Stjórnarskrármálið

gýs upp hjá vinstra liðinu með nokkuð reglubundnum hætti.

Þegar ég las eftirsjá Guðmundar Steingrímssonar í Fréttablaðinu og horfði á myndina af Þorvaldi Gylfasyni í Salsa dansinum um í tilefni stjórnarskráruppkasts hans þá anda ég feginsamlega yfir því að þjóðin skuli hafa frelsast frá bullinu sem þessir menn sendu frá sér á þessum tíma. Langhund þar sem eitt og annað rak sig á annars horn og gæti síst af öllu verið grunnur að þjóðarsátt.

Engum meðalsnotrum mönnum gæti dottið í huga að það eigi að semja stjórnarskrá með þeim hætti að smala saman allskyns liði af götunni og fara að semja ritgerð í gagnfræðaskólastíl. Halda það að slík moðsuða  geti orðið grundvöllur þess að leysa af hólmi hina  þróuðu stjórnarskrá frá 1944 sem þjóðin samþykkti nær samhljóða. 

Ég er þakklátur fyrir að hafa sloppið frá þeim vinstri  bullukollum sem skiluðu þessu úrelta plaggi af sér fyrir sjö árum. Vonandi fer skrifum þessa skúffaða fólks yfir afdrifunum að linna, svo leiðigjarnar endurteknar staðreyndafalsanir þeirra um þjóðaratkvæðagreiðsluna eru.

Könnun meðal þjóðarinnar sýnir glöggt að fólk er ekki andvaka yfir stjórnarskrármálinu eins og þetta andsetta vinstra fólk sem Þorvaldur og Guðmundur eru bestu dæmin um.

Því sem áfátt kanna að vera í okkar stjórnarskrá mætti sjálfsagt breyta í  víðtæku samstarfi meðal þjóðarinnar en ekki bara eftir pípum Samfylkingarinnar og VG. En stjórnarskrá er eitthvað sem virðist ekki vera í forgangi í hugum fólks og því verður sjálfsagt langt í að eitthvað verði gert. Sem betur fer líklega.

Alla vega gæti ég trúað að takmörkuð eftirspurn sé  eftir leiðsögn vinstri spekinga á borð við þá Þorvald og Guðmund  í þessu stjórnarskrármáli þegar óleyst framfaramál bíða hvert sem augað eygir. 

Athugasemdir

[Ómar Ragnarsson, 21.10.2019 kl. 09:24]

"Vinstri bullukollarnir"?  Könnun DV leiddi í ljós: 

12 af 25 stjórnlagaráðsfulltrúum höfðu aldrei tekið þátt í pólitík. 

Samtals 13 höfðu tekið þátt í starfi stjórnmálaflokka og skiptust þannig. 

5 höfðu tekið þátt í starfi Sjálfstæðisflokksins, þar af einn setið á þingi fyrir þann flokk. 

3 höfðu tektið þátt í starfi Samfylkngarinnar. 

2 höfðu tekið þátt í starfi Framsóinarflokksins. 

2 höfðu tekið þátt í starfi Vg.

1 hafði tekið þátt í starfi Frjálslynda flokksins.  

[Guðbjörg Snót Jónsdóttir (IP-tala skráð) 21.10.2019 kl. 10:19]

Ekki nóg með það. Auglýsingarnar í Rúv um helgina gengu allar út á, að "kjósendur" hafi kosið sér nýja stjórnarskrá, eins og allt kosningabært fólk hafi kosið nýja stjórnarskrá og vilji hana. Ég kannast nú ekki við, að ég sé ein þeirra, og ekki heimta ég nýja stjórnarskrá heldur, þótt það megi nú lagfæra ýmislegt í þeirri, sem við höfum. Þetta er þvílíkt rugl og vitleysa hjá þessu fólki, að engu tali tekur. Það talar eins og það tali fyrir hönd þjóðarinnar allrar. Hversu mörg prósent eru það, sem standa að þessum auglýsingum? Ekki hundrað prósent, svo mikið er víst. Þetta er yfirgengileg frekja af hálfu þessa fólks, sem heimtar nýja stjórnarskrá, og tala, eins og þeir séu talsmenn allrar þjóðarinnar, sem er af og frá. Haldið það sé nú! Mér líst ekkert á þetta. Ég verð bara að segja það.

[Halldór Jónsson, 21.10.2019 kl. 13:24]

Mér sýnast tölurnar sanna að 20 af 25 hafi ekki verið örugglega vinstri bullukollar

[Halldór Jónsson, 21.10.2019 kl. 13:26]

Það átti að vera 5 af 25 hafi örugglega ekki verið vinstri bullukollar. En voru ekki áhrif Þorvaldar Gylfasonar yfirþyrmandi og er hann örugglega ekki bullukollur?