Þjóðarsjóður?

virðist vera gæluverkefni Bjarna Benediktssonar.

Hann vill að núlifandi Íslendingar skattleggi sig til að borga eitthvað sem næsta kynslóð þarf kannski óvænt að borga. Icesave lll eða eitthvað annað snjallræði eða skyndiáfall?

Af hverju eigum við núlifandi Íslendingar að fara að taka okkar peninga og leggja þá í banka til þess að einhverjir stjórnmálaskúmar framtíðarinnar sem við ekki þekkjum geti tekið þessa peninga til sín og ráðstafað í eitthvað sem við hvorki þekkjum, né höfum unnið til eða orsakað á nokkurn hátt?

 

Mér finnst þetta vera órökrétt hugsun. Hefur ekki hver kynslóð lifað í þessu landi sínu lífi og skilið verk sín, góð eða slæm, eftir fyrir næstu kynslóð til að erfa?

 

Skuldaði kynslóð Jón Sigurðssonar okkur Hrunverjum eitthvað siðferðislega þegar einhverjum  fannst mál að borga Icesave? Verða ekki Kúba norðursins eftir ískalt mat á greiðsluskyldunni?

 

Af hverju skuldum við núlifandi Íslendingar einhverjum ófæddum Íslendingum eða aðfluttum flóttamönnum seinna á öldinni fyrir þeirra asnaspörk eða síldarleysi sem dynur yfir 2080? Fáum við einhverja hlutdeild í þeirra hagsæld?

 

Landsvirkjun verður skuldlaus eftir 4 ár með eigið fé uppá 400 milljarða og hagnað uppá 60 milljarða. Skiljanlega klæjar ýmsa í puttana við þá tilhugsun.

 

Af hverju eigum við ekki að nota þetta fé til að bæta líf okkar kynslóðar sem höfum byggt upp Landsvirkjun? Laga vegina, spítalana, skólana?

 

Af hverju eigum við að afhenda þetta fé með fórnarkostnaði til einhverra fjármálasérfræðinga til að spila með erlendis?

 

Af hverju er ekki lífið einmitt núna en ekki í framtíðinni?

 

Vantar ekkert einmitt núna í dag?

 

Hrunið, Icesave og tap lífeyrissjóðanna erlendis er ekki gleymt. Fyrstu kannanir benda til þess að mikill meirihluti þjóðarinnar taki ekki undir hugmyndir Bjarna um Þjóðarsjóð.

 

Athugasemdir

[Grímur Kjartansson (IP-tala skráð) 24.10.2019 kl. 22:14]

Mikið er ég sammála þér Halldór

Þessum íslensku gammafjárfestum tekst að fífla lífeyrissjóðina trekk í trekk en ef þjóðarsjóður verður af þeirri stærðargráðu sem Bjarna dreymir um þá mun stóru hákarlanir koma syndandi til Íslands frá  öllum Tortola eyjum í heiminum og sjóðurinn mun enda í skuld af IceSave stærðargráðu en ekki afföllum upp á 99%

[Jónatan Karlsson, 25.10.2019 kl. 00:08]

Það hefur á undanförnum árum oft á tíðum verið mér ánægjuefni að lesa yfir hugrenningar þínar og alveg sérstaklega verða vitni af þeim hamskiptum sem orðið hafa á skoðunum þínum frá því sem áður var á skoðunum þínum á pörupiltunum Bjarna og Gulla ásamt lagskonum þeirra auðvitað.

Sighvatur Björgvinsson var nýlega í viðtali á Útvarpi Sögu, þar sem helst mátti heyra á honum að spillingin öll og vanefndir undanfarina ára væru eiginlega kjósendum sjálfum um að kenna, því þeir létu þetta allt bara si svona yfir sig ganga.

Hvað segirðu Halldór til dæmis um þessa síðustu fléttu Bjarna um að ráðstafa væntanlegum hagnaði Landsvirkjunar í einhvern privatsjóð og láta okkur um að greiða sligaða vegi með auknum gjöldum og helst leyfa Katrínu að loka allri stóriðju landsins með lagningu fyrirhugaðs sæstrengs?

Ætlarðu bara að láta þetta svona yfir þig ganga og halda áfram að kjósa þá Bjarna og Gulla?

[Halldór Jónsson, 25.10.2019 kl. 19:34]

Ef ég kýs Bjarna og Gulla þá er það í og með til að afstýra öðrum miklu verri eins og draslinu úr litlu ljótu landsöluflokkunum, en ekki endilega af hrifningu á þessum orkupakka-og þjóðarsjóðsmönnum jónatan minn.

"Munið þið piltar", sagði Bjarni Ben heitinn, "þótt við séum vondir, þá eru aðrir verri."

[GÍSLI HOLGERSSON - ICELAND (IP-tala skráð) 26.10.2019 kl. 18:41]

Góð ábending Halldór.

Það verður að kjósa um ESB VANDANN fyrir fámenni ÍSLENDINGA. Stjórnmálaflokkarnir sem hugleiða "INNGÖNGU" verður að kjósa frá ALÞINGI.

[Jónatan Karlsson, 26.10.2019 kl. 19:42]

Að leggja nöfn þessara kauða tveggja við Bjarna heitinn Benediktsson er enn ljótara en að leggja nafn guðs við hégóma.