miða við tækni sem langt er síðan varð úrelt. Ýmist vegna þróunar tölvutækni í bílum (aðeins tengingu við tölvu og réttan hugbúnað þarf til að "spóla niður" teljara flestra nútímabíla) eða aukahluta (nafmæla) sem hafa ekki verið framleiddir í um 40 ár.

Það verður stöðugt meira aðkallandi að skattlagning á akstur verði að hverfa frá bensíni og dísel eftir því sem rafmagnsbílum fjölgar. 25.000 kr skattur á hvern keyptan hjólbarða væri möguleiki. Allir nota hjólbarða og þeim mun meiri sem aksturinn er þeim mun meira slit á hjólbörðunum.

[GÍSLI HOLGERSSON - ICELAND (IP-tala skráð) 5.10.2019 kl. 21:58]

VEGGJÖLD og BORGARLÍNA og lokaður LAUGAVEGUR fyrir bíla. Hver fann uppá þessu?. ALÞINGISMENN eða "afturgöngur" vinstri flokka, sem krefjast þess í dag að ganga til "vistar" við "húskarlana" hjá ESB í Brussel. Aumleg stjórnun á ÍSLANDI?.

Ég get illa gleymt 100 ára FULLVELDISDEGINUM á ÞINGVÖLLUM 2018 og "enginn mætti". Ég var 8 ára á ÞINGVÖLLUM 1944 á stofnun LÝÐVELDISINS og allir mættu. Það verður að segja sögu ÍSLENDINGA að nýju innan skólanna. Við erum að TÝNAST.

AF HVERJU NEITA ALVÖRU BÆJARSTJÓRAR í nágrannabæjum EKKI BORGARLÍNUNNI OG SKIPULAGSLEYSINU HJÁ REYKJAVÍKURBORG?. ÞIÐ RÁÐIÐ FERÐINNI.

GREIÐUM FYRIR JARÐGÖNG, sem skapa ÖRYGGI, styttingu leiða og spara bensineyðslu.